وحـبـيـبـتـى بتودعـنــى

وحبيبتى بتودعنى ...... والدمع مالى عنيها

بيشدنى يرجعنى ....... لحضنها واديها

حسيت بان عمرى ....... بيتخطف من عمرى

وحاجه جوه قلبى ....... بتهزنى تزلزلنى

وحبيبتى بتودعنى

--*-*-*-*-*-*-*-*--

لاقيتنى جوه ليل ..... واحنا فى عز النهار

وسكنت فى حضن ويل ...... وبقيت انا محتار

ارجع لها واستنى ........ ولا امشي انا فى طريقي

هيه اللى انا بتمنى ...... هيه حبى الحقيقى

بعدها ده هيألمنى

وحبيبتى بتودعنى
--*-*-*-*-*-*-*-*--

قالتلى وانت بعيد ....... مقدرش يوم انساك

هستنى من جديد ....... يحضنى تانى هواك

قولتلها يا ضى عينى ...... يا حب مالوش نهايه

هرجع شايل حنينى ...... ونبتدى الحكايه

وحبيبتى بتودعنى

كلمات رقيقة وجميلة ,,, تسلم ايدك يا معلم نورت المنتدى والقسم الادبى [b]