ايهما تفضل لمصر نظام ملكى ام جمهورى(بالامثله)

والله يامحمد ان الانظمة لا تعنى
ولكن الاشخاص هم الذين يعملون الفارق
يعنى عبد الناصر دخل مصر حروب
خسرناها 3 حروب ورجعنا الى الخلف
اما الرئيس مبارك معيشنا فى سلام
تحت قيادته الحكيمة
فالعيب فى فكر الاشخاص

لنل افضل النظام الجمهوري لمصر لاني اعتقد انه من المستحيل نرجع نظام ملكي تاني .

شكرا سير ع الموضوع

مش مهم نوع نظام الحكم
المهم اذاى بطبق الحكم
ومصر جربت النوعين
وكان فيهم هما الاتنين فترات
تقدم وتراجع
بس الشعب شم نفسه شويه مع النظام الجمهورى
يعنى الفلاح فى النظام الملكى كان بيحلم انه مقابل تعبه
يلاقى ولو لقمة عيشه بعد الثوره بقى بيحلم ازاى يوسع ارضه
كان زمان مثل بيتقال(لو اتوجد العيش يبقى المش بشرقه)
دلوقتى بيقولك لو هتلنشن يبقى شيكى دودو
وده مش معناه ان مصر بقى الشعب فيها عايش فى ازدهار ورفاهيه
صحيح فى دول احسن مننا بس احنا احسن من غيرنا كتير

انا مع النظام الجمهورى طبعا لانى استحالة اقبل بنظام ملكى.......مصر عاشت النظامين وانا شايفة ان فى امل ان احنا نتغير فى وجود نظام جمهورى .......ناس زينا اللى بتحكمنا مش من طبقة تانية حتى لو ليها فكر وتوجه مميز ده مش هيغير انهم اسرة مالكة و المفروض ليها تقاليد معينة....ده لو هنبقى شبه النظام الملكى فى بريطانيا

طبعا فى دول عربية نظامها ملكى ويمكن من اغنى الدول العربية بس دى كانت ليها ظروف غيرنا....و كمان مش دايما بيبقى عندهم كفاءات ...

و بعدين اى اسرة دى اللى هتحكمنا ؟؟؟؟؟؟؟؟؟
صعب اوى

شكرااااااااااااااااااااااااااااااااااااااااااااااااا على الموضوع




ا

الفتى المنتظر كتب:

والله يامحمد ان الانظمة لا تعنى
ولكن الاشخاص هم الذين يعملون الفارق
يعنى عبد الناصر دخل مصر حروب
خسرناها 3 حروب ورجعنا الى الخلف
اما الرئيس مبارك معيشنا فى سلام
تحت قيادته الحكيمة
فالعيب فى فكر الاشخاص

شكرا يحيى على الرد كلامك سليم

noor كتب:

لنل افضل النظام الجمهوري لمصر لاني اعتقد انه من المستحيل نرجع نظام ملكي تاني .

شكرا سير ع الموضوع

طبعا من المستحيل انه يرجع لاننا فى دوله غير ديمقراطيه
بس الامل فى اصلاح مصر النظام الملكى الدستورى

ART كتب:

مش مهم نوع نظام الحكم
المهم اذاى بطبق الحكم
ومصر جربت النوعين
وكان فيهم هما الاتنين فترات
تقدم وتراجع
بس الشعب شم نفسه شويه مع النظام الجمهورى
يعنى الفلاح فى النظام الملكى كان بيحلم انه مقابل تعبه
يلاقى ولو لقمة عيشه بعد الثوره بقى بيحلم ازاى يوسع ارضه
كان زمان مثل بيتقال(لو اتوجد العيش يبقى المش بشرقه)
دلوقتى بيقولك لو هتلنشن يبقى شيكى دودو
وده مش معناه ان مصر بقى الشعب فيها عايش فى ازدهار ورفاهيه
صحيح فى دول احسن مننا بس احنا احسن من غيرنا كتير

قبل الثوره كانت الملكيه للافراد وكانت مصر من اغنى دول المنطقه
بعد الثوره والاصلاح الزراعى توزعت الاراضى بشكل عشوائى على الفلاحين الغير متعلمين
وتمت زراعتها والبناء عليها مما ادى لتدهور الزراعه بشكل كان له تأثير واضح فى الاقتصاد المصرى
شكرا على الرد

طبعا النظام الجمهورى يا سير محمد

mr.ahlawy كتب:

طبعا النظام الجمهورى يا سير محمد

شكرا ليك على اختيارك

sir_mohamed awad كتب:

smile كتب:

انا مع النظام الجمهورى طبعا لانى استحالة اقبل بنظام ملكى.......مصر عاشت النظامين وانا شايفة ان فى امل ان احنا نتغير فى وجود نظام جمهورى .......ناس زينا اللى بتحكمنا مش من طبقة تانية حتى لو ليها فكر وتوجه مميز ده مش هيغير انهم اسرة مالكة و المفروض ليها تقاليد معينة....ده لو هنبقى شبه النظام الملكى فى بريطانيا

طبعا فى دول عربية نظامها ملكى ويمكن من اغنى الدول العربية بس دى كانت ليها ظروف غيرنا....و كمان مش دايما بيبقى عندهم كفاءات ...

و بعدين اى اسرة دى اللى هتحكمنا ؟؟؟؟؟؟؟؟؟
صعب اوى

شكرااااااااااااااااااااااااااااااااااااااااااااااااا على الموضوع
اشكرك على ردك بس احب اوضح ليكى نقطه معينه عدم قبولك بنظام ملكى لكونك من ضمن الكثير الذين تم تضليلهم بتشويه الصوره
الملكيه من قبل رجال الثوره وبعدين اسره محمد على هى الاحق انها تحكم مصر لانها ايجابيات الفتره من 1805 الى 1952
تفوق بمراحل ما حدث بعدها
تولى محمد على باشا حكم مصر وكانت ولايه عثمانيه فقيره متخلفه مع توالى سنوات حكمه اصبحت مصر
اغنى دوله مناصفه مع الدوله العثمانيه فى تركيا حاليا
من بنى الجامعات والكبارى و السكك الحديديه ومصر الحديثه والسدود الترع والمستشفيات
وبعدين الدول العربيه محكومه بنظام ملكى شبه مستبد لان الملك يملك ولا يحكم
يعنى مينفعش يكون رئيس الوزراء وباقى الوزراء من الاسره المالكه زى السعوديه والكويت والامارات وقطر وغيرهم
النظام الملكى الذى اقصده مثل دول اوربا نظام ملكى دستورى
شكرا ليكى




ا

شكرا سير على التوضيح..... وشكرا تانى على الموضوع

عمر كتب:

النظام الملكي يعني فشخرة ما أنزل الله بها من سلطان ...أيه اللي يخلي واحد أياً كان الواحد دا يتميز عني ببهرجة وبقصور وبهلمة على الفاضي (بطلوا حقد؟)

طيب وليه هو يجي أساساً بعيداً عن كون تفكيري دا حقد ولا مش حقد !!...وهو محمد علي اللي جت على أديه أخر سلالات الملكية المصرية كان أصله أيه؟ بياع تبغ في ألبانيا , بالطبع هو باني مصر الحديثة , لكن كان يقدر يبنيها وهو رئيس , كان يقدر يبنيها لمصلحة الوطن مش لمصلحة أسرته .

هي دي الملاكية اللي بتخلي الحاكم يركز في ولي عهده وأزاي أجيبه بعدي يحكم حتى لو كان طفل صغير أو متخلف عقلياً .


ممكن تقولي النظام في بريطانيا فاصل الملكية عن الحكم ورئيس الوزراء هو اللي بيحكم , وأرجع وأتسائل , طيب وليه من الأساس يبقى فيه ناس زيهم زيي ينعموا بخيرات بلدي زي ما هي بلدهم بزيادة عني مائة ضعف !

أعتقد إن رئيس زي عبد الناصر اللي أنت مشوه صورته في توقيعك (مع أختلافي معاه) أفضل من واحد زي الملك فاروق ...

شوف يا عمر كلامك تقريبا غلط لان الرئيس فى الدول العربيه ينعم بالملذات والرفاهيه زى الملك بالظبط
وبعدين انا بتكلم عن الملكيه الدستوريه يعنى الملك عباره عن رمز والحاكم هو رئيس الوزراء المنتخب من الشعب
وبعدين دول كتير نظام ملكى وغنيه ومتقدمه زى المملكه المتحده اسبانيا والسويد وهولندا والسعوديه والامارات
عبد الناصر الشيوعى اللى قتل وعذب الاخوان اللى انت بتحبهم اللى ضيع مصر وانتهى حكمه بنكسه وهزيمه عسكريه
مش احسن من فاروق الملك الديمقراطى الشريف اللى ترك الحكم من اجل حقن دماء المصريين
لا عبد الناصر مجرد طاغيه
هل انت تعرف ان حرب اليمن احدثت تضخم مالى واصبح مخزون الذهب لايكفى كغطاء نقدى
وبعدها استدانا من اجل اطعام الشعب

شكرا smile