أجندة جامعتنا : اخبار ...ندوات..كورسات..من حقك تعرف من حقك تشارك من حقك تستفيد

السلام عليكم ورحمة الله وبركاته

اخواتي وزمايلي واصحابي

جربت مرة تدخل علي سايت جامعة المنصورة في وقت غير وقت النتيجة ؟!

ايون برغم من ان كليتنا في دمياط ودايما بيقولولنا اننا قريبا هنبقي جامعة دمياط الا ان الحلم لسه قدامه فترة علشان يبقي حقيقة
الحقيقة اننا الوقتي تبع جامعة المنصورة
وكطلبة في الجامعة ديه فلينا الحق زي اي حد تاني غيرنا اننا نشارك في انشطة الجامعة لأنها اولا وآخرا اسمها انشطة طلابية
الهدف من الموضوع ده اننا نتابع موقع الجامعة دوريا ولو فيه اي ندوة .....نشاط ...كورسات...منح ..اي حاجة ممكن نشارك فيها نبلغ بيها بعض ونسال ازاي نشارك فيها وبكده نبدا اول خطوة في حياتنا العملية واحنا لسه جوه الجامعة ونستفيد باللي من حقنا فعلا


النهارده لقيت الخبر ده

اقتباس :

برنامج تدريبي لشباب الباحثين وطلاب جامعة المنصورة


كتبت نها عبد المعطى


تشارك جامعة المنصورة كواحدة من 10 جامعات مصرية في برنامج تدريبي لشباب الباحثين وطلاب السنة النهائية قبل التخرج، تنظمه المؤسسة العربية للعلوم والتكنولوجيا بالاشتراك مع صندوق العلوم وتنمية التكنولوجيا وشركة إنتل العالمية.

يهدف البرنامج إلى تهيئة الشباب لفهم الآليات والمهارات الضرورية من اجل قيادة العمل الحر في التنمية الاقتصادية ،وكيفية إعداد خطط الأعمال التكنولوجية ،ويتم تنفيذ البرنامج بواقع ثلاث دورات بمقر جامعة المنصورة، تبدأ الدورة الأولى فى 26/10/2009، والدورة الثانية 16/11/2009 والثالثة والأخيرة 14/12/2009..

ويتم التسجيل للدورات من خلال مركز تطوير الأداء الجامعي ومنسقي المركز بالكليات (يفضل طلبة الكليات العملية ) استمارة التقدم

وده لينك الموقع ادخل وشوف بنفسك


http://www.mans.edu.eg/

ومش معني كلمة يفضل طلبة الكليات العملية اننا كطلبة في كلية آداب نمتنع عن المشاركة لأن معظمنا اكيد بيفكر انه ينشأ مشروعه الخاص باذن الله بعد التخرج واهي الفرصة متاحة

معايا يا شباب ولا انا بحلم لوحدي