سؤال جميل يا بلاك وموضوع مناقشه هايل فعلا ...
هقوللكم حاجه يا جماعه ودي وجهه نظري ..
الموضوع مش موضوع حب وتحدي ودمعتين ووجع ف القلب وغيره وغيره
الموضوع ان الدنيا اصلا ليها وشين .. وش حلو اوي بيسهل علينا كل حاجه لو احنا شايفين وشها البسيط
ووش تاني مليان تعب ومجاهده وكركبه مالهاش اول من اخر
بس ارجع واقول ان وشها التاني ده واقعي اكتر
البنت لو الشخص اللي بتحبه ده مش نصيبها ..ربنا هيوضح لها علامات معينه عشان ينزل لقلبها الرضا وبرده محدش يقدر ينكر ان رضا الوالدين اصلا من اهم شروط الجواز
يعني اللي مالوش خير ف اهله مالوش خير ف زوجه ان شاء الله
الموضوع مش سلبيه وانهزاميه والحياه ممكن تقف علي حد حبيناه وماخدناهوش .. محدش بيموت من الحب ...لكن بيموت م ظلمه لنفسه ف اختياره للي حبه قلبه
ببساطه شديده جدا .... الولد موقفه بيكون اقوي من البنت لان هو بيكون سيد قراره واختياره حتي لو ظروفه متسمحش
لكن البنت بقي هتعاند اهلها ازاي اصلا لو هو مكبرهاش ادام اهلها ؟؟؟
بس برده منقدرش ننكر ان في بنات بيحبو لمجرد الحب ولمجرد انهم يلاقو حاجه تشغل تفكيرهم ومع اول عريس هوووووب بيعملو نفسهم تعبانين يا عيني ويخلعو
كنت مره انا وعمر وهالك ف الشات بوكس واتكلمنا عن انواع البنات
وقلتلهم ان قلوب البنات دي 3 انواع
اولهم البنت اللي بتعيش عشان تفضل تحب زي النحله من ورده لورده ودي ف الاخر قلبها بيتعبها من كتر اللف وبترتبط ارتباط تقليدي لمجرد انها لقت واحد زكيبه فلوس وتخلفلها عيلين والسلام ختام ع كده ..ضل راجل زي ما بيقولو
تانيهم بقي .. البنت اللي بتكون خدت ع افاها من الدنيا كتير واتقرصت من الحب وساعتها بقي بتعمل انها بتحب باخلاص وف الاخر ببترد القلم 2 وكل ما تشوف اتنين يحبو بعض قلبها بياكلها من انها تحاول تفركشلهم اي حاجه ودي بتكون معقده شويه
ثالتهم بقي ..البنت اللي قلبها اخضر وواقعيه .. بتجمع بين العقل والاحساس ..يعني بتختار اصلا بناءا ع ظروف اللي ادامها عشان تعرف تكمل حياتها مرتاحه " كلنا ع فكره بندور ع الراحه " وكمان بيكون احساسها واخلاصها ليه عالي جدا بس ف نفس الوقت ....:
الطرف التاني هو اللي يقدر يشكل البنوته ويشكل قلبها من خلال تعاملاته معاها وظهوره كراجل ادامها ...
يا جماعه ماهي لو البنت اصلا كان حبيبها مالي عينها واختيارها هي واثقه انه 100% صح هتقدر تقنع الدنيا كلها بيه وساعتها مش هيحصل فراق ..يعني من الاخر كده انت وشطارتك بقي يا ايها الشاب
السبت 27 فبراير 2010 - 18:32
