يوم في الأسكندرية

بدأ اليوم بشكل مثالي زي جمال أي يوم بنطلع فيه رحلة الندى والهوا الجميل بتاع الصبح أصحابك اللي تعرفهم ومعارفك متجمعين وفوجئت بناس جميلة جداً مكنتش عارف إنهم طالعين كانوا سبب في زيادة جمال الرحلة (Art-محمد جمال - هجام- نصر العزة اللي حصلنا على هناك) . دا غير الأصدقاء المتوقعين صابر وأشرف عزمي . الجنايني (agient-13) كان عليه مسئولية كبيرة لأول مرة تطلع رحلة اتوبيسين (حسب علمي) تبع الكلية , وزيادة على كدا طلع الرحلة على مسئوليته بسبب البيروقراطية اللي قابلها في الكلية , ومن أول اليوم لأخره أثبت أنه راجل وقد المسئولية وإن كان حصل بعض السلبيات الصغيرة اللي وضحتهاله . المزارات كانت بالترتيب القلعة - جولة حرة في محطة الرمل - المنتزه - المعمورة وبعد مفاوضات مع السواق رحنا كارفور وتمت الرحلة حسب برنامجها ولله الحمد . أول مرة أجرب الملاهي وأقتنعت زيادة بمقولة اللي مجربش ما يحكمش يعني كنت بقول أيه الهيافة دي أطلع رحلة علشان أركب مرجيحة وزحليقة ! بس لما جربت عرفت إنها حاجة ممتعة كنت عامل تقريباً زي القروي الساذج اللي أول مرة يشوف أضواء المدينة . علشان كدا بتوقع إن رحلة الهجام إن شاء الله (للأسف مش هطلعها) هتبقى جميلة لأن بالرغم من جمال ملاهي المعمورة إلا إن كل الناس بيأكدوا إنها متجيش حاجة جنب ملاهي دريم . على أخر اليوم لما وصلنا لكارفور , اللي مكنوش دخلوه قبل كدا ندموا إنهم موفروش ميزانية لأن فعلاً طريقة عرض الحاجة جوا تشدك إنك تشتري . أقدر أقول الرحلة تقيمها بسلبياتها الصغيرة 93% ومحدش يقولي إشمعنا 3 . أكثر حاجة عجبتني إن هجام والجنايني كانوا لأول مرة طالعين مع بعض في رحلة واحدة أثنين من فطاحل (جمع فطحول) كلية أداب وكان التعاون بينهم ممتاز. تحية ليك يا جنايني وتحية لأسرتك .
مفيش صور أوفر بيها الكلام الصور كلها مع أشرف عزمي (الأستاذ) وقريباً هيرفعها على المنتدى إن شاء الله .

حمد الله على سلاكتكم
وانا كانت وجهة نظرى فى موضوع الملاهى زيك بالظبط
بس هحاول اطلع ان شاء الله

الحمد لله انكم استمتعتم بوقتكم ودي اهم حاجة

انا طلعت اكتر من مرة في رحلات
احسن حاجة في رحلة انك تكون مع زمايلك اللى بيحبوك
واحسن حاجة في اسكندرية الجو الجميل ومنظر البحر
تحفة
انا لما طلعتها من فترة من حوالي شهر كانت جميلة
بس الاجمل انك تكون مع حبايبك اللى بيحبوك
وشفت مول كارفور
بجد مول لا يقارن باى مول في دمياط
في كل حاجة في مول كارفور من مواد غذائية
بجد اكبر مول في اى مكان في مصر كلها
ومتعرفش المكان اللى دخلت منه

وممكن فعلا تتوه
وبرة كارفور زحاااااااااااااااااااااام فظيع
الاتوبيس اللى راكب فيه معرفناش نخرج من منطقة كارفور الا بعد ربع ساعة من كثرة الزحام
والطريق الصحراوى رائع
متحسش باى تعب من الطريق
بس اسوء حاجة في الطريق الصحراوى ان مفيش انوار
لما رحت الى القاهرة علشان الجيش كان الطريق الصحراوى بلا اضواء
تحس بالسكون ووتقلق من ان الطريق فيها عربيات وانت مش شايفها الا على بعد خطوات تعرف ان في عربية قدامك
قمة التخلف
طريق بلا انوار وهو طريق دولي
مش طريق محلي
والله عيب

الاسكندرية جميلة
ياريت اعيش فيها
حمد لله على سلامتكم

حمد لله على سلامتكم جميعا والحمد لله انكوا اتبسطوا ويا رب تبقوا فى سعاده على طوووووووووووول

حمدلله على السلامه يا عمر
يارب تكون اتبسطت بأكبر قدر ممكن يوم في الأسكندرية 219975

حمد الله على سلامتكم

فعلا يا عمر الرحلة كانت حلوة قوى وكانت تغيير جميل للحياة الروتينية اللى كلنا عايشين فيها والجناينى اثبت انه قد المسؤلية وحمدلله على سلامتك وسلامة زميالنا كلهم ويا رب تتكرر تانى

كانت ممتعة بجد

انا اتعرفت على شخصيات جميلة من بره الكلية

للاسف مش هقدر اشوفهم تانى

لكنهم اكيد هيسيبوا ذكرى جميلة فى قلبى

واكيد هشوفهم صدفة فى مكان ما

....

عندك حق فى كل كلمة قلتها يا عمر

ويكفى

شوية الضحك اللى ضحكتهم مع الجناينى فى طريق العودة

ههههههههههههههه

شىء جميل تحمل المسؤلية
وارسل برقية اليك يا جناينى على تحمل مسؤلية رحلة من اتوبيسين وفيهم بنات
الف شكر على تحملك المسؤلية
وانا مبسوط جدا على تحملك المسؤلية يا جنايني
بتوفيق ربنا اولا ثم مجهودك يا جنايني
الف شكر
ووحاجة جميلة منك يا جن يوم في الأسكندرية 166815

حمد لله على سلامتكم

عمر أيها الغائب الحاضر .. ليه يابنى مش هتيجى القاهرة ...

الحمد لله كان يوم لذيذ والجناينى الصراحه تتقال كان قلبه ميت قدر انه يتحمل المسئوليه كامله وده على عكس المتوقع الصراحه يوم في الأسكندرية 977193

اجمد بقا يا عمر انتا والجناينى معسكر الاقصر واسوان قرب عاوزكم تجهزولوا من الوقتى,, يوم في الأسكندرية 484388

بشكرك عمر على الموضوع وباذن الله هنزل الصور فى اقرب فرصه

عمر كتب:: .
مفيش صور أوفر بيها الكلام الصور كلها مع أشرف عزمي (الأستاذ) وقريباً هيرفعها على المنتدى إن شاء الله .

الصور اترفعت يا عمنا اى خدمات وده رابط الموضوع,,

https://stop.1talk.net/montada-f3/topic-t13712.htm

يلا مش حرمك من اى حاجه ,,,

يوم في الأسكندرية 219975

فعلا الرحله كانت جميله جداا وكلنا كنا مبسوطين اوي
ودي تعتبر اول رحله يكون فيها كل اصحابي اللي بحبهم فعلا كان يوم تحفه تحفه
يارب تتكرر تاني

يوم في الأسكندرية 632484

الحمد لله على كل شئ وانا بحمد ربنا انكوا استمتعتوا باليوم وانه سترها على عمر فى الملاهى كان ( هيموت صديقه )
يركب المرجيحه ويركب الواد غصب عنه
الواد يقوله مش قادر
عمر ينزل فيه ضرب ويقله اركب غصب عنك
ويبشيله يركبه غصب
والمرجيحه اصلا مش مستحمله عمر
وعمر يركب وزىميكون هيكسرها
الواد يعينى كان هيودع مننا فى الطريق لولا ستر ربنا
الحمد لله
اما بالنسبه للقصر واسوان فانا هصوم من اليوم حتى يوم الرحله
وهفطر اول فطار هيكون على صحابى واحنا فى الطريق الى جنوب مصر

agient13 كتب:: الحمد لله على كل شئ وانا بحمد ربنا انكوا استمتعتوا باليوم وانه سترها على عمر فى الملاهى كان ( هيموت صديقه )
يركب المرجيحه ويركب الواد غصب عنه
الواد يقوله مش قادر
عمر ينزل فيه ضرب ويقله اركب غصب عنك
ويبشيله يركبه غصب
والمرجيحه اصلا مش مستحمله عمر
وعمر يركب وزىميكون هيكسرها
الواد يعينى كان هيودع مننا فى الطريق لولا ستر ربنا
الحمد لله
اما بالنسبه للقصر واسوان فانا هصوم من اليوم حتى يوم الرحله
وهفطر اول فطار هيكون على صحابى واحنا فى الطريق الى جنوب مصر

حتى مش عارف تكتب الاقصر واسوان مش قلتلك ابو جهـــــل اقول ايه خلصت فيك كل الكلام ,,

وبالنسبه لمعسكر الاقصر احسنلك متجيش اساسا انتا يابنى مبتحرمشى,,

ان كنت ناسى افكــــــ ـــــرك وعمـــر يشهد.

يوم في الأسكندرية 484388