ممكن أسأل سؤال رفيع

طبعا أكيد كلنا حصل لينا نوع من الصدمة الحضارية اللي أكيد صاحبها نوع من الاندهاش اللي وصل للاذبهلال

وطبعا دة كله بسبب المعرض التحفة اللي أنا بسميه معرض بير السلم..

مكان كدة جمب مدرج زراعة كان الشباب محتلينوا وبيمارسو فيه هوايتهم المفضلة وهية لعب البينج بونج..أو الرعب بونج

الي جانب جلسات السمر والصالونات الأدبية اللي كانت بتقام يوميا علي السلالم أو علي داير السلم من فوق بين اخوانا واخواتنا البعدا

المهم فجأة ودون سابق انذار تمت اقامة معرض ..لكن معرض من نوع خاص..أعتقد ان الكلية تمر الأن بأزمة مالية لدرجة انها قامت

بتأجير بير السلم لمجموعة من المواطنين لتسويق منتجاتهم..واهو أكيد الكلية هتتطلع بحسنة كويسة..الي جانب الفيديو اللي صور الافتتاح الباهر

اللي كان بمكبرات صوت تخرم الودان..واللي كانو مشغلين فيه أغاني وطنية..وطبعا دة نوع من الاضافة لمنجزات كليتنا الحبيبة

وبصراحة القائمين علي المعرض في منتهي الذوق..لدرجة انهم قالو لواحدة صحبتي..ركنت شوية جمب مجسم من اللي موجودين وكانت بتتأمل وبتنظر باعجاب للمية المتدفقة

من هذا المجسم..(لو عاجبك ممكن تشتريه )

لما سألت صاحبتي انتي كنتي بتتمعني فالمجسم ليه.. قالت..(أصل أنا عطشانة أوي..والحنفية اللي بشرب منها معلقين خرطوم فيها..مش كفاية شالو السبيل الله يحرقهم)

أغرب حاجة ان كليتنا دي عاملة زي شباب اليومين دول مكبريييييييييييييييييييييييييييييييييييييين

لأن فالوقت اللي فيه مبادرات كتير بتطالب بوجود مسجد..هما بيتفضلو مشكورين بالاهتمام بتنمية المخيلة الفنية لدي الطلاب ..اللي طبعا زي القطط ياكلو وينكرو

كفاية ورشة العمل اللي مقامة دلوقتي في بير السلم نفسه..والله بتفكرني ببرنامج الأطفال رسوم وحكايات

ودلوقتي جه وقت السؤال الرفيع.......

ياتري انتو حسيتو بايه أول ماشفتو المعرض..أكيد فرحتوا صح

معلش وجعت دماغم برغيي الكتير..بس اعتبروها نوع من الفضفضة

بصراحه انا فرحت؟؟
مش علشان المعرض ؟علشان لقي نشاط موجود اساسا؟
كان فى مشروع مسرحيه فى الكليه وكان العرض الاسبوع الى فات
ولكن علشان مفيش مقومات ؟
لا فى الفلوس ولا الماكن بتاع البروفه وسوء معامله الحرس اتلغت؟
يعنى افرحى ان فيه نشاط اساسا؟

بصراحة أنا ساعت ماشفتو جالي صعقة لأني كنت سامعة ان هيقام معرض فني وليس محل أنتيكات

والصدمة الأكبر اني لقيت لوحات الطلبة اللي ياعيني تعبوا فيها متعلقة في بير السلم ولكن في الكورنر البعيد الهادي
وأحلي حاجة انك أول ماتيجي تتفرج علي أي أنتيك مالموجودين تلاقي الراجل نط في قفاك وقالك ياجماعة

لو عايزين تشتروا عادي دا فيه كمان خصم للطلبة

وسمعت كمان ان فيه لوحة قال ايه بستين ألف جنيه بتاعت الشيخ أحمد ياسين بس فيه لوحة واحدة عجبتني هية لوحة معبرة جدا اللي هية بتاعت الصراع دي

شكرا يا بنت دمياط وقومي نامي بقا عشان متتأخريش عليا بكرة

DARK MAN كتب:

بصراحه انا فرحت؟؟
مش علشان المعرض ؟علشان لقي نشاط موجود اساسا؟
كان فى مشروع مسرحيه فى الكليه وكان العرض الاسبوع الى فات
ولكن علشان مفيش مقومات ؟
لا فى الفلوس ولا الماكن بتاع البروفه وسوء معامله الحرس اتلغت؟
يعنى افرحى ان فيه نشاط اساسا؟

مسرحية يا خبر أنا أول مرة أسمع عن الموضوع دة

مكنتش أعرف ان عندنا مواهب تمثيلية...

أشكرك دارك مان علي اهتمامك ومرورك الكريم

جيوكندة كتب:

بصراحة أنا ساعت ماشفتو جالي صعقة لأني كنت سامعة ان هيقام معرض فني وليس محل أنتيكات

والصدمة الأكبر اني لقيت لوحات الطلبة اللي ياعيني تعبوا فيها متعلقة في بير السلم ولكن في الكورنر البعيد الهادي
وأحلي حاجة انك أول ماتيجي تتفرج علي أي أنتيك مالموجودين تلاقي الراجل نط في قفاك وقالك ياجماعة

لو عايزين تشتروا عادي دا فيه كمان خصم للطلبة

وسمعت كمان ان فيه لوحة قال ايه بستين ألف جنيه بتاعت الشيخ أحمد ياسين بس فيه لوحة واحدة عجبتني هية لوحة معبرة جدا اللي هية بتاعت الصراع دي

شكرا يا بنت دمياط وقومي نامي بقا عشان متتأخريش عليا بكرة

جوكا حبيبة قلبي ..حلوة كلمة الكورنر البعيد الهادي

وبعدين احنا مش اتفقنا اننا هنعمل جمعية ونشتري اللوحة أم ستين ألف جنيه..أوعي تكوني رجعتي فكلامك

وماشي والله من غير ماتقولي أنا كنت قايمة دلوقتي أنام

سلااااااااااااااااااااام

المنطقة اللى فى منطقة الاشجار اللى قدام باب الكلية
ده كان فيها كافتريا وكانت شغال من حوالي سنتين
بعد سنة لقينا مفيش كافتريا
يمكن مفيش حد تقدم الى ادارة الكلية انها يعمل كافتريا
والله يا بنت دمياط متستغربيش من حاجات غريبة
هى دى كلية اداب
شكرا يا ماما بنت دمياط

professional كتب:

المنطقة اللى فى منطقة الاشجار اللى قدام باب الكلية
ده كان فيها كافتريا وكانت شغال من حوالي سنتين
بعد سنة لقينا مفيش كافتريا
يمكن مفيش حد تقدم الى ادارة الكلية انها يعمل كافتريا
والله يا بنت دمياط متستغربيش من حاجات غريبة
هى دى كلية اداب
شكرا يا ماما بنت دمياط

حلوة شكرا ياماما بنت دمياط دي يابروف

يعني أنتا دلوقتي لازم تحترمني وتجبلي هدية فعيد الأم هه..سامع..والا هغضب عليك وانتا عارف غضب الأم

وأحب أقولك هية جت عالكافيتريا مافي حاجات كتير ناقصة ولاغني عنها

وعلي فكرة أنا عمري مانقدت الكلية فحاجة بس بجد احساسي انهم حولوها تجارة دا اللي غايظني جدا

بنت دمياط كتب:

professional كتب:

المنطقة اللى فى منطقة الاشجار اللى قدام باب الكلية
ده كان فيها كافتريا وكانت شغال من حوالي سنتين
بعد سنة لقينا مفيش كافتريا
يمكن مفيش حد تقدم الى ادارة الكلية انها يعمل كافتريا
والله يا بنت دمياط متستغربيش من حاجات غريبة
هى دى كلية اداب
شكرا يا ماما بنت دمياط

حلوة شكرا ياماما بنت دمياط دي يابروف

يعني أنتا دلوقتي لازم تحترمني وتجبلي هدية فعيد الأم هه..سامع..والا هغضب عليك وانتا عارف غضب الأم

وأحب أقولك هية جت عالكافيتريا مافي حاجات كتير ناقصة ولاغني عنها

وعلي فكرة أنا عمري مانقدت الكلية فحاجة بس بجد احساسي انهم حولوها تجارة دا اللي غايظني جدا

احنا بنشوف غرائب فيها
فربنا يكرمك يوفقك

الاستــ ــاذ كتب:

عندك حق ,بجد انا من وجهه نظرى ان فى اولويات المفروض تتعمل بس تعرفى لو معملوش كده منبقاش

فى مصر وكما قالت مش عارف ميين(لو سالتك انتا مصرى اوعا تقــــــــــ ـــــول اى حاجه ؟،،،،

وكمان بجد نفسى يبقا فيه مسجد فى الكليه والكل يشارك,تعرفى لو هيلموا تبرعات من الطلبه بس يتحركوا!

بس كمان عجبتنى اوى اللوحه بتاع غزه وكمان لما الجناينى شرحهالى بجد عجبتنى اكتر,,

موضوعك جميــــــــــــل ودمه خفيف اوى بحييكى عليه,,

بشكرك بنــــــــــــــــــــــــ ـــــــــــــــــــــت دميـــــــــــــــ ـــــــــــــــــــــاط لموضوعك المتميز...

أستاذ اسمحلي أقتبس كلمتك و أقول(شكرا علي تشريفك الموضوع)

و فكرتك حلوة جدا ياريت يعملو فعلا حملة لجمع تبرعات للمسجد أعتقد بكدة هيتبني في أسرع وقت ممكن

وفعلا هوة المعرض فيه لوحة تحفة مش عارفة هية اللي انتا تقصدها ولا لأة بس هية لوحة بتمثل نوع من الصراع الانساني

اللوحة دي موجودة يمين لوحة الشيخ أحمد ياسين........

بشكرك مرة تانية يا أستاذ علي تعليقك فالموضوع

تقبل تحياتي

السلام عليكم أخي الفاضل محمد بربر

كلامي عن موضوع البيع جوة الكلية دا جاي من ناس موثوق فيها جدا

واللي كان بيتباع.. الحاجات اللي هية المجسمات اللي فيها مية

وحتي هما وزعوا كروت كدة عليها

فلان الفلاني

نافورات مياه..أصداف بحرية..تنفيذ أعمال ديكور

وعنوان المعرض ورقم التليفون...

وقالو لينا فيه خصم للطلبة

بس حضرتك ليه بتسأل ياتري؟؟؟؟؟؟؟؟؟؟؟؟؟؟؟؟؟؟

على فكرة يا بنت دمياط اول مرة تحصل المعرض ده
من اول ما اتفتحت عمري ما شفت حاجة زى دى فى الكلية قبل كده

انا شفت المجسمات ومكتوب عليها الاثمان اكيد يعنى تباع وتشترى

وكان فى معرض قبل كده برضه وانا داخل حسيت خير الله اما اجعله خير رجعت عصر الجاهليه

ولقيت الاصنام هههههههههههه ناقص اللى داخل يطوف ويقول نحن رابعه ههههههههههههه

استغفر الله العظيم

أيوة أيوة حتي كان فيه صنم منهم في ايدو عصايا طويلة

فتقريبا أحد الأشرار الحاقدين جاب ورقها ولفها علي هيئة سيجارة وحرق طرفها

وحطها فعصاية التمثال من آخرها..بجد كان شكلها تحفة..وطبعا احنا أشر منهم وسيبنا التمثال عل حالتو دي

منطقة الاشجار دى جنب مدرسة السادات
كنت بلاقي طلبة مدرسة السادات بترمى علينا وشفت بيشربوا سجاير وحاجات مينفعش اقولها
فده عادى يا بنت دمياط