اكتر جمل قالها الابهات والامهات فى حياتهم D:

مساء الخيـــــــر

دول بقى شويه كلام وجمل كده كلنا سمعناها ولسه فينا ناس كتير بتسمعها او بتسمع بعضها وعماله ترن فى ودانه طول اليوم ابهاتنا جمع اب يعنى وامهتنا شغالين الله ينور

طول اليوم نفس الكلام بيتكرر كل يوم يمكن فى اليوم اكتر من مرة

رغم ان الكلام دا ساعات بيخنق ويدايق بس بجد ليه ذكريات اكيد جميلة

ربنا يخلى لينا ابهاتنا وامهتنا ياراااب ومايحرمنا منهم ويرحمهم ويكتب ليهم الجنه ادعوا معايا يا شباب

نرجع بقى لاحلى كلام فى الدنيا اللى حفظناه من كتر ما صدعونا بيه

خد عندك يا سيدى :-

ما تتكلمش بصوت عالي في الحمام
.
......

والله ما انت فالح .. وادي دقني أهه

والله الجمله دى بسمعها فى بيتنا اكتر من اسمى

......

ما تلزقش في التلفزيون كده .. نظرك هيضيع

......

ربنا يرزقك بعيل يوريك اللي ورتهوني

نفسى اعرف ورناهم ايه ؟

......

ما تطلعش على الملايه النظيفه و رجليك متوسخه كده

......

طلع ايدك من جيبك و انت بتكلمني

كل الشباب سمعوا الجمله دى صح

.......

انت فاكرنا نايمين على ودانا ؟

.......

ماتلبسش القميص على اللحم زي العيال الصايعه

......

اوعى حد غريب يديلك حاجه تاكلها و تشربها و تاخدها منه

طبعا البنات كلهم سمعوا الجمله دى
.

......

وانت فاكر احنا مستنيين منك حاجه .

من اكتر الجمل اللى مفروض انهم بيحفزونا بيها

.......

ما تقعدش قدام المروحه وانت مستحمي

........

بلاش وقفة الشبابيك و البلكونات .

طبعا دى للبنات دايما

.......

بتذاكر إزاي و البتاع ده شغال جنبك

هو مزاجوا كده بيحب يذاكر على مزيكا على تليفزيون اى حاجة مش يحمدوا ربنا ان احنا بنذاكر اصلا

.
.......

مالكش دعوة بالسياسة .. وماتمشيش في مظاهرات .

.......

واكتر حاجة تخنق بقى دى

ابن خالت جدك اللى كان بيذاكر على لمبة جاز أو تحت عامود النور في الشارع و نجح وخد الدكتوراه وسافر أمريكا

..........................................

طبعا الموضوع دا كله هزار وربنا يخلى لينا اهلنا يارااااب ومايحرمنا منهم ابدا

ومحدش ينــــكر انه سمع الكلام ده قبل كــــده