ارجو الدخول للاهميه القصوى للبنات والشباب

من فضلكوا يا جماعه اسمعونى انا هحكيلكوا موقف من اصعب المواقف الى انا مريت بيها فى حياتى
* خايفه حد يطلع مجنون زيى ويحاول يعملها فحبيت انبهكوا ليها كويس الموقف الى هحكيه حصلى انهارده
انا خلصت محاضراتى كالعاده واشتريت بعض الكتب عشان ابتدى اشوف مهامى ككل تيرم وفجأه انا وبنتين معايا خطرت على بالنا فكرة .......

ألا وهى اننا نروح البحر فى دمياط الجديده مشى يعنى من الاخر كدا هنروح من عند الصعيدى من ورا ونمشى من الشوارع الجانبيه لغايه ما نوصل للطريق الدولى نعدى من النفق اللى تحته ونعدى الناحيه التانيه ونمشى على طول نلاقى الشاليهات وبعدين البحر طبعا التفاصيل اللى انا بقولهالكوا دى انا مكنتش اعرفها لانى لاول مرة اروح مكان معرفش طريقه منين المهم نرجع لموضوعنا احنا كنا 3 بنات مشينا وكله تمام وكلنا مجانين اهو للاخر وعدينا النفق وكله تمام فجأه فيه منطقه قبل الشاليهات فاضيه وكانت جافه فى يوم من الايام لقينا مياه الامطار متراكمه فيها وناحته فى الرمال والصخور ومكونه ملح صحيح منظر بديع بس الاصعب ان المجنونه اللى فينا قررت تعدينا من على جسر فى وسط كل تللك الكميات من المياه المتراكمه !!!!!!!!!!!!!!!! المفاجأه الجسر عباره عن رمل متماسك نوعا ما ...
مشينا لربعه تقريبا ومقضينها جنون فى جنون وفجأه بصراحه انا حسيت ان الخطر بيذيد وفكرت لو واحده فينا حصلها حاجه لقدر الله هيكون رد فعل اهلها ايه فجأه وقفت وقررت انى مش هكمل الطريق اللى بدأت فيه وخاصه ان منتصف الجسر دا كان مقطوع وفيه قطع بلاط فقط وفعلا صممت على رايى ورجعنا وطبعا لازم واحنا راجعين نكمل المخاطر لقينا عمال بيسقوا زرع قريب من هناك خفنا لان عدهم كان كبير واحنا 3 بنات لوحدينا كل واحده مسكت قطعت صخر كبيرة نوعا ما وكنا مرعووووووووووبين جدا بس الحمد لله ربنا ستار
احلى حاجه اننا لما وصلنا الصعيدى مرة تانيه صحابى رموا الصخور دى إلا انا خليتها معايا عشان احتفظ بيها ومعملش كدا تانى وأول مسجد قابلنا رحنا صلينا فيه وحمدنا ربنا ...

& قولولى صحيح هو انا مجنونه ؟؟؟
مسمعتش يعنى حمدا لله على السلامة ولا حاجه ولا كنتوا عايزنى اتخطف !!!
يا ريت مسمعش منكوا ان فيه حد مجنون زيى انا وصحابى ويا رب تستفادوا حاجه من اللى انا قولتها

حمد لله على سلامتك

الحمدلله علي سلامتك ي هدير انتي والبنات
طبعا مجنونة وستين مجنونة بس فيه مجانين كتير زيك واولهم انا
يللا اهي مغامرة اتعلمتي منهاوالحمدلله ان محصلش اي اصابات

احنا بقى رداله منخفش
هههههههههههههههههههههههههههههه

الف سلامه ومتعملهاش تانى يا وحشه اصل اضربك

وانا اللي بقول عليكي عاقلة

ازاااااااااااااااااااااااااااااااااي يا هدير تهعملي كده

ده مش جنون ده سوء تقدير للموقف

الحمد لله انك رجعتي بالسلامة وبعد كده ابقي خدي بالك حتى لو اصحابك فكروا في فكرة مجنونة امنعيهم وانصحيهم

ميرسى ليك nero على المرور ربنا يسلمك يا رب

بشكرك noha وانتى فعلا عندك حق ولكن للاسف انا كنت عاقله لغايه امبارح ومكنتش اعرف حجم المسافه دى والحمد لله انى اتعلمت بدون ضرر

حمد لله على السلامه

ميرسى بياتريك ربنا يسلمك يا رب انا فعلا كنت فى مغامرة مش فى دمياط الجديده الحمد لله على كل شىء وميرسى لمرورك نورتى يا قمر

كده برضه

حصل خير

وحمد الله على السلامه

المغامره

هى عين العقل

حمد الله على السلامه

ميرسى ليك totyaat2020 على المرور بس معندناش بنات تنضرب
وربنا يسلمك يا رب

ميرسى ليكى نور شفتى العاقله اتجننت واللى كان كان الحمد لله جت سليمه بس صدقينى انتى لو رحتى المكان دا هيعجبك المنظر هناك جدا بس اللى يتجنن ويعمل زيى يبقى ياخد معاه " بودى جارد " ياخد باله منه

ميرسى ليك hulk تسلم يا رب

حصل خير

ومبروك النجاح يا هدير

ميرسى ليك يا ابو البوارين يا اخويا على المرور وربنا يسلمك يا رب

حمدل ع السلامة يا حجة وبلاش جنان لان الجنان دا احنا اللى بنعملة ومش كل مرررررررررررررة تسلم الجرة وحمدل ع سلامتك والحاجة السقعة فين

مش عايز الا كنز ههههههههههههههههههههههههههههههههههههههههههه

ميرسى ليك جينرال وفعلا ربنا يكملنى بعقلى يا رب

حمد الله علي سلامتك انا اساسا دمياط الجديدة معرفش يتركبلها منين هههههههههه

يلا ربنا يستر ويحمينا يارب

يا سلاااااااااااااااااااام ع العقل و الرزانة ايه يا بنتى ده...

اومال لو كنتى صغيرة شوية كنتى عملتى ايه؟؟؟ما ينفعش كده يا هدير الجنون برده ليه حدود


الحمد لله انها عدت على خير ...

اعقلى بقى شوية ...و الحمد لله انك رجعتلنا بالسلامة

ميرسى ليك اهلاوى ربنا يسلمك يا رب

ميرسى ليك totyaat 2020 ربنا يسلمك يا رب ويبارك فيك