معقـــــــــول!!!! آخر يوم لينا ....اصحاب انا وانت ولا ؟؟؟

والله يا هوللو فعلا الفراق صعب
هتحسوا بقيمة الكلية فى نقطة انكوا بتشوفوا اصحابكم
فعلا الكلية مجمعانا كلنا
هتتخرجوا باذن الله وكل واحد فيكم هينطلق فى اتجاه عمله
بالنسبة للشباب هيشتغلوا
اللى هيسافر برة واللى هيشتغل ومش هيكون عنده وقت الا قليل اوى انك تشوفوا بعض
والبنات اللى هيتجوز
فعلا الكلية مجمعانا كلنا
بس ده حال الدنيا
كنا فى ابتدائي وخلصنا ابتدائي وبدءنا فى اعدادى وخلصنا اعدادى وهكذا وهكذا
انا مش عارف هل المنتدى ده هيكون باقي ام سينتهى
اللللللللللللللللللللله اعلم
وده يرجع لمدير المنتدى المحترم عمر
اللى هيقربنا هو التليفون لانك صعب تجمع كل زمايلك فى يوم
وانا عارف ومجرب ده
فربنا يوفقكم وتتخرجوا ونسمع عنكم كل خير
موضوع جميل وانا حسيت بنفس احساسك يا هوللو برغم اننا كنت زهقان وعاوز اتخرج بسبب الدكاترة

لو رديت كلامى هيكون كتير قوى قوى
فهسكت وانا متأكد ان كل من عرف عبد المعز
عارف لو اتكلم هيقول ايه
الحمدلله الحمدلله
ربنا يسعدكم جميعا

زى ما بيقولوا ارفع القبعه احتراما

لاحلى اخوات واجدع اصحاب

ذكريات جميله مش ممكن تتنسي

ووشوش هاديه

لو اقول مش هاوفى

كفايه نظره وتعرفوا والله باعزكم قد ايه

انتوا هتخلونى اعيط بجد لاننا اولا اتخرجت ومبشفش زمايلي ويمكن اللى بيصبرنى انهم بيكلمونى وانا باكلمهم
واننا معدش بشوفكم
فلما باذن الله تتخرجوا معدش اشوف حد منكم الا قليل اوى
الحياة زى العجلة تدور دوائرها ويبقي الذكرى الجيدة محفورة فى ذاكرة

يا جماعه انا مش عارف اقول ايه والله

على الرغم ان انا فرحان انى هخلص وانتقل لمستوى جديد لان ده طبع الحياه على قد منا زعلان انى هبعد عن ناس فعلا سابت فى قلبنا كلنا علامه ومش هتتنسى بمرور الزمن . بس بجد بالنسبه للبنات من زمايلنا انتم من اجدع واحسن الناس اللى قابلتها فى حياتى و زى ما منير بيقول

بننجرح كل يوم لكن........ لكن بيفرحنا ان انتا جو القلب ساكن........ ساكن فى افراحنا .

بالنسبه لاصحابى من الرجاله اللى انشاء الله نفضل مع بعض طول العمر لانهم فعلا اجدع صحاب

اجدع صحاب صحابى من صغرى
دول اغلى ناس هما الاساس واقولكم ايه؟؟؟؟؟؟؟؟

ويا رب كل حد له حلم يتتحقق و يوصل للهو او اللى هى عايزاه.

الله يخليك يا حبيب قلبي

ايه الحب ده كله

مين يشهد للعروسة غير العريس

طبعا ولا حد عبرنى حتى بكبايه ميه ههههههههههههههههههههههه

طبعا والله الواحد مش عارف يقول ايه لاول مره فى حياتى احس انى مش عارف اقول ايه خالص مع ان انا اساسا غلباوى ولسانى طويل بس والله مش قادر اعبر عن اللى جوايا بجد كانت معرفه واخويه مش هتتعوض ولا بعد ميت سنه ويارب يوفقكم جميعا ويجمعنا على كل خير ان شاء الله


وطبعا اخواتى البنين والبنات الاحياء منهم والاموات اكيد مش هيتنسوا مهما افترقنا اكيد هنتجمع تانى على خير على فرح على غدا ولا بلاش غدا لالالالالالالالالالالالالالا ده حتى يوم راس البر قلبت على ارواح لا والعجيبه من غير عجوه (من بتاعت المقابر)

المهم لا يمكن نسيان كل الاخوات من بنين وبنات وصدقونى بجد بكن لكم (حتى لغوه عربيه فسحا)كل الاحترام والحب والتقدير

ماشيى يا كينجو

وانت عارف باذن الله

كلنا مع بعض

وهتزهق مننا

اكيد يابنى

والله يا هوللو انا مش عارفة اقولك ايه بجد كان يوم صعب عليا ان انا مش هشوفكو غير قليل بعد كده انا كنت بتمني ساعتها ان انا اكون سنة رابعة والله وبجد العياط اللي عيطته ده كان بجد وقليل عليكم لان هفتقد ناس غالية عليا اوي صحيح عرفتها سنتين بس والله اثروا فيا جامد وحبتهم واندمجت شوية معاهم هتوحشني ياشيمو انتي وهوللو وكوين وبوينت وفلة وتمورو بجد احلي ناس عرفتها وكل سنة رابعة اللي عرفتهم من خلال المنتدي ربنا يوفقكوا ويحقق كل احلامكم يارب وتكونو احسن واحسن واشوفكم علي خــــــــــــــــــــــــــــــــــــــــــــــــــــــــــــــــــــــــــــيـــــــــــــــــــــــــــــــــــــــــــــــــــــر

بجد كان يوم جميل وأحلى ما فيه تجمعنا اللي كان من غير ميعاد
اذا كانت الأيام الجميلة دي انتهت او أوشكت فالذكريات عمرها ما بتنتهي
ان شاء الله المنتدى يكون هو ملتقانا بعد التخرج
اتمنى التوفيق والنجاح للكل