" لسه يا قلبي ....! "

السلام عليكم ورحمه الله وبركاته

في يوم صحيت شاعر براحة و صفا

الهم زال و الحزن راح و اختفي

خدني العجب و سألت روحي سؤال

أنا مت ؟ و لا وصلت للفلسفة

عجبي !!!

ازيكم يا اجمل اخوات ... وحشتوني بجد ومقدرتش اطول ف الغياب اكتر من كده ..عشان بجد نفسي اتكلم ومش بس اتكلم ..لا مهم اوي انكم تسمعوني ويا رب على اد ما تقدرو تفهموني كويس اوي اوي اوي عشان البموضوع ده هيكون تقريبا اهم احساس بكتبه ف حياتي .. ومش بس ف حياتي .. لا .. ده كمان فالدنيا موجود بس بييجي بفترات متفاوته

المهم .... عنوان موضوعي " لسه يا قلبي .... ! "
متستغربوش ..انا عايزه اقول لسهيا قلبي ضعيف كده ؟؟ لسه يا قلبي حزين كده ؟؟ لسه يا قلبي تايه كده ؟؟؟ لسه يا قلبي محتار كده ؟؟؟ لسه يا قلبي موجوع كده ؟؟ لسه يا قلبي هادي كده ؟؟؟ لسه يا قلبي عاااااااااااايش ولا مت خلاص ؟؟؟؟؟؟؟؟

فتره بعيشها مع نفسي ..اولا مره تمر عليا ف حياتي لحظات تحسسني ان السكوت بيفيد اوي وبرده بيقتل اوي ..عارفين لما تحسو فجاه ان الدنيا ضاقت بيكم والابتسامه بقت حتي تقيله علي شفايفكم ولما تترمو بجسمكم علي سراريكم وتحسو باحساس ريشه طاااايره وفجاه اتصدمت بالارض

انا مش بضيقها ف وشكم وربنا اعلم بكده والله ..بس بجد فكرت ...ليه وصلت لكده ؟؟؟ وايه اللي حصل لي ؟؟ ممكن نقول مشاكل ممكن ف البيت او اصحابي او حتي ضمير جوايا ..فكرت مع نفسي اكيد مش كل دي مشاكل سببها الناس سواء اهلي او اصحابي او حتي ضمير جوايا

لا والف لا كمان ..المشكله اكتشفت من كام دقيقه بس انها فيا انا ..... اه واكتشفت كمان ان كل واحد ف الدنيا دي هو مرض ودوا نفسه
احنا اللي ديما بنفكر ف الزعل ..احنا المفروض لو كنا حكمنا ضمايرنا وعقولنا وكل ده ف اطار ديننا ..كنا هنرتاح ...لكن احنا بنعيش اللحظه وده اكبررر غلط ..انا كنت اول واحده ماشيه بالمبدأ ده " عيش اللحظه وخلاص " بس ف الاخر ده جه فوق دماغي ..من اسبوع تقريبا كده قررت اخد اجازه بقي م المنتدي وافكر مع نفسي بقي وارتب حسابات جوايا كتيييير ..بس بدل ما الاقي نتيجه ايجابيه كانت سلبيه اوي ..

انا متفاءله لابعد الحدود ووتقه اوي ف كرم ربنا .. لانه خلقني عشان يسعدني .. واللي خلاني اتاكد من كده ..بدايه تفكيري كده ..ربنا عايز يوصل لي رساله ... ويقول لي ...دنياااكي ساعه فاجعليها طاااااعه .. ياااا رب قدرنا ع الصح والخير والحب والسعاده ..مليانه امل كبييييير ... الدنيا بجد احلي واحلي واحلي
بس احنا اللي بنلبس نضارات سوده تعمينا عن جمال الدنيا ...يلا يا جماعه ناخد بايد بعض بقي ..كفايه توهان وتهييس وروقان زياده عن اللزوم ... كفايه بقي نتوه من بعض ..بجد كفااااايه .... يلا نبدا بسم الله الرحمن الرحيم ..و نقطع صفح قديمه ف حياتنا تعبتنا وننقي نفسنا بنفسنا بقي .. ونبدا من اول السطرررررررررررررررر برباعيه من رباعيات جاهين المبدع ....

أنا كنت شئ و صبحت شئ ثم شــئ

شوف ربنا .. قادرعلي كل شـــــــئ

هز الشجر شواشيه ووشوشني قال :

لابد ما يموت شئ عشان يحيا شئ

عجبي !!

ربنا يسعدكم ويفرحكم ويريح بالكم كلكم اميييييييييييييييييييييييين

ياهوللو بجد انتى غيابك فارق معانا جامد اوى
ولحظات التفكير الانتى مريتى بيها دى
انا مريت بيها شخصيا
وانا يعنى فهمت من كلامك انك
هتكونى جد فى حياتك شوية عن زمان
وانك هتحولى تقربى لربنا اكترمن الوقتى
ربنا يعينك على ده طالما ده هيريحك
بس خديها نصيحة منى الانعزال عن
الناس امر وحش جدا وبيخليكى تشعرى بملل
فى حياتك
انا هقلك حاجة انا كنت ببكى كتير زمان من غير سبب
واعصابى كانت بيظةكانت ايه النتيجة
القولون تعب المعدة باظت والوش بقا كئيب
الحل هو الضحك والحل هو التقرب الى الله
الحل هو الدعاء فى الصلاة بفك الكرب
وازالة الهموم
وانا بصراحة حاسس انك من كتر ابتسمتك على طول
ممكن حد يكون نشحك عين حسود خلو مزاجك وحش
اقرئى قران كتير وادعى فى الصلاة وربنا هيفك كربك
تقبلى تحياتى

رسالتك وصلت يا هولو
وحمدالله على سلامتك يا جميل
وصدقينى والله العظيم كل كلمة قولتيها فهمتها اوى اوى
وصدقينى كنت لسة حالا قبل ما ادخل على الموضوع بفكر واقول لنفسى
الدنيا اقصر بكتير اوى من ان احنا نزعل فيها او نغلط عشانها
بس تقولى ايه بقى احنا عارفين الحمد لله كتير بس مش قادرين نحرك ونغير من حالنا ويا رب يا رب يقدرنا نكون دايما للخير
ونرضى رب العالمين
تسلم ايديك يا جميل على كلامك
واشوفك على خير باذن الله

في البداية انتي واحشاني كتير اوي يا هوللو وفرحت اوي من كلامك دا وانك رجعتي تكتبي تاني وتبقي معانا
هوللو كلنا مرينا باللي انتي فيه دا بالظبط وبجد بحيكي علي تعاملك مع
المشاكل اللي من النوع دي وانك تواجهه بكل شجاعة وتفتحي صفحة جديدة مع نفسك الاول طبعا ومع الناس
وكل كلمة قلتيها بجد انا معاكي فيها احنا اللي بنجيب الزعل لنفسنا واحنا بردة
اللي بايدينا نبعده عندنا
احساسك وكلامك اكيد وصلنا يا هوولو
والف سلامة علي رجوعك لينا يا حببتي ...

ويلكم باااااااك يا هولو
نورتي المنتدي يا جميلة والله فعلا كان مضلم اصلي حسيت ان معظمم الأعضاء خدوا بعضهم وراحوا عملوا اجازة معاكي بس كنت منورة الفيستوك " لسه يا قلبي ....! " 711250

تقريبا المرحلة اللي مريت بيها الفترة اللي فاتت هيه خطوة في طريق كل واحد فينا اللي سبق وخطاها وفيه لسه اللي هيخطيهاربنا معاكي وينور لك طريقك يا اجمل هوللو.
ونقطة ومن أول السطر ..بس ياتري هنكتب ايه ده السؤال اللي المفروض يفكر فيه ..ما تفكري معايا ونكتب سوا

" لسه يا قلبي ....! " 957388

هوللو الحمد لله على سلامتك
كلنا بنحس بالمشاعر دى متقلقيش والحمد لله ربنا معانا
انا مريت بالمرحله دى واخدت معايا وقت طويل علشان اقدر اجاهد نفسى واتغير للاحسن وكله فى كتاب ربنا
وسنه الحبيب عليه الصلاة والسلام احنا بس محتاجين كل فترة نجدد من حياتنا ومن طاعتنا ونقويها
علشان نحس بالتفائل ونكسر الروتين

لو كانت الدنيا تساوى جناح بعوضة عند ربنا سبحانه وتعالى مكنش بقه عليها كافر

حمدلله على سلامتك يا حبى ويا رب تكون نفسيتك ارتاحت وتكونى هديتى

دى مش حاجة غريبة يا هولو كلنا بنمر بفترات يأس بس الأهم ان نتغلب عليها بقوة ايماننا

ويا رب تبقى سعيدة دايما ..........وحشتينى قووووووووووووى " لسه يا قلبي ....! " 376922

الفتى المنتظر كتب:: ياهوللو بجد انتى غيابك فارق معانا جامد اوى
ولحظات التفكير الانتى مريتى بيها دى
انا مريت بيها شخصيا
وانا يعنى فهمت من كلامك انك
هتكونى جد فى حياتك شوية عن زمان
وانك هتحولى تقربى لربنا اكترمن الوقتى
ربنا يعينك على ده طالما ده هيريحك
بس خديها نصيحة منى الانعزال عن
الناس امر وحش جدا وبيخليكى تشعرى بملل
فى حياتك
انا هقلك حاجة انا كنت ببكى كتير زمان من غير سبب
واعصابى كانت بيظةكانت ايه النتيجة
القولون تعب المعدة باظت والوش بقا كئيب
الحل هو الضحك والحل هو التقرب الى الله
الحل هو الدعاء فى الصلاة بفك الكرب
وازالة الهموم
وانا بصراحة حاسس انك من كتر ابتسمتك على طول
ممكن حد يكون نشحك عين حسود خلو مزاجك وحش
اقرئى قران كتير وادعى فى الصلاة وربنا هيفك كربك
تقبلى تحياتى

كلامك ونصايحك علي راسي يا منتظر والله ... ليك كل تحيه وتقدير واحترام " لسه يا قلبي ....! " 632484

جيرسى كتب:: رسالتك وصلت يا هولو
وحمدالله على سلامتك يا جميل
وصدقينى والله العظيم كل كلمة قولتيها فهمتها اوى اوى
وصدقينى كنت لسة حالا قبل ما ادخل على الموضوع بفكر واقول لنفسى
الدنيا اقصر بكتير اوى من ان احنا نزعل فيها او نغلط عشانها
بس تقولى ايه بقى احنا عارفين الحمد لله كتير بس مش قادرين نحرك ونغير من حالنا ويا رب يا رب يقدرنا نكون دايما للخير
ونرضى رب العالمين
تسلم ايديك يا جميل على كلامك
واشوفك على خير باذن الله

جيرسيييييييييييي حبيبه قلبي .. بجد وحشاني ... الله يسلمك ديما من كل شر ويريح بااالك طول العمر ياااااااااا رب " لسه يا قلبي ....! " 376922

semsema كتب:: في البداية انتي واحشاني كتير اوي يا هوللو وفرحت اوي من كلامك دا وانك رجعتي تكتبي تاني وتبقي معانا
هوللو كلنا مرينا باللي انتي فيه دا بالظبط وبجد بحيكي علي تعاملك مع
المشاكل اللي من النوع دي وانك تواجهه بكل شجاعة وتفتحي صفحة جديدة مع نفسك الاول طبعا ومع الناس
وكل كلمة قلتيها بجد انا معاكي فيها احنا اللي بنجيب الزعل لنفسنا واحنا بردة
اللي بايدينا نبعده عندنا
احساسك وكلامك اكيد وصلنا يا هوولو
والف سلامة علي رجوعك لينا يا حببتي ...

الله يسلمك يا سمسمتي ياااااااااااااااااااا رب .. متعرفيش بجد ردك فرحني اد ايه والله .. انا كمان كنت مفتقداكم والله .. ربنا يسعدك يا حبي وتعيشي طول عمرك مرتاحه ان شاء الله " لسه يا قلبي ....! " 376922

Beatrice كتب:: ويلكم باااااااك يا هولو
نورتي المنتدي يا جميلة والله فعلا كان مضلم اصلي حسيت ان معظمم الأعضاء خدوا بعضهم وراحوا عملوا اجازة معاكي بس كنت منورة الفيستوك

تقريبا المرحلة اللي مريت بيها الفترة اللي فاتت هيه خطوة في طريق كل واحد فينا اللي سبق وخطاها وفيه لسه اللي هيخطيهاربنا معاكي وينور لك طريقك يا اجمل هوللو.
ونقطة ومن أول السطر ..بس ياتري هنكتب ايه ده السؤال اللي المفروض يفكر فيه ..ما تفكري معايا ونكتب سوا

ياااااااه يا بياتريس ... ثانك يوووووووو يا روحي بجد انا كمان كنت مفتقداكم اوي اوي عارفه نكتب ايه ؟؟ يلا نشجع بعض
تسلميييلي يا روووووح قلبي يا رب " لسه يا قلبي ....! " 376922

sadstanza كتب:: هوللو الحمد لله على سلامتك
كلنا بنحس بالمشاعر دى متقلقيش والحمد لله ربنا معانا
انا مريت بالمرحله دى واخدت معايا وقت طويل علشان اقدر اجاهد نفسى واتغير للاحسن وكله فى كتاب ربنا
وسنه الحبيب عليه الصلاة والسلام احنا بس محتاجين كل فترة نجدد من حياتنا ومن طاعتنا ونقويها
علشان نحس بالتفائل ونكسر الروتين

لو كانت الدنيا تساوى جناح بعوضة عند ربنا سبحانه وتعالى مكنش بقه عليها كافر

معاكي حق يا ستانزتي والله ..... منووووره الدنيا كلها ديما يا رب .. ربنا يسعدك يا قلبي " لسه يا قلبي ....! " 376922

solidad2 كتب:: حمدلله على سلامتك يا حبى ويا رب تكون نفسيتك ارتاحت وتكونى هديتى

دى مش حاجة غريبة يا هولو كلنا بنمر بفترات يأس بس الأهم ان نتغلب عليها بقوة ايماننا

ويا رب تبقى سعيدة دايما ..........وحشتينى قووووووووووووى

الله يسلمك يا سووووووولي يا قمررررررررر .. بجد وحشتيني اكترررررر .. تسلميلي يا حبي يا رب .. ربنا يريح بالك وقلبك ديما ياا رب " لسه يا قلبي ....! " 376922

اهم شئ انك رجعتى بشئ

عودة حميده

حمد الله على السلامه يا هولو ,

ياااااااارب تكونى وصلتى للى انتى عاوزاه ويريح بالك ويثبتك على طريق الخير.

" لسه يا قلبي ....! " 632484

welcome back
we mess you
we want to see your great smile
bye bye sweety

اهلا بيكى تانى يا هوللو...و دايما ان شاء الله اشوفك على خير

و انا عن نفسى لسة جوا المرحلة دى وللاسف مش لاقية ليها نهاية.....بس الغلط فعلا هو جوة تفكيرى انا..اتمنى اخرج من المرحلة دى على خير

شكرااا ليكم يا احسن اخوات .. ايجنت .. الاستاذ .. سير محمد .. سمايل

بدعيلكم بجد من كل قلبي ..ربنا يسعدكم ويريح بالكم امييييييييييييييييين يا رب .... " لسه يا قلبي ....! " 632484

لا تعليق

الحمد لله علي سلامتك ...،، و ربنا يوفقك لما فيه الخير و الصلاح ...،، " لسه يا قلبي ....! " 632484

تسلمو لمروركم الكريم اللي زيكم يا احسن اخوات بجد... احمد والبرنس " لسه يا قلبي ....! " 632484

حمد الله على السلامة يا هالو " لسه يا قلبي ....! " 302692

انا عارفة انها متاخرة بس معلش " لسه يا قلبي ....! " 561444

بس وحشتنى جداااااااااااا ويارب تكونى حققتى كل الى انتى عايزاه وموضوعك جميل جدا جدا والله فعلا الواحد محتاج بس انه يثق ان ربنا واقف معاه و انه يحاسب نفسه شوية قبل ميحاسب الاخرين ويصلح من نفسه للاحسن وفى دايما جملة بفتكرها وهى خذ من الماضى ذكرى
ومن الحاضر عبرة
حتى يكونوا لك فى المستقبل خبرة
يعنى منعدش نفكر فى الزعل على طول وندور عليه
يا رب مكونش طولت

طولتي ايه بس يا نمنومتي ؟؟؟؟؟؟؟؟ ده انت تكتب يا باشا نهج البرده وهقرأه كله " لسه يا قلبي ....! " 977193

مش كله اوي يعني هههههههههههههههههههههههه اصله طويل اوي

نمنومتي ربنا اللي يعلم بجد وحشاني ازاي.. تسلميلي يا رب ديما

وكلامك صح الصح وكل الصح كمان " لسه يا قلبي ....! " 166815

.. ربنا ميحرمنيش منك ابدا يا رب ويريح بالك ويسعدك ديما ان شاء الله يا قلبي " لسه يا قلبي ....! " 376922

موضوع كووول بشكل مش معقووول آخر ثينج

كلام طالع من القلب بجد ... مفتدين كتاباتك أوي يا بومبو .,. كنا بنتمتع بيها و تريح نفس البوني آدم كده

يا ريت لو تكتبي تاني ...

بـيـــــس

» برمودا".. بادي "ستومك".. و"شبشب "مديحة""!
» أحمد حسن: نحن أسياد "الجزائريين" .. وفوزنا بالمباراة كان يعني عودتنا في "توابيت"
» تقرير أمريكي: البابا شنودة خرج على "الإجماع العام" حين أيد "التوريث" فيما يراه المصريون خطرا على الاستقرار والديمقراطية
» الشهر المقبل.. "يوتيوب" يلغي دعمه لـ"إنترنت إكسبلورر 6"
» """ حريتك """