كلية اداب دمياط --- الحلم الضائع والتعليق عليها

قرات مقالة صغيرة في احدى الجرائد لبنت من البنات التى تناولت قضية ورايها وما راته في كلية اداب بدمياط
انا طبعا انا لا اعرفها اطلاقا وانما عجبتنى كلامها المنظم المحترم
ونظرا ان من الممكن تكون في الكلية فلن اذكر اسمها حتى لا تكون عرضة لاى قلق في الكلية الا لم تكن قد اتخرجت



المقالة لبنت جميلة محترمة في كلامها بتقول





كلية اداب حلم راود ابناء دمياط ولكن الحلم بدء يتحول الى كابوس وما كادت الكلية حتى اوشكت على الاحتضار
فالكلية لا تحتوى الا على ستة مدرجات فقط وثلاث قاعات صغيرة الحجم رديئة التهوية ومكبر الصوت بها في اسوء حالاته والمساحة الكلية للمبني لا تصلح لتكون مدرسة صغيرة
ومعمل الحاسب الالي بالكلية الذي يحتوى على العديد من الاجهزة الا انه لا يعمل منها غير جهاز واحد فقط وهو ما يؤدي الى افتقاد الكلية للجانب العملي حتى في مناهج الحاسب الالي فضلا عن ذلك فان مكتبة الكلية لا تحتوى الا على عدد قليل من الكتب والتى يصعب معها ان يحصل على ما يريد في التخصصات المختلفة
اما شئون الطلاب فحدث ولا حرج فالمبنى عبارة عن حجرة واحدة ويجري التعامل مع الطلاب من خلال النافذة الخارجية ولا يجلس عليها سوى موظفة واحدة واحيانا اثنتين للرد على اسئلة واستفسارات جميع الطلاب مما يؤدي الى التكدس عليها وصعوبة الحصول على اجابة لاي سؤال
وما بي المحاضر والطالب هوة سحيقة والسؤال المطروح هنا ما حال الطالب المتخرج في هذه الكلية ؟ وما قدراته التى تؤهله لسوق العمل بمقارنته بباقي خريجي كليات الاداب
يا سادة وضع الكلية الان لا يسر عدو او حبيب وتركها على هذا الحال يسىء الى العملية التعليمية برمتها






التعليق
مقالتك جميلة جدا وكلامك صح بس انا اقول بعض التعليقات
كلية اداب دي كانت في سابق منذ 1981 كانت كلية تجارة
وكانت كليتنا كانت كلية اكبر في مساحة عن دلوقتي
اللى حصل ان مدرسة السادات ومدرسة التجريبية اخدت اجزاء كبيرة جدا للمدرستين فادت الى ان مساحة الكلية اصبحت قليلة
بعد كده اصبحت كلية الزراعة لفترة طويلة
المسؤلين قالوا ليه منستغل مساحة كلية الزراعة ونخليها سبوبة نستفاد منها
قالك نعمل كلية جديدة مع كلية الزراعة
زمان مفيش حاجة اسمها كلية اداب في دمياط
هى اسمها قبل كده فصول اداب مش كلية اداب
كان اللى بيدخل فصول اداب بياخد المحاضرات في كلية تربية بدمياط الجديدة وكان الامتحان في اداب المنصورة
ده كان نظامهم قبل ما تتفتح الكلية وكنت انا ودفعتى في اول دفعة فيها
فقالك نكسب من مساحة الكلية الخالية جدا من طلاب الزراعة لان كان عددهم لا يتعدي 100 طالب وطالبة في الكلية
تخيلوا ان عدد الطلاب في زراعة لا يتعدي 100 طالب
فقالك نستغل المكان ونفتح اداب
دى نقطة


النقطة التانية
مفيش اماكن
لك ان تتخيلوا ان كنا بنعقد قدام بوابة الكلية علشان نعرف اللى جاي ده من برة لللكلية هل دكتور بتاع القسم بتاعنا ولالا
كنا بنعقد بالساعات لحد ما نجيب مدرج ونعقد فيه
كان الشباب في دفعتى كان بيقفوا طول المحاضرة اكتر من ساعة نظرا مفيش مكان
وافتكر كلمة لدكتور في قسمنا قالنا
احمدوا ربكم ان في كلية لمتكم
تخيلوا كلمة لمتكم

لما كنا بناخد محاضرة في المدرج كنا بنحس اننا انتصرنا على اسرائيل وجبنا المسجد الاقصي
كنا فرحنين فرح غير مسبوق علشان اخدنا مدرج علشان محاضرة
كنا لما بندخل المدرج وفي المدرج طالبة بتخرج
كنا بنجري على المدرج وكان في طالبة من الشباب والبنات بيسقطوا على الارض واحنا بندخل مندفعين وهم تحت ارجلنا وكان منهم كان لا قدر الله من الممكنن يموتوا لان كله بيجري فوقهم
زى تدافع الحجاج وهم بيرموا جمرة العقبة الكبرى

دي نقطة
نقطة حاسب الي
انا اول مرة اعرف ان في كليتنا اوضة حاسب الي
انا اللى اعرفه اللى في اوضة اسمها لضمان الجودة اللى اسمها الاستبيان اللى فيها موظفة من البنات الشابات اللى فيها
لكن اوضة حاسب الي مفيش لحد اخر يوم ليا في الكلية مفيش

نقطة الخريجين
مفيش كلية في جمهورية مصر العربية تعلم حد
تخيلوا ان احنا في قسم انجليزي لم اخد مطالقا لا صوتيات ولا جرامر اطلاقا
قسم انجليزي وماخدناش لا صوتيات ولا جرامر
هتقوليلي سوق عمل
يا جماعة ان كلية الطب المسؤلين هناك على حد ما سمعت ان الطلبة بيوقعوا اقرار ان ميطلبوش اى عمل في الحكومة بعد التخرج
تخيلوا !
سوق عمل مين
مفيش سوق عمل
ولنا اللله

انا برده افتكر اول يوم دخلت فيه الكلية دى ..اتضايقت جدت من شكلها و بعدين فكرت انى اسيبها ...عشان حسيت ان هضيع فيها وقتى مش اكتر ...و لحد ما تفكيرى كان صح

و مر اول اسابيع عندنا و كان فى لخبطة فى الجدول بس الحمد لله اصلحت

الى جانب المادة اللى كان بتديها معيدات و اشياء غريبة حصلت لنا مع بداية الترم التانى و تغيير العميد و اللى حصل

و بعيدا عن اى شىء فكليتنا زى اى كلية فيها الوحش و الكويس سواء طلبة ..دكاترة او حتى عمال

بس المشكلة ان كليتنا جديدة و صغيرة و المشاكل اللى حصلت فيها اكبرمن حجمها ...عشان كده الفساد فى الكلية بقى وضاح و ظاهر
بس اكتر حاجة ممكن تضايقنى فى الكلية استهتارها بينا ..يعنى مثال الترم ده فضلت النقد فترة طويلة مادة لا تدرس و اخيرا جالنا دكتور بيدينا اصلا مادتين تانين ...

فى حد خصله كده فى كليات تانية ...

حتى بالمقارنة للكليات اللى فعلا موجودة معانا زى تجارة و تربية و زراعة حتى...افضل بتهيالى من المعاملة اللى بنتعاملها..و اللى اخر فصولها كان ردم الكلية و لخبطة امتحانات الشفوى

و ما خفى كان اعظم ؟

انتو قولتو كل اللى نفسى فيه
هى فعلا الحلم الضائع

محمدسميرهجام كتب:

ولكم فى حفر الكلية وردمها والحصول على سبوبة من وراءها عبرة يا أولى الألباب

موضوع ناجح يا حريف
بس للاسف اتكلمنا كتير اوى وهى هى
ربنا يعوض علينا فى اى حاجة تانية