تـجـمع قسم انجليزى ** مذاكرة ع الهوا ** باقى على الزمن تلت اسابيع

يا ولاد
دلوقتى الارض الضائعة دى خمس اجزاء علينا الجزء الاول بس مش كدة ولا ايه
والجزء الاول دة بتاع burial مش كدة ؟؟؟؟؟؟؟؟؟؟

ثانيا هو الكلام الى فى الورق دة كان الدكتور بيقوله من ناحية الthemes و الرموز ولا كل واحد باله فى بال ؟؟؟؟؟؟؟؟

ثالثا دة مش شعر دة شد شعر
استرها يا رب للاخر

help,please

ههههههههههههههههههههههههههههه

ما هو قال وكان بيحدد themes فى المحاضرات وبالنسبه للتكنيك هيبقي اغلبه رموز ونقتبس من القصايد ودى سهل وما ننساش نشرح الفكره العامه للقصيده

ونجيب السمات الرئيسيه للشعر الحديث ونحاول نطبقها على القصايد

شكرا بارون
ربنا يستر بقى ويبقى الى معايا دة الدكتور قايله

التاثيرات مهمة فى حالة لو سالها نظرى لوحدها
بس بما ان احنا مش مجربين الدكتور قبل كدة وهو بيهتم بالفهم اوى فممكن يدخلها جوة سؤال كبير وتكون جزء بس يستحسن بردة تبص عليها كدة احتياطى


انا قصدت ان الارض الضائعة فى الكتاب خمس اجزاء كل حزء باسم مختلف وكل جزء جواه ستانزات بس احنا علينا اول واحد بس وتقريبا فيه 4 ستانزات ويا ريت حد يصححلى لو دة غلط ؟؟؟؟

انتى صح

بس انا حاسس انا قصيده الفريد بروفروك مش هتيجى بس اللى اكيد هيبقي الارض الخراب وممكن بيزنطيم

او ايستر1916

ربنا يستر

هههههههههههههههههههههههههه

شيمو جابت المفيد بس انا ما حبتش اصدمكم بس والله هو الشعر مش صعب قوى ان مش هاحفظ تعليق خالص انت افهم واكتب اللى انت فاهمه وحط نقط عريضه للحل بتاعك

اول ماتشوف استانزا تبدا تحل

1-تكتب منين الاستانزا دى من اى قصيده وتكتب اسم الشاعر

2-اكتب الفكره العامه للقصيده فى باراجراف وبعدين فصل كلامك واشرح الاستانزات كلها ده لو طلب شرح للقصيده انما لو طلب paraphraseهتشرح الاستانزا اللى قدامك وحاول بس تربطها بالاستانزات التانيه فى بارجراف صغير كده

3- طبعا هنكتب الtheme المسيطر على القصيده ولو فى اكتر من واحد نختار اللى د/ انور ركز عليه

4- نكتب الtechnique المستخدم فى القصيده وتحته هترص بقي symbols و الlanguage
المستخدمه فى القصيده

5- تكتب rhyme + rhythmان وجدت

6- وتكتب السمت الموجوده aspectsهى غالبا بتبقى realism, real event

وبعدين ممممممم بس هتكتب ايه اكتر من كده انا حاولت اقول اللى عندى واللى عنده تعقيب يا ريت يقوله عشان هو يستفيد وانا برضه لو عندى حاجه غلط اصححها

اه نسيت فى المفروض مراجع مفروض تتحفظ ووتحط فى الااجابه دول للى عايزين تقديرات( انا مش منهم طبعا)

the red baron كتب:

هههههههههههههههههههههههههه

شيمو جابت المفيد بس انا ما حبتش اصدمكم بس والله هو الشعر مش صعب قوى ان مش هاحفظ تعليق خالص انت افهم واكتب اللى انت فاهمه وحط نقط عريضه للحل بتاعك

اول ماتشوف استانزا تبدا تحل

1-تكتب منين الاستانزا دى من اى قصيده وتكتب اسم الشاعر

2-اكتب الفكره العامه للقصيده فى باراجراف وبعدين فصل كلامك واشرح الاستانزات كلها ده لو طلب شرح للقصيده انما لو طلب paraphraseهتشرح الاستانزا اللى قدامك وحاول بس تربطها بالاستانزات التانيه فى بارجراف صغير كده

3- طبعا هنكتب الtheme المسيطر على القصيده ولو فى اكتر من واحد نختار اللى د/ انور ركز عليه

4- نكتب الtechnique المستخدم فى القصيده وتحته هترص بقي symbols و الlanguage
المستخدمه فى القصيده

5- تكتب rhyme + rhythmان وجدت

6- وتكتب السمت الموجوده aspectsهى غالبا بتبقى realism, real event

وبعدين ممممممم بس هتكتب ايه اكتر من كده انا حاولت اقول اللى عندى واللى عنده تعقيب يا ريت يقوله عشان هو يستفيد وانا برضه لو عندى حاجه غلط اصححها

ط

تعقيبى الوحيد هو

روح يا عوضى يابنى الهى لا ترضع ولا تبلع

احلي صباح واحلي مسا على الناس الكويسة اعضاء منتدى شباب بجد
معاكم الحريف
بسم الله الرحمن الرحيم
ازيكوا اخباركم
اشلونكم
انا ملاحظ مشاركات اعضاء منتدى شباب بجد وخاصة اعضاء قسم انجليزي ان في تخوف من الدكتور انور عبد ربه
على فكرة انا معرفش الا انور
بس انا مسميه انور عبد ربه

انا ملاحظ انكوا خايفين من دكتور انور
دكتور محترم بيشرح بضمير شىء كويس
لكنه زيه زى اى دكتور في القسم
هو يمكن جديد فعاوز يدي مواد اللى اخدها بشكل جديد بس انا ملاحظ انه بيدي مادة الشعر زى اى دكتور بيديها قبل كده سواء سواء دكتور اسلام الصادي او دكتور زكي عبد الله
الشعر عند د انور زى اى دكتور بيديها
بص يا جماعة الشعر اللى اخده من اول سنة الى رابعة هو نفس الشعر اللى بيديه د انور
مفيش جديد
الانجليزي هو الانجليزي
كذالك الشعر عند انور بيساوى الشعر عند اى دكتور
فمتقلقوش
يمكن لانه جديد فاصيبتوا بالقلق
ويمكن لانه امتحن كل واحد في الدفعة شفوى ب 3 اسئلة وفي اخر المجموعة تعب
على الفكرة انا لو كنت مكانه مش هعمل اللى عمله ده
انا لو عاوز اعرف الطالب اللى قدامي مذاكر ولالا بطريقة اسهل بكتير منه
اى قصيدة يا جماعة متكونة من اكتر من استنزا
طبعا كل استنزا بعنوان معين
يعنى مثلا في استنزا في القصيدة بتكلم عن الطبيعة
في استنزا التانية بتكلم مثلا عن الحب
وهكذا وهكذا
لو قالولكم كومنت يبقي لازم تربط الابيات اللى قدامك بالقصيدة كلها
بس بشرط تكتب الاهم في اول السؤال
لان في دكاترة بيبصوا في اول 4 سطور لو لقي ان الطالب بيكتب كلام مش مطلوب او بيلف او بيدور عن المطلوب هيريح دماغه ويكتب اى درجة
مطلوب في الشعر
1- تعمل كومنت عليها وتربط الابيات اللى عندك بالقصيدة
2- الوزن والقافية
3 - الصور البيانية
هو لازم يجيب كوتيشن في الشعر علشان تعمل اعادة صياغة ليها او كومنت عليها
على فكرة لو جاب اسم القصيدة وقالك اعمل كومنت
فده اسهل لانه سؤال واسع مش مطلوب حاجة مثلا انت مش عارفها
لكن بافضل كده بصراحة
د انور رحيم بيكم
د اسلام الصادي كان بيدينا في سنة تانية شعر وادب كلاسيكي
تخيلوا كان علينا كام قصيدة في الشعر
كان 27 قصيدة مطلوبة تذاكر بكل استنزا وبكل الوزن والقافية وبالصور البيانية
والله العظيم لما كنت في سنة تانية كنا بناخد 27 قصيدة
ويسئل فيها اللى كان معاي في القسم
ويسئل فيها الاستاذ محمد حسان والاستاذ محرم الرهيبيني
لو حد سئلهم هيقولوا ليكم الكلام ده
وكان د اسلام مكنش سهل تتعامل معاه في سنة تانية على ايامي
وحمد ربنا اننا جبت فيها 10
وحصل مشادة بيني وبين الاستاذ محمد حسان لما اتاخر في عمل ورق الشعر
وانا باعذر الاستاذ محمد حسان لانه كمية كبيرة جدا من الصعب ان تخلص بسرعة
كان 27 قصيدة بجميع متطلبات الشعر
من كومنت وشرح
وصور بيانية
وزن وقافية
تخيلوا انك مش عارف هيجي ليك ايه
وانتوا عارفين امتحانه
كان سؤالين بقصدتين من 27 قصيدة
انا اللى عرفته ان عليكم 7 قصائد او 8
نصيحة يا جماعة
انا عارف ان مادة الشعر رخمة جدا لاننا مريت بيها واللى كان بيدينا على مدار اربع سنين كان د اسلام الصادي والدكتورة سوزى عبد المنعم
وكانت الدكتورة سوزى مركبة مايك في فمها لانها كانت بتكلم بسرعة رهيبة لدرجة انها مبتاخدش نفسها من كثرة الكلام
انا كنت انا وزمايلي بنتعب من الكتابة وراها
كنا بنجري وراها علشان الحق اكتب كلامها
حتى الدكتور اسلام كان بردو زيها
على فكرة د اسلام من الدكاترة المحبوبين بالنسبة ليا
صحيح له سلبيات انا محبهاش في طريقته وساعات بيشطح برة المنهج
بس هو احسن من غيره
قابلته من فترة وسلمت عليه وقلتله اخبار دفعة رابعة معاك
قالي هتوصي بيهم
فخلي بالكوا منه
نصيحة لمادة الشعر
الطريقة في حل اى قصيدة شعر اللى اخدوها على مدار اربع سنين هو نفس حل اى قصيدة شعر سواء عند انور عبد ربه او حتى عبده البقال

بجد متقلقوش
مادة رخمة بس ان
شاء الله تحلوا كويس
واكيد وانا متاكد باذن الله انه هيراعي انكوا اخر سنة وانكوا عاوزين تتخرجوا منها وانه لسه جديد على الكلية وعلى الاقل نتيجته متكنش وحشة اوي
لانه حاطط في دماغه ان من الممكن لو نتيجته وحشة ممكن يمشي من الكلية وده طبعا مش ده اللى عاوزه
بالتوفيق
وربنا معاكم
وزى ما اخدتوا مادة الشعر فى اول وفي تانية وفي تالتة هى نفس الطريقة في حل المادة عند انور عبد ربه
انور ميقدرش يتفلسف في كيفية الحل
ممكن يتفلسف في شرح القصيدة انما ميقدرش يقول طريقة جديدة غير الطرق المعروفة في حل مادة الشعر
وبالله التوفيق

shemo كتب:

بصي يا سولي....
الكومنت بتاع ايستر....
اول حاجه الثيم ..و ده هتتكلمي فيه عن انها political poem لان الشاعر كان عضو في البرلمان ومهتم بالسياسه و..و...و هتلاقي الكلام ده عندك اكيد
بعد كده التكنيك...و ده اللي هو انه استخدم ال refrain و symbols وتدي امثله لل symbols واخر حاجه انه استخدم rhetorical devices
اخر حاجه ال aspects اللي هي ال realism و suggestive poetry و new technical devices
طبعا كل الكلام ده هتشرحيه بقي وامثله واقتباسات بس انا قولتلك العناوين يعني...يارب تكون واضحه

10/10

سبقتينى يا شيمو وشرحتى بطريقه بسيطه واحسن منى كمان .. منك نستفيد

ويا رب ييجى الامتحان سهل يا رب

shemo كتب:

محمدسميرهجام كتب:

هو فى سؤال رفيع لو قالك علق ع القصيدة من غير ابيات نجيب اى تلت ابيات ونعلق عليهم لوحدهم ولا نجيب

تلت ابيات ونعلق ع القصيدة ولا نجيب ايه طيب دلوقتى

لو قالك comment وحط اسم القصيده بس من غير ابيات هتكتب ال comment بتاع القصيده كلها (theme-technique-aspects)
وتحط بقي اقتباسات في النص كامثله يعني علي كلامك

تعليق بسيط انا فى الحته دى مش مقتنع بكلام محرم خالص ازاى ابدا بالtheme خبط لزق كده ما ينفعش
التعليق مطلوب مطلوب حتى لو باختصار عشان يفهم انك فاهمه القصيده مش حافظه وبعدين التعليق لو قسمناه على حسب الاستانزات مثلا الاستانزا الاولى تتكلم عن كذا وكذا والتانيه وهكذا هتبقي سهل جدا