فيما بعد الكلية ...الذكريات لم تصنع بعد .

كونى لسة شايفة الموضوع دة انهردة بس
وقرات فيه انه لسة شهرين, بس على الواقع معدوش غير يومين
فاحساسى بكل كلمة قلتها اكبر بكتير
ومن غير ما اقول كلام كتير اوى كلنا قلناه وسمعناه
كل الحكاية انه حتى الذكريات خلصت
ومعتش غير الامل فى ذكرى لاخر يوم
والله ما انا عارفة هو البنات الى مفروض يكونوا زعلانين اكتر ولا الشباب
بس الى انا عرفاه انى زعلانة اوى
اربع سنين بقينا فيهم حاجات كتيرة اوى
ربنا وحده الى عالم انا الكلية دى كانت عندى ايه وبعدين بقت ايه ......بس اما رجعت تانى للاسف رجعت متأخر اوى كنا خلاص بنقفل فى حاجاتنا وماشيين
لو كان بايدى كنت صادقت كل شخصية محترمة فى الكلية دى وحاولت اساعد كل انسان فيها ورسمت بسمة على وجه كل حد فيهم ولو لمرة واحدة بس
اهو على الاقل يكون ليا ذكرى معاهم ولو واحدة بس
بس نقول ايه مفيش نصيب
يكفى ان وشوشهم كلهم محفورة فيا
يا رب اقدر اقول انا اسفة لكل حدزعلته بقصد او بدون قصد
يا رب اقدراقول شكرا لكل حد فى يوم من الايام ادانى احساس بالسعادة او بالاهمية اوبالمعزة
بس يكفينى انه ولو عدد بسيط جدا منهم ممكن يفتكرونى ويكفينى ان اتذكر قولتهم ليا فى يوم من الايام..... وحشتينى يا بنتى ...واكون حستها منهم بجد
هنقول ايه بقى مهما اتكلمنا لازم هيجى وقت نسكت
يا رب يوفقنا كلنا ويا رب يرضى عنا ويرضينا
شكرا ليكوا كلكوا ومش هسمى حد لان الشكر واحب ليكوا كلكوا
انتوا الى صنعتولنا ذكريات
منها النادرة ومنها الحلوة ومنها الغريب ومنها الى خدنا منه درس وعبرة
يا رب فرحنا واجمعنا على خير واجعلنا ذكرانا خير

الشكر واجب ليك يا عمر
ولوان ما جمعناش اى مواقف الا انك من الناس المحترمة الى ما تتنسيش
واعتذر انى طولت اوى فى الرد بس غصب عنى والله