حملة جديدة....حياتنا بالقران

شكرا يا جماعه ليكوا كلكم
بس فعلا السبب الرئيسى هى شيمو ياريت منسهاش
لان لولا صبرها واصرارها كان الموضوع هيتنسى
وان شاء الله هنبتدي بكرااااااااااااااا
يلا يلا يلا يلا
عاوزيين همه ونشاط
وان متفاااااااائل جدا
وان شاء الله خير

الحمدلله والشكر لله انا خلصت الجزء بتاعي كله النهاردة ياجماعة

بس الحقيقة النهاردة استوقفتني آية بقرأها كتير جدا بس عمري ما تأثرت بيها ولا عينيا دمعت منها أد النهاردة

الآية دي هي الآية 77 من سورة النساء

اسمحولي استعرضها معاكم

أعوذ بالله من الشيطان الرجيم


بسم الله الرحمن الرحيم


"ألم تري الي الذين قيل لهم كفوا أيديكم وأقيموا الصلاة وأتوا الزكاة فلما كتب عليهم القتال اذا فريق منهم يخشون الناس كخشية الله أو أشد خشية

وقالوا ربنا لم كتبت علينا القتال لولا أخرتنا الي أجل قريب قل متاع الدنيا قليل والآخرة خير لمن اتقي ولا تظلمون فتيلا"


صدق الله العلي العظيم


لما بحثت عن تفسير الآية دي لقيت ان انها انزلت كرسالة للمسلمين في فترة من الفترات الل كانو عايزين يقاتلو

فيها كفار مكة لكن ربنا منعهم لحكمة من عنده وكمان لأن مكنش فيه تكافؤ قوي بينهم لأن الكفار كانو أكثر عددا

وقوة فربنا امرهم بكف ايديهم عن القتال والتوجه للصلاة والزكاة لحين ما جه الوقت اللي ربنا امرهم فيه

بالخروج للجهاد وهنا بقا ظهرت الناس اللي ايمانها ضعيف علي حقيقتهم..

لأن لما جه ليهم الاذن بالخروج للجهاد خافو واتمنو ان ربنا يأخرهم لأجل بمعني اصح ان ربنا يتركهم يموتو في

بيوتهم علي فراش الموت ..سبحان الله يعني الجهاد لما كان بالنسبة ليهم امل بعيد كانو مشتاقين ليه واول ما قرب

منهم وربنا اذن ليهم خافو من البشر اللي خلقهم ربنا اكتر مابيخافو من الخالق عزوجل اللي بايده كل شيء

والنصر والعزة من عنده وارادته بتغلب اي عدد واي قوة اي ان كانت

وهنا ربنا رد عليهم بان الدنيا ماهي الا متاع زائف زائل وان الآخرة بنعيمها هية نصيب المؤمن الحقيقي اللي

بيعرف ربنا وبيحبه وبيخشاه اكتر من أي شيء .........


اللي خلاني بقا بجد اتأثر جدا بالآية انها ايقظتني من غفلة كنت فيها وهية ان الصلاة فعلا من اعظم العبادات

بدليل ان ربنا جعلها بديل للجهاد اللي هوة من اعظم العبادات والحقيقة ان لما الصلاة تيجي بديلة للجهاد

معناها انها شيء عظيم جدا وحقيقي شيء مؤسف لما يبقي فيه مسلمين فرغو الصلاة من مضمونها وظنوا انها

مجرد ركعتين بتؤدي وخلاص مع ان احنا لو فهمنا معني الصلاة هنعرف ازاي نكون علي صلة وطيدة بالله

وهنعرف كمان ان امورنا كلها بايده وهنحس فعلا بمعني التوكل علي الله

الحمدلله يارب

..كنت دايما اقول لنفسي ان احنا في زماننا دا

محرومين من ثواب عظيم وهوة ثواب الجهاد لكن سبحان الله فعلا ربنا مبيظلمش عباده ورزقنا بالصلاة

اللي هية اقرب واحب العبادات الي الله واللي فعلا فيها اعلي درجات الجهاد وهوة جهاد النفس والاهواء

الواحد في اليوم الواحد بيقف بين ايدين ربنا كذا مرة وفي كل مرة فعلا الواحد بيشعر بأنو بيجاهد

وبيحارب كمان.. بيحارب الشيطان اللي بيحاول بشتي السبل صرف انتباهه عن الصلاة

وبيحارب نفسه الامارة بالسوء

وبيحارب شياطين الانس اللي والعياذ بالله اخطر علي الانسان من شياطين الجن

ياااااااااه كل دا والواحد مكنش مدرك الثواب العظيم اللي ربنا هيكافئنا بيه نظير حربنا وجهادنا مع نفسنا واهوائنا

اللهم اعصمنا يارب وارزقنا رضاك علينا في الدنيا واسكنا جنات الفردوس الأعلي في الآخرة

اللهم آمين يا أرحم الراحمين