دنيا ماشية خلف خلاف

دنيا ماشية خلف خلاف الناس خلوا الكلب طاووس
أسد الغابة بقى خواف أصبح اكله سودانى وموز
ابن القاضى هيكون قاضى وانا تعبى هيروح على الفاضى
كان نفسى افيدك يا بلادى لكن المكان طلع محجوز

دنيا غريبة شوف واتعجب مبقاش عيب انك تكدب
يادى الخيبة شربت المقلب انا من كل الناس مفروس
حاجة تسد النفس تغم وانا مش ناقص حرقة دم
انا محتاج دعوة ام تدعى تقول من العين محروس
ناس تشوفها كده تضايق علشان هما بيعصوا الخالق
قاتل ناصب وكمان سارق بس ياريت ميكونش جاسوس