أعـــــــشـــــــــق الـــــشــــتــــــــاء ..

اقتباس :

أعشق الشتاء

لانى اعشق الجرى فى الشوارع عندما تمطر السماء

...


ويالها من لحظات اروع عندما تجرى انت وصديق مجنون مثلك تحت المطر غير مبالى بنظرات احدهم الناقمة من نافذة الميكروباص

وهو يقول لصديقه - عيال مجاانين - وهو فى قرارة نفسه يود لو يفعل مثلنا لكنه بالطبع لا يمتلك الجراة او حتى الثقة فى النفس ..



************

ساعات فعلا بيجيلي الاحساس ده بس يا بختك انك بتعرف تعمل كده

موضوع رااااااااااااااااائع محمد

اقتباس :

أعشق الشتاء

لانى اعشق الجرى فى الشوارع عندما تمطر السماء

...


ويالها من لحظات اروع عندما تجرى انت وصديق مجنون مثلك تحت المطر غير مبالى بنظرات احدهم الناقمة من نافذة الميكروباص

وهو يقول لصديقه - عيال مجاانين - وهو فى قرارة نفسه يود لو يفعل مثلنا لكنه بالطبع لا يمتلك الجراة او حتى الثقة فى النفس ..

تقريبا ده بيفكرنى بالشتا بس من وقت طويل صعب يتكرر دلوقتى....بس اكيد مش ذكرى بالنسبة لك لانك تقدر تعمله

اقتباس :

بالرغم من ألمه الذى احس به فى حلقى عندما اجتر الذكريات الحزينة

أعشقه برغم امراضه التى أتعايش معها فى تناغم وانسجام

برغم برده أشعر بدفء نفسى غريب .. غريب جدا .. يجعلنى اعشق هذا الفصل

بتهيالى انت لخصت سبب عشق الناس للفصل ده فى السطور دى



طبيعى ان انت تعشق الشتا ...عشان عمر ما شاعر او كاتب قدر يكتب عن ذكرياته غير فى الفصل ده

هو شهر مصالحة مع النفس فعلا

اعشق الشتاء لانى وحيد

..........

رغم مقتى للوحدة ورغم أنى اجتماعى بطبعى

لكن الوحدة هى التى فرضت نفسها علي فتعودت عليها حتى صارت جزءا منى وصرت انا جزءا منها


ادمنت الوحدة فأدمنتنى , انها شر , لكن المدمن ايضا يتعاطى المخدر ويعرف انه شر , لكن لان المخدر قد احكم قبضته على جسد المدمن فلم

يعد هناك مناص من هذا الادمان ,, هكذا الوحدة تملكت منى حتى صارت نفسى مرتعا لنزواتها داخل روحى المنهكة ,,

حلو اوووووووي المقطع ده يامحمد رائع
أعشق الشتاء

بالرغم من ألمه الذى احس به فى حلقى عندما اجتر الذكريات الحزينة
والجملة دي بجد اكتر من رائعة والله اثرت فيا اووووووووي
بجد انت لخصت الشتا في كلمتين الي الامام دايما يامحمد

عندما تسير وحدك بالشوارع الخالية الممطرة , تسير , لكنك لا تعرف الى اين , ولا تريد ان تعرف , كل ما هنالك انك تطلق لخطوتك العنان ,

وتسير, المذهل انك لا تفكر بشىء سوى :

حب قديم صار ذكرى مؤلمة تتذكرها فتبتسم

مواقف جميلة فى الطفولة واصدقاء ابتدائى الذين اختفوا تدريجيا من ذاكرة الايام

, أشخاص تركوك ورحلوا بدون وداع , ليضيفوا الى قلبك جروحا تنضم الى قائمة الجروح المفتوحة التى لا تندمل والتى أحالت قلبك الى

بحر من الدماء



المقطع ده حلو اوي اوي لان انا فعلا بحسه كل م الدنيا تمطر....... مش عارفه ليه الذكريات بتجيلنا ساعت الشتا! عجبتني جمله (, ليضيفوا الى قلبك جروحا تنضم الى قائمة الجروح المفتوحة التى لا تندمل والتى أحالت قلبك الى بحر من الدماء) اد ايه حسيت بكم من الجروح من القريب منك _ اللي مفروض انه قريب


أعشق الشتاء لاننى ابــــتــــســـم عندما اتذكر رجوعى وحيدا خائبا من قصة اعجاب فاشلة

لأننى ابــــتــســــم وفى عيونى دمعة متحجرة عندما اتذكر أشخاص قد خذلونى بعدما فتحت لهم قلبى على مصرايعه وجعلته امانة معهم ..

فخانوا هذه الامانة
ده كمان عجبني جدا جدا تشبيه الدمعه بالحجر دليل على انكسار النفس وصل لدرجه فقدان القدره على ننا ندمع حتى ....... مش عارفه كلامى صح ولا ؟
اسلوبك ف الكتابه هنا يتحس فيه بالدفء والسكون .......... جو الشتا

دمتـــــــــ بخير و دمتـــــــــ شاعر احساس

[/color]

باختصار
جميلة ..... لان فعلا الشتا جميل
تشبيهاتك كلها معبرة اوى اوى
وفى كلمات حلوة بجد (رائحة الشوارع _تشعر بان روحك شفافة_ادمنت الوحدة _اعتصر _ الذكريات تطفو _ والخاتمة )
بالتوفيق يا شاعرنا الهمام

عسل ياهجام

سنوات الطفولة الباسمة , السنوات التى كنت تشعر فيها حقا بقيمة اى شىء جديد

فالشتاء هو صيف الاختباء فى النفس والهرب الى الروح والتقوقع داخل الذات ..

الاهم فى هذا المشهد وانت تسير وحدك تحت المطر هو احساسك بأن روحــــك شفافة حالمة هائمة فى الفضاء وكأنها خرجت من نفسك لتنطلق

فى السماء كى تقوم مياة الامطار بغسلها فتعود روحك الى نفسك مرة اخرى صافية نقية بدون اى شوائب

انه الشتاء ,, انها الليالى الباردة التى تسعى فيها لتدفئة نفسك بأن تحضن نفسك وتعانق كيانك وتغوص داخل روحك فتحس بالدفء الذى يعطيك

شعور عام بالامان والراحة


انا مش عارفة اقول ايه الكلام خلص مهما اقول مش هقدر اوفي اعجابي بالكلام الجامد ده ومع كل سطر في الاخر

بتكتب زي حكمة صراحة عجبتني اوي الطريقة دي ربنا يكرمك يارب وشكلنا هنشوف منك ابداعات كتيرة في

الفصل ده هههههههههه ياريت كل السنة شتا علشان تكتب وتمتعنا بكلامك الجميل ده هههههههههه

اقتباس :

أعشق الشتاء لأنى اعشق اغنيات القيثارة فيروز و الكبير محمد منير

أعشقه لان الاصوات العالية تخفت ,

الوجوه العابسة تبتسم ,

الذكريات القديمة تطفو على السطح ,

قصص الحب تولد وتشب وتزداد نضوجا داخل ثناياه ..

وتموت هذه القصص وتترك بالقلوب الألم الممتع .. ايضا خلال الشتاء

اكتر حاجة بتعجبنى فى كتاباتك صوت الشجن واحساسك اللى بيخرج التجسيد الجميل دة

تسلم ايدك يا محمد

alaa. كتب:

والله كلها ميه ميه وكل حاجه فيها تماااام اوي ما شاء الله
للامام داااااائما

Noha كتب:

كل الموضوع جميل جدا

ربنا يوفقك يا محمد

ويوفقك يا نهى ويوفق الجميع