بنت دمياط

the red baron كتب:

point of view كتب:

بصراحة يا بنوته انا بحس انك دماغ بمعنى انك جدعة قوى وشخصيتك قوية ومرحة

وماينفعش تقولى انك بنيتى دماغك بصيغة الماضى لاننا لسة ف مرحلة تكوين بنغلط وبنتعلم من اخطائنا

وياريت تعرفى ان الخطأ هو اللى بتتعلمى منه مش الصح لانه بيعلم معانا اكتر

للاسف بوينت كلامها صح

غريبه بقت بتقول كلام جميل اهو

طول عمرى كلامى جميل بس انتوا مش بتشوفوا منى الا هزارى معاكم لكن عمركم ما شوفتوا الجد او طريقة تفكيرى ف مواضيع مهمة

طب أنا هعرض عليكم موقف حصلي النهاردة وانتو قولو رأيكم فيه

النهاردة الصبح في المحاضرة الدكتور تتطرق لموضوع عمل المرأة في الجامعة

ولقيتو بينقض بشدة البنت اللي تفكر تشتغل في الجامعة..وبيعلنها صريحة ان البنت مكانها البيت

طبعا أنا معجبنيش الكلام ورديت كالعادة وقولت ازاي مانشتغلش احنا لازم نشتغل ونبني كياننا عشان

منبقاش رقم اتنين في حياة حد..وكفاية لما أقف في المراية وألاقي نفسي انسانة عظيمة

قالي الدكتور يبقي هتكوني فاشلة في بقية جوانب حياتك..واتفاجئت بهجوم فظيع من كل بنات الدفعة

اللي تقولي انتي بتتصنعي الكلام دة عشان تلفتي النظر..واللي تقولي انتي انسانة معقدة

وطبعا خالتي فزلكة قامت وقفت وقالت أعظم رسالة للمرأة هية بيتها وولادها

بصراحة حسيت ان عقلي اتشل واني مش قادرة ألاحق وأرد علي مين ولا مين

بس بجد ياجماعة والله ومش نفاق هية دي مبادئي اللي أنا عايشة بتنفس بيها

لكن كل الناس بتعارضني مش عارفة ليه؟؟؟؟؟؟؟؟؟طب انتو ايه رأيكم؟؟؟؟؟؟؟؟؟؟؟؟؟

point of view كتب:

hulk كتب:

ههههههههههههههه
الانسان الطبيعى فيه حوالى 6 لتر دم اجيبلك دم انا منيين
حرام عليكى

وهو انت يا راجل انسان طبيعى دا انت خارق للطبيعة (ماشاء الله يعنى اللهم لا حسد)

لا اله الا الله
وانا اقول بطنى وجعتنى ليه فجأه كده
هههههههههه
يلا عموما كله يهون علشان خاطر الحاجه اللى (بعتبرها فى مقام مامتى والله ولو عازوزيين 20 كيس مستعد
بس الغدا يبقى عليكو )

انت فاتك النهاردة نص عمرك يا بارون كنا بناقش موضوع co_educationوياريتك كنت شوفت اسلوب الحوار وطريقة سردة والمناقشة الفعاله بينا

بصى يا بنت دمياط مش عيب ان الواحد يمشي ورا هدفه واكيد هيلاقى نقد بس العيب ان النقد ده يضعفه
وكمان افتكري كويس (العالم جاليليو لما قال ان الارض هى اللى بتدور حول الشمس حصل ليه ايه اتهاجم هجوم عنيف وكان هيتقتل )(ده مجرد مثال)
اما الناس اللى هى تبع حزب اعداء النجاح (فالكلاب تعوى والقافله تسير)
بصى طالما انتى شايفه انك ماشيه صح ومبتعمليش حاجه تغضب ربنا يبقى كملى وتوكلى على الله

هاقولك راى

انا نفسي اجيب كل اللى بيقولوا حريه المراه حريه المراه واحبسهم فى غرف الغاز وابقي هتلر زمانى

اولا احنا مجتمع شرقى

ثانيا الثقافه الذكوريه مسيطره عليه

بس ده ما يمنعش ان الحل اللى انتى بتقدميه حل صعب

ممكن اه بس صعب فيه اللى يقدر يوازن بين الشغل والبيت فيه اللى مش هيعرف

انا بالنسبه لى فى الزمن ده اكيد مش هينفع البنت تقعد فى البيت واكيد هتشتغل بس برضه صدقينى ده هيسبب

مشاكل

نعم نعم ايه الحوارات دى ومن ورايا بقي اغيب يوم تعملوا فيها مثقفين

طيب استنوا عليا

أنا رايى من رايك يا بنوته لازم كل واحدة فينا يبقى ليها كيانها الخاص لكن انشاء الله ف الحياة المستقبلية ماتهملش واجباتها تجاة زوجها واولادها ولازم ماتبقاش كمان انانية ف تحقيق طموحها واهدافها ع حساب ناس تاية احق باهتمامها، وانا بتكلم مع بابا قاللى انتى عايزة تشتغلى؟قولتله طبعا؟قاللى ليه؟قولتلة عشان كيانى واستقلالى والحاجات دى (والمفاجأة الكبرى)لما قولتلة افرض ربنا موفقنيش ف حياتى وانفصلت عن زوجى(اللى لسه ف علم الغيب)هههههههههه يبقى ماحتاجش لحد ساعتها (هو بصراحة اتصدم حس ان بنته مش هتعمر بس اهو عداها وخلاص بنظرة من الاشمئزاز)

حلوه اشمئزاز دى

وهو سافر من شويه

اكيد زهقتيه فى حياته

صح كلامكم ياجماعة

بس بصراحة أنا اللي خلاني أغضب موضوع التصنع دا..وكمان ان أستاذ جامعي ويفكر بالصورة دي

بصراحة ياجماعة أنا فكرتي عن الرجالة عموما زي الزفت..أنا آسفة للفظ بس بحس ان معظمهم لسة

عايش في الزمن البائد..وبحس كمان انهم بيغيرو من أي نجاح للمرأة

فالدكتور النهاردة جه وأكدلي تفكيري دا بكلامه

the red baron كتب:

حلوه اشمئزاز دى

وهو سافر من شويه

اكيد زهقتيه فى حياته

شكل نهايتك قربت

والله يا بنت دمياط انا على مدار الدراسه من اعدادي هندسه لحد ثالثه مدنى
قابلت اكتر من 3 دكاتره بنات
واكتر من 7 معيدات بنات يعنى المعيدات عندنا اكتر من المعيديين

عندك حق عمر مافى راجل بيسمح ان ست تتفوق عليه (لانه بطبعه انانى )سورى ف اللفظ بس انا بتكلم بجد

صوابعك مش زي بعضها

بوينت بجد أنا سعيدة اني لقيت بنت بتفكر زيي يعني أنا مش معقدة ولا غلط

طب بجد بقا انتي اللي شكلك دماغ..ودماغ جامدة جدا كمان

بصو اولا انا ضد مبدأ تعميم الصفات على الرجال او النساء يعنى مينفعش اقول والله الرجاله دول كلهم كذا او البنات كلهم كذا بس نقدر نقول الشخص ده كذا زالشخصه دي كذا

احنا قولنا معظمهم وطبعا لكل قاعدة شواذ

اوك السؤال موجه للبارون وهالك (توافقوا ان زوجات المستقبل تكون بتشتغل)؟؟

ويلا نشوف الردود وبصراحة

خدى عندك

اولا كل ما باخش مصلحه حكوميه اقسم بالله ما باكدب زى ما بتشوفوا فى التليفزيون الاقى الموظفات بقهم فى ودن بعض

وهاتك يا كلام فلانه سوت امبارح وفلان حصله ايه وسايبين الشغل تيجى تتكلم مش هتعرف برضه واحده ست

لو واحد كان اخد فوق دماغه

ولا الخضار و تقشيره

شوفى زمان مصر كانت عامله ازاى قبل حريه المراه

شوفى مصر الوقت بعد حريه المراه

القران عظم مكانه المراه ودينا الاسلام كمان

فيه اللى بيفسر حريه المراه غلط بيفسرها حريه فى اللبس والهيئه والمعامله وبيهاجمها

انما حريه المراه تبقي حره فى معاملاتها التجاريه . حريه الانتقال , حريتها الشخصيه بما يتوقف عند حريه الاخرين

معاك طبعا في كلامك يابارون ..علي فكرة الحرية اللي معانا دي

حرية شكلية أنا عن نفسي بشمئز منها

صدقوني الستات دلوقتي عقلها التافه هو سي السيد 2010 بتاعها

بنت دمياط كتب:

بوينت بجد أنا سعيدة اني لقيت بنت بتفكر زيي يعني أنا مش معقدة ولا غلط

طب بجد بقا انتي اللي شكلك دماغ..ودماغ جامدة جدا كمان

ميرسى جدا بس الموضوع مش موضوع دماغى جامدة ولا لا انا بتمنى انى اشتغل وانشاء الله ربنا يوفقنى للشئ دا بس لو حسيت انى مقصرة تجاة بيتى لو حتى 1% انا من نفسى هسيب الشغل بس الاهم ان محدش يفرض عليا دا من البداية (بمعنى اجرب وانا اللى احدد)

وعلي فكرة أنا ذكرت فالموقف بتاعي النهاردة ان الهجوم كان من بنات

مع ان كان فيه شباب كتير قاعدين..بس الحقيقة شكلهم مفكرين ان صوتهم عورة..مكانوش

بيتكلموا بتاتا..كل اللي كانو بيعملوه انهم كان بيبصولي وأنا بتكلم باندهاش شديد

أنا أساسا مبتكلمش عموما قدام حد فبتهيألي أفكاري دي النهاردة كانت مفاجأة بالنسبة للدفعة كلها

وتشتغل ليه لما اعد انا فى البيت تنزل هى تشتغل
انما انا مرضلهاش البهدله والقرف بتاع الشغل
وحاجه تانيه ممكن اوافق على انها تشتغل بس بشرط انها لو قصرت فى بيتها فمن حقى انى مخليهاش تشتغل تانى

بنت دمياط كتب:

وعلي فكرة أنا ذكرت فالموقف بتاعي النهاردة ان الهجوم كان من بنات

مع ان كان فيه شباب كتير قاعدين..بس الحقيقة شكلهم مفكرين ان صوتهم عورة..مكانوش

بيتكلموا بتاتا..كل اللي كانو بيعملوه انهم كان بيبصولي وأنا بتكلم باندهاش شديد

أنا أساسا مبتكلمش عموما قدام حد فبتهيألي أفكاري دي النهاردة كانت مفاجأة بالنسبة للدفعة كلها

حياتي انتي يابوينت يارافعة معنوياتي..طب سؤال

انتو يارجالة لو اشتغلتو واهملتونا ودا العادي بتاعكم الي جانب بردة شكلكم اللي بتهملوه

من حقنا نقعدكم فالبيت بقا ولا اييييييييييييييييييييييييييييه؟؟؟؟؟؟؟؟؟؟؟؟؟؟