عايزيين مسجد في الكلية

يا ريت لو حد فعلا يعمل المبادرة دي واحنا مش طالبين مبنى كبير ولا حاجة حتى لو مكان صغير ينفع نصلي فيه ان امكن بدل ما بتروح علينا الصلاة وباضطر كتير للاسف اني استنى لما اروح البيت عشان اصليها

ثانيا كلية التربية في دمياط الجديدة وعلوم فيها مساجد....يعني اشمعنى احنا مايتعملناش مساجد

ثالثا هما مش عايزين يعملوا المساجد مش عشان المسيحين ولكن عشان الاخوان المسلمين لان غالبا هما بيتجمعوا هناك وانت عارف اد ايه الحكومة بتعز الاخوان

اتمنى ان شاء الله اني اشوف مسجد في الكلية قبل ما اتخرج


شكرا عمر ع الموضوع

مش هيحصل لان ادارة الكلية هتخاف ان من المسجد من الممكن ينطلق منها الاخوان المسلمين
وكل عارفين ان الاخوان المسلمين جماعة محظورة
اما المسيحين عمرنا ما سمعنا او شفنا ان اى جامعة فى مصر بها كنيسة ابدا
انا اتمنى ان يبقي في مكان صغير نصلي فيها بدل ما نروح الى جامع برة الكلية
بس انا اشك ان ادارة الكلية تعمل مصلي او جامع صغير والسبب في حرس الكلية خوفا من الاخوان المسلمين
انا اتمنى ذلك لكن من الصعب ان يتعمل
شكرا

انتوا لسه بتتكلموا فى الموضوع ده احنا شبعنا كلام انا مش بقلل من قدر كلامكوا بس بجد ناس كتير حاولت واحنا معاهم بس للاسف فى رفض لاشياء كتير اوى داخل الكلية ودى حاجة منهم ربنا يعين

بجد المبادرة دي كويسة أوي وبصراحة احنا كمسلمين لازم نتكلم في الموضوع دة ونشوف ليه حل

أنا عن نفسي الأول مكنتش بحس بوجود المشكلة دي لأن كان فيه مسجد جمب الكلية وكنت بصلي فيه

بس للأسف اتهد وبعدين بعد كدة بقينا نصلي فالمكتبة وبصراحة دا سلوك غير حضاري وكذلك معرضين لأن أي

راجل يدخل المكتبة وبالتالي تبطل صلاتنا..وللأسف دلوقتي معدناش بنصلي الظهر الا قضاء وطبعا دا شييء

سيء جدا..فبصراحة أنا بشكركم علي مبادرتكم دي ويارب فعلا حد يسمع صوتنا ويكون فيه مسجد فالكلية

انا مع ان يكون في الكليه مسجد وبجد الموضوع مطلوب.
لو في توقيعات انا معاكو بس بشرط اعرف لو الطلبه كلهم وفقو ووقعو مين اللي هينفذ لينا الطلب ده.
انا من يوم ما دخلت الكليه دي عمري ماشوفت شئ الطلبه ليهم رائي فيه انا شخصيا مش بحب الكليه كمبني واداره.
ابسط مثال علي كدا انا ليا ابن خالتي في صيدله اسكندريه لما طلب مني انه يشوف كليتي واديته اداب المنصوره والجامعه وقلتله اصل الكليه عندنا فيها مدرج بيتبني ومش هنعرف نقعد فيها مع ان دا ماحصلش.
الكليه بجد مش قد كدا .......انا اسف ياجماعه انا عارف ان في ناس بتحب الكليه موت بس بصراحه انا مش منهم ....

شكرا ليك بجد يا عمر وربنا يسهل ويعملو بالامضاء بتاعنا ويعملو مسجد فعلا ياااااااااااااااارب

شكرااااااا ليك يا عمر ومبادرة جميلة منك

المفروض
اصلهم لو عملوا مسجد كانهم ارتكبوا معصية
الشاشات والكراسي اهم من المسجد
ينضفوا الكلية من الخارج ولكن الداخل يختلف
انا اسف اننا اتكلمت بسخرية
المفروض يتعمل مسجد بدل الحاجات التفاهات اللى بيعملوها
ولا حياة لمن تنادى

كان المفروض تطالب بالمسجد ايام لما كنت فى اتحاد الطلبة يا هجام
السنة خلاص قاربت على الانتهاء
على العموم حاول

professional كتب:

كان المفروض تطالب بالمسجد ايام لما كنت فى اتحاد الطلبة يا هجام
السنة خلاص قاربت على الانتهاء
على العموم حاول

عنك حق
أوعى بقى تجمع التوقيعات يا هجام

T-Bag كتب:

professional كتب:

كان المفروض تطالب بالمسجد ايام لما كنت فى اتحاد الطلبة يا هجام
السنة خلاص قاربت على الانتهاء
على العموم حاول

عنك حق
أوعى بقى تجمع التوقيعات يا هجام

دع -------------- والقافلة تسير

محمدسميرهجام كتب:

انا النهاردة جمعت تلتميت توقيع بس واضح ان الامر معجبش الامن وتقريبا على وشك انهم هيقدموا مذكرة فيا للعميد

متتعبش نفسك
الامن مش عاوز
والامن هو اللى ممشي الكلية على مزاجه
ربنا ينتقم منهم
عاوز تقولى ان مفيش حد من اللى تخرجوا او من الموجودين الان لم يطالب بمسجد
اكيد لكن امن خواف
لو قلتلهم تفتح كباريه فى الكلية هيقولك موافقوووووووووووووووووووووووون

محمدسميرهجام كتب:

انا النهاردة جمعت تلتميت توقيع بس واضح ان الامر معجبش الامن وتقريبا على وشك انهم هيقدموا مذكرة فيا للعميد

أوعي تستسلم انتا مش عامل جريمة عشان تخاف من مجرد مذكرة

اطمن كلنا معاك..بس أنا زعلانة كان نفسي أوقع معاكم ..بس ياخسارة مروحتش الكلية بقالي يومين

عموما ربنا معاك..وقادر ينصرك..اثبت علي موقفك

بنت دمياط كتب:

محمدسميرهجام كتب:

انا النهاردة جمعت تلتميت توقيع بس واضح ان الامر معجبش الامن وتقريبا على وشك انهم هيقدموا مذكرة فيا للعميد

أوعي تستسلم انتا مش عامل جريمة عشان تخاف من مجرد مذكرة

اطمن كلنا معاك..بس أنا زعلانة كان نفسي أوقع معاكم ..بس ياخسارة مروحتش الكلية بقالي يومين

عموما ربنا معاك..وقادر ينصرك..اثبت علي موقفك

متخفش
ولا يقدروا يعملوا حاجة ولا يقدروا يؤذوك لسبب
هم لو متضيقين منك مش هيؤذوك
بالعكس ده نفسهم تتخرج وتسيب الكلية بدل ما توجع فى دماغهم لا قدر الله لو سقطوك مثلا

لانهم بيبقوا عاوزين يخلصوا من اللى وجع دماغهم

ياااااااااارب