معرض أسرة الجنايني مجهود يحترم

الجنايني عمل معرض يستحق التصفيق عليه بتتبناه أسرته (اللي مش فاكر أسمها أيه! ) المعرض دا فعلاً تعب فيه علشان يعمله , لدرجة أني اتصلت بيه قبل مباراة الأهلي والزمالك لقيته بيقولي أنه لسا في الكلية (الساعة 6) وأنه بيعمل معرض فأكيد الراجل دا تعب جداً . وقفت معاه وشرحلى اللوحات والتماثيل بيعبروا عن أيه , زي ما صاحبهم وهو راجل فنان ومبدع بمعنى الكلمة شرحله قبل كدا . وزي ما قالي فعلاً الشرح بيفرق جداً .
دا المعرض الصورة مش مبيناه من زحمة رواده (ناس معادية يشوفوا مصالحهم بس هنمشيها رواده! ) :-

دي أكثر لوحة أثرت فيا وعجبتني . لوحة عن حرب العراق 2003 سيدة عراقية حواليها الشهداء العراقيين . بيخنقها من فوق وحش أمريكي بيمثل بوش ومن تحت تنين إسرائيلي بيمثل شارون والست بتصرخ وعنيها متوجهة لخارج الصورة كأنها بتبص على مشهد خلها تصرخ ولو دققتوا النظر على الصورة هتلاقوا ضل لصدام حسين وهو بيتشنق فكأن دا المنظر اللي الست شايفاه وخلاها تصرخ :-

الصورة دي لأمرأة فلسطينية محاصرة بسياج كسرت السياج بأديها ومدتها على قد ما قدرت تفاصيل عروقها وهي شدة أديها كانت باينة في اللوحة , وبتسلم شال فلسطين اللي هو رمز للقضية لبرة اللوحة وكأن قضية فلسطين أمانة على كل واحد شاف اللوحة دي :-

فعلاً مجهود جميل يحترم , وتصفيق للجنايني .

وفي انتظار معرض أسرة Green Dream إن شاء الله .

اها فعلا شفتها ......... جميله جدا والله اعجبت بالمجهود ده
معرض أسرة الجنايني مجهود يحترم 928775

*Nada* كتب:: اها فعلا شفتها ......... جميله جدا والله اعجبت بالمجهود ده

شكراً على الرد يا Nada

يارب تكون مش لوح الفنان بس اللى
عجبتكو ا ولوحات الطلبه كمان
لان كان ليا فيها لوحات