الشباب
الشباب اليومين دول بقى امرهم غريب جدا بس مش كلهم طبعا
انا هتكلم عن الفرق بين شباب زمان وشباب اليوم
الشاب زمان كان يشوف البنت بالصدفه من دول وتعجبه
ما يحورش ويحاول يخش من طرق غلط
كان بيعرف هو فى قبول ولا لأ وده يعتبر لب الموضوع
يجيب حد كبير الاول يفاتح ابوها فى الموضوع عشان خطوبه وجواز وحاجه رسمى
وبعدين يروح يقابل والدها
تلاقيه لابس بدله واخد معاه بوكيه ورد ويخش البيت يسلم على الراجل بكل احترام
ويقعد هووعيلته وطبعا عشان ما يصغرش حد فبيتكلم ابوه نيابه عنه
وبعدين بيضيف بعض النقاط المهمه عشان يظهر شخصيته
وده على اعتبار ان كل انسان مخبئ خلف لسان
بعد كده يقوله برده يا حج ما تدنيش رأى نهائى دلوقتى غير لما تسأل عليا
وتعرف اخلاقى كويس
وتخش العروسه وهى مكسوفه وتقدم المشروب اللى غالبا بيبقى شربات
ومن كسفتها ولخمتها تاخد بعضها وتدخل اوضتها
وينصرف العريس فى هدوء الشاب بفى اليومين دول
يشوف البنت ماشيه فى الشارع
بعد مضايقات من هنا وهنا ومعاكسات بأدب او بقله أدب
يحاول يكلمها وبعد ما يتكلموا وطبعا بيبقى واخدها تسليه
بس بتحصل حاجه كده تخليه لازم يروح يتقدم رسمى
فيروح البيت عندهم يلبس هدوم عجيبه وغريبه وفريده من نوعها
اولا البنطلون الساقط الجميل
ثانيا اما تشيرت بدى او قميص فاتحه لحد ركبه
وياخد معاه علبه شيكولاته
يخش على الراجل يفتح ابوها الباب ويقوله لأ يا ابنى معندناش زباله
يقوله زباله ايه يا راجل انت
فتلحق البنت وتقوله بابا ده العريس اللى كلمتك عنه
طبعا الراجل بيتاخدوبعدي يبص على شعره يلاقيه واقف زى ما يكون متكهرب
يخش هو واهله يبدا هو الكلام ولو والد حاول التدخل يقاطعه
ويقوله انت تعرفنى اكتر من نفسى
ويطلب ايد البنت ببجاحه شديده واسلوب
يحسس ابو العروسه انه عايز يديله بالجزمه فوق دماغه
وتخش البنت بالمشروب اللى غالبا بيبقى شربات برضه تمسكا بالتراث
وتزق ابو العريس وتعد جنبه
وبعد كده الراجل يقله ادينى فرصه اسأل عليك
يقوله تسأل عن مين يا حج والله شاكلك كده هتتعبنى معاك
انا سمعتى سبقانى
وهو عارف نفسه جدا بس كلمتين فنجره بق
ويقول لابوه يلا يا عم قوم انت هتنام هنا
مش قولتلك ما تجيش معايا وان ما لكش لزمه
ويفكر انه بكده ظريف وخفيف وطيف
وياخد بعضه ومن غير استأذان يمشى كده
وطبعا انا قولت مش كل الشباب كده
وده اللى خلى جوازات زمان تبقى وتعيش والحب فيها ماده متجدده
اما دلوقتى الحب بينتى قبل الجواز
يلا نهايته
الإثنين 4 يناير 2010 - 19:11
جميل جدا شكرا ياأسامة