المشهد الأول \ نهار خارجي
تتوقف سياره
امام مبنى اتحاد الكره يخرج منها
وديع ويتوجه الى المبني
المشهد التاني \ مكتب تهامي باشا
يدخل وديع : صباح الفل يا تهامي باشا
تهامي : قصر يا وديع
وديع : انا جايبلك النهارده فيلم تحفه
اسمه العداله في التحكيم
تهامي : انت عارف عداله دي تبقى مين
.. انت اتخبطت في عقلك يا وديع
وديع : استنى عليا يا باشا لما اقدملك البطله
تدخل فتاه ( من اياهم ) ترتدي المايوه
تهامي : ايوه كده يا وديع اخيرا فهمت
وديع : دي مدام شوشو بتاعت السي دي اياه
تهامي : بص يا وديع انت عاوز فيلم يهز الموسم خد ده
يخرج من درج مكتبه ورقه مكتوب
عليها بالبنط العريض
( اعتماد نتيجة فوز الحرس على الزمالك)
وديع : استاااااااااذ
تهامي : سيبلي مدام شوشو عشان هى اللي هتختار بنفسها برنامج المنتخب وتوزع تذاكر ماتش مصر والجزائر
.................................................. .......................
في السنه اللي خرجنا فيها من كاس الشباب على يد كستاريكا وخرجنا من كاس العالم وانضربنا في السودان واتحرق العلم المصري
عملنا فيلم ( اتحاد الكوسه في العالم المفتوح )
اتحاد الكوسه اتعرض في كل الفضائيات وفضيحتنا بقيت بجلاجل
سمير محمود عثمان
حكم مصري ... ام الاجنبي
(إستهبال عربى ........أم اإستهبال عربى......... أم الاجنبى
المكان : استوديو تهامى فى مصر القديمة.
الزمان :2009
(تخيل معايا بقى ايه اللى هيحصل )
عربية موديلها قديم تقف قدام الاستوديو وينزل منها (وديع) ويدخل الاستوديو يبص من ورا الباب يشوف مزاج (تهامى باشا.. المنتج) يلاقيه قاعد على الكرسى ورا المكتب بيشرب سيجارة بنى وبيسمع موسيقى صامتة..يمسح وديع الجزمة فى البنطلون عشان تلمع زيادة ..وبعد كده يدخل فجاءة وهومبسوط و بيقول
( بصوت عالى) تهامى باشا..
تهامى باشا(بصوت زى مايكون بالع ضفدعة) : قصر يا وديع
وديع : جايبلك فيلم ..مش هيهز مصر بس لأهيهز العالم كله ..إسمه (لا محبة إلا بعد عداوة).
تهامى باشا(بنفس الصوت): إنجز ياوديع...(شكله كان مستعجل).
وديع(بيتكلم بفخر..مش عارف ليه): القصة عن اللى حصل بعد ماتش مصر والجزائر .
تهامى باشا(بصوت ضعيف): فرجنى ياوديع.
وديع: إدخلوا يارجالة.
هوب كرسى فى الكلوب ..الدنيا ضلمت.. ناس لابسة تى شيرت مصر بتجرى وناس تانية لابسة تى شيرت الجزائر وماسكة مطاوى وسنج بيجروا وراهم .وهما بيقولوا (هنموتكوا يا مصاروة ) ..وتهامى باشا قاعد هيموت من الرعب وفجأة تدخل واحدة بتجرى وتقلع ال تى شيرت المصرى عشان الجزائريين مايعرفوهاش ..
تهامى باشا(يقوم منفوض ويخبط بأيده على المكتب ويصيح بصوت عالى ويقول بأ سى) : أيوه كده يا وديع أخيراااا فهمتنى يا وديع.(حاول تتخيل شكله)
ويقعد وهو بيقول (بصوت عالى برده) للى خلعت ال تى شيرت انتى هتبقى نجمة الموسم وكل موسم.
وديع: ولسه لما تشوفها بعد لما نتصالح.
تهامى باشا (بقرف): مين ده اللى هيتصالح.
وديع (وهو بيضحك بهبل كده): إحنا والجزائر يا باشا
تهامى باشا (بإستحقار): الجزائر
وديع (بنفس الهبل): أه
تهامى باشا (بغضب): دا إنت عاوز تغرقنى معاك...إنسى يا وديع..
وديع (وهو متلخبط):طب يا باشا استنى بس كده لسه ...
تهامى باشا(قاطع وديع واتكلم بصوت الخبرة): وديع... يا وديع .. خد ياوديع.
فتح الدرج وطلع شريط مكتوب عليه (صدره للى يقدره) وقال لوديع إعمل ده يا وديع.
وديع(وهو بيبص لتهامى نظرة المعجب بذكائه): أستاذ ....وياخد الشريط ويمشى وهو بيصيح يالا ياأساتذة......
فجأة يطلع صوت عالى لواحد بيتكلم بجد وهو بيقول:
(فى السنة اللى قطعنا فيها العلاقات مع الجزائر ..صدرنا الغاز لإسرائيل ..وببلاش)
وفى نفس السنة حصل عندنا أزمة فى أنابيب الغاز ولسه محدش يعرف السبب.
أستهبال عربى .....أم الأجنبى
أتحاد الكرة المصرى ...أم الأجنبى
--------------------------------------------------------------------------------
اجتماع موسع لأعضاء أتحاد الكرة لدراسة ماذا سيفعلون عند خروج منتخب مصر من بطولة أمم أفريقيا 2010ومحتارين هيقولوا أية للناس و يعدين يسمع صوت طرقات على الباب ليدخل (وديع) المسؤول في لجنة المسابقات قائلا \"صباح الفل يا تهامي باشا\".
تهامي \"فيه إيه يا وديع .. اخلص\".
وديع \"أنا بس جيت أقول لسيادتك اننا دلوقتي هنعمل قرعة بطولة الكأس، فيه عند حضرتك أي تعليمات قبل ما نعمل القرعة\".
تهامي: \"أيوه كده يا وديييييييييييييع .. أخيرا فهمت يا وديع\".
وديع: \"طبعا يا باشا هنخلي فريقا القمة ميلاعبوش بعض غير في المباراة النهائية زي ما بنعمل كل سنة، عشان تبقى البطولة مثيرة\".
تهامي: \"مباراة نهائية .. نهائية إيه يا وديع .. أنا عايزهم يلعبوا في دور الـ32 بعد خروجنا من كأس الأمم بيومين بس\".
وديع: \"ماينفعش يا تهامي باشا .. دور الـ32 لازم فريق من الدوري الممتاز يلاعب فريق من الدرجة الأولى\".
تهامي باشا: \"خلاص يا وديع .. خليهم يلاعبوا بعض في دور الـ16 .. بس حطيلهم فريقين سهلين في دور الـ32 عشان يكسبوهم .. وبلغ محمد حمام يقول للحكام يتوصوا بيهم شوية عشان يوصلوا .. وبكده بقى الجماهير تنسى اخفاق المنتخب وتركز في ماتش القمة\".
وديع: \"أستاااااااااااااذ\".
في السنة اللي أتغلبنا فيها فى كأس القارات .....عملنا فيلم فتيات الليل تأليف عمرو حبيب
فى السنة اللى أتغلبنا فيها فى كأس الأمم ..... عملنا فيلم فريقا القمة فى دور ال16 كأس مصر
* اتحاد الكرة المصري ..... أم الأجنبي
الأربعاء 6 يناير 2010 - 23:16
