دبحوا الشيوخ
خنقوا العيال
قتلوا الشباب
قتلوا الامال
واحنا نايمين فى العسل
شعب مسلم بيبدوه
ومن ع الخريطه هيمسحوه
رسموا الجماجم ع الحيطان
حرقوا المصانع و الغيطان
واحنا نايمين فى العسل
الصبايا العذارى بيغتصبوهم
حتى العجايز ما يعتقوهم
ولد زي ابنى وابنك
وشاب في عمر سنى وسنك
الكل مستنى الاجل
واحنا نايمين فى العسل
مندوب الصور المتحده
اديه حيران
يخبط بكفه ويقولك دا اخر جنان
لكن احنا امه محمد
خلاص احساسنا اتجمد
ما احنا نايمين فى العسل
انشغلنا بالكوره
وحكايه الاحتراف
حتى فى الترفيه
منتهى الاسراف
انا مش بتكلم عن هنا وبس
انا قصدي اي مسلم ممكن يحس
ويصحى شويه من العسل
يا امه الاسلام
صحصحى بأه
وكفايه خبط ع المنصات ودأدأه
دا شعب مسلم بيبدوه
ومن ع الخريطه حيمسحوه
يا ناس كفايه كده
اصحوا شويه من العسل
يا امه نايمه فى العسل
السبت 5 يونيو 2010 - 23:09
