استقالة مؤقتة من الادبى وقلوب

فيروز بتقول فى رائعة من روائعة اسمها - صار لازم ودعكن-

انا صار لازم ودعكن وخبركن عنى
انا كل شىء عم حسه وبيطلع منى

نظرا لانى فى اليومين الاخرانيين بكتب فى الادبى وقلوب قصايد ومواضيع بحس انها من اجمل ما كتبت فى حياتى
وبالرغم من كده بلاقى الردود قليلة جدا
يعنى بعدا ماكان بيبقى فيه من خمستاشر لعشرين عضو بيردوا دلوقتى اللى بيردوا خمسة ولو زادو عشرة بالكتير اوى
وده طبعا بيجيبلى احباط

وكمان الناس اللى بترد مش بترد زى الاول بتحليل وبنقد وبفهم كله بقى بيرد بكلمة وبيكسل ماعدا قلة قليلة جدا
وده طبعا بيحبطنى

وكمان ببص فى بقية قصايد الزملا الاعضاء بلاقى شعر على قده اوى ومحاولات عادية وبلاقى الكلام الكبير اللى بيتكتب قى حقى بيتكتب برضه عندهم وده ان دل على شىء فانه بيدل على ان اغلب الناس هنا مش فاهمة ومش قادرة تميز الحلو من الوحش والامر خاضع لسلسلة مجاملات - الا قلة قليلة برضه -
كل اللى فات بيحبطنى اكتر منا محبط

وعليه انا معتش هنزل حاجات جديدة لا فى الادبى ولا فى قلوب
انا مش بقول كده عشان تردوا وتقولوا يا محمد ارجع او الكلام ده
لانى اكيد راجع ب بكتاباتى بس لما المنتدى ينشط والناس ترجع تشارك بردود زى زمان
يمكن ارجع بعد العيد علطول يمكن فى الشتا... لما مزاجى يتظبط والاقى ان الناس مبقتش تكتفى بالمشاهدة بس وبقت ترد من تانى على المواضيع فى المنتدى
انا شايف كل يوممية يدخلوا واللى يردوا ع المواضيع عشرة بس
!!!!!

بصوا

هى فضفضة اكتر منها اعلان استقالة مؤقتة
وكمان انا بنبه الناس اللى بتقرى ومش بترد انها بتجيب احباط لينا كلنا
انا مضايق وزعلان فبفضفض معاكو
وده الغرض اللى اتعمل عشانه القسم ده
اننا نحكى لبعض ... ونفضفض

الناس المحترمة اللى بترد بفهم وبتحس كلامها
احلى سلام ليهم
وهيوحشونى بجد

فيروز فى اخر الاغنية قالت
ودايما فى الاخر... فيه أخر ... ووقت فراق
وحتى لو مرجعتش اكتب تانى مش مهم
المهم ان المنتدى واقف باعضاؤه ومبقاش يقف على رحيل اى حد مهما كان
بيس

محمد انت كتاباتك جامده جداااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا
سواء بوضعها فى المنتدى ام لا
ربنا يوفقك
بس لازم نشوف مواضيعك و هنرد اكيد

و الله عندك حق عن نفسي فبصراحه معنتش بحب ارد على حاجه زهقت يعني
و كمان معنتش بحب انزل مواضيع بردو من كتر الردود يعني فزهقت
بس و الله عندك حق و يمكن ينشط وقت الكليه يمكن ابقى اعرف السبب ليه النشاط ده في ايام الكليه

كل كلمه قلتها صح انا فعلا لاحظت كده كتير وبصراحه لما لقيت كده انا كمان عملت نفس الشئ
برغم ان فعلا القصايد والخواطر والقصص اللى بتكتبها فعلا جميله وبصراحه بحس ان اللى كتبها شاعر كبير
وانا بشكرك فعلا على صراحتك
ومنتظرين ان شاء الله انك تنزل كتابات جديده وياريت تنهى الاستقاله

باذن الله نشوف جديدك قريب

شكرا للجميع

كلامك فعلاصح يا محمد المنتدى مابقاش بيدخلوا ناس كتير زي الاول وما عدش حد بيرد على حاجة وده مش عيب في صاحب الموضوع وماتزعلش لان انت عارف احنا بنحترمك اد ايه وانت ما شاء الله عندك موهبة بجد ودي مش مجاملة وانا اصلا ردودي قليلة اوي في الادبي بس انت مواضيعك فعلا حلوة ...اتمنى انك ان شاء الله ترجع تكتب لينا تاني هنا قريب وربنا يوفقك.