زارت الكلية بعد 40 سنة ..بكاء على الأطلال !

40 سنة مروا مرور الكرام على أخر مرة خرجت فيها من بوابة الكلية . وشها ما اتغيرش كثير بالرغم من إن الزمن حفر ملامحه على وشها , النهاردة ابنها كان واخدها يفرجها على شقته الجديدة على امتداد شارع الكورنيش , بعد ما وصلوا الكورنيش لنهاية طريق العزبة.. وابنها عرف يلحق شقة في المنطقة دي . بقالها كثير ما بصتش على شارع الكلية بالحنين دا ..اتخيلت وهي قاعدة جنب ابنها وبتبص من زجاج العربية بالشارع دا ..شارع الكلية . ياااه بعد ما اتخرجت انشغلت أول خمس سنين بالعريس الجديد فالخطوبة فالزواج كانت بتمر على الشارع دا بشكل عادي و ومرت خمس سنين في خمسة تانيين وخدتها الدنيا من مشاكل الولادة لمشاكل في الشغل لابنها اللي سنه بقى 30 ومش عايز يتجوز زي باقي أخواته ..معلش أصله أخر العنقود ودلعته كثير لكن النهاردة الحمد لله لقى بنت الحلال وواخدني نشوف الشقة ...كل الدوامة دي كانت بتخليها تعدي من جنب الشارع دا بلا مبالاة أحياناً , وأحياناً أخرى تقول للي جنبها كليتنا كانت هنا وميعديش ثواني وتتاخد في موضوع تاني ينسيها الحنين والشوق للأيام دي . لكن النهاردة في حاجة مختلفة الشارع كأنه بينده عليا وبيقول أنزلي .."وقف العربية" "ليه" "بقولك وقفها وروح أنت أنا هركب وأحصلك مش عايزة كلام كثير" "نادراً ما كانت بتكلم ابنها باللهجة الأمرة الحازمة دي . "طيب أفهم طيب فيه أيه؟" "هنزل أقعد هنا شوية نصف ساعة وتعالى خدني" " فيه أيه حلو هنا تعالي أخدك لو عايزة تقعدي نروح مكان..." "بقولك أمشي أنت وسيبني بدل ما أنزل من العربية وهي ماشية" مقدرش يفهم سر لهجتها الغاضبة دي لكن كل اللي عمله أنه نفذ رغبتها .."خلاص أنا رايح أجيب مراية تانية للعربية بدل اللي اتكسرت دي نص ساعة وابقى عندك"..

الكلية دلوقت اتنقلت دمياط الجديدة بقى مقرها الرئيسي لكن الشارع زي ما هو , مشيت عل طريق الكورنيش وقعدت قدام الشارع بالظبط كانت الساعة لسا 7 ونصف الصبح الشارع والكورنيش كانوا عاملين زي مدينة الأشباح , أبنها خدها في المعاد دا لأنه بيفضل مشغول طول اليوم ومعاد شغله بدري ودا الوقت الوحيد اللي فضا فيه يوريلها الشقة . قاومت على قد ما تقدر دمعة حانية قبل ما تنزل وهي بتتفرج في كل ركن حوليها الذكريات اللي قضتها في الكلية دي , لكن مقدرتش ..وما لبثت أن تحولت الدمعة لبسمه ..هنا كنا بنقعد ناكل فول وطعمية أنا وصحباتي , كنا بنتكسف ندخل بيهم جوا الكلية , وهنا طلعت رحلة عمري ما هنساها وكان معانا دكتور رزق نسيم بجلبابه الشهير , وقدام شوية مركب أبو العزم قضينا مع دكتور أشرف يوم لا ينسى في رأس البر , كأن المكان اترفع في السما وشايفاه , وكأن اليوم كله بكل تفاصيله جرى زي شريط سينيمائي في وشي ..نفس الهوا المندى بتاع الصبح بيضرب في وشي .. مكتبة مبارك لسا زي ما هي ونادي الشبان المسلمين حاولوا يغيروا شوية في شكلها لكن معرفوش واقفين زي الحراس على الشارع دا مديينه شكله المميز , مهنساش أبداً أخر يوم امتحان وصاحبتي المجنونة ماسكة الورق بتاع محرم بتنتقم منه , ومنساش لما استينا كلنا اليوم دا وكأنها حفلة وداع ..ومشيت أنا وصديقتي أخر ناس وكأني كنت حاسة باليوم دا . افتكرت وهي قاعدة الواد اللي كان بيجي هو و واحد صاحبه ويقعدوا يتفرجوا عليهم من بعيد , وأول مرة حاول يكلمها فيها وهي كبسته يا عيني الواد وشه بقى كوكتيل ألوان . دلوقتي اتجوز وجاب بنتين وولد باين .. يااااااه أيام.. كنا بنروح نشترى حاجات حلوة ناكلها ونمشى بالكيس منفوخ بالأكل وساعات كنا بنحطه في شنطة واحدة صاحبتنا قال أيه علشان المنظر العام . كل المشاكل للي كنت مفكراها مشاكل طلعت ذكريات حلوة , كل التريقة اللي كنا بنتريقها وكل الضحك اللي كنا بنضحكه طلع برضه ذكريات حلوة بس بتقتلني معدش باين من الكلية لما قامت تمشي في شارعها غير سور وأشجار مميزة طويلة باينة من الجنينة اللي ورا في الكلية واللي كان بيسميها بعض الناس الشعرا ..معدش باقي من الكلية دي حاجة غير البكاء على الأطلال ..صباتي وزميلاتي اللي طلعت بيهم حاولت قبل كدا اتواصل معاهم اكثر لكن للأسف الدنيا خدتنا ..مبقناش نسلم على بعض غير روتين . جايز من جوانا خايفين المشاعر تاخدنا ونفتكر الأيام دي . أو جايز فعلاً الدنيا بتنسينا ...حتى المنتدى اللي كان فيه واحد من الكلية عامله شكله لسا زي ما هو , ما اتغيرش فيه أي حاجة وكأن صاحبه سايبه كذكرى حلوة لينا بشكله المميز من أول ما عمله , كنت داخلة عليه من سنتين تقريباً لقيت الأسماء اللي قامت بزيارته في أخر 24 ساعة ملهاش أي علاقة بالأسماء اللي أعرفها ..وقسم كليتنا مرت عليه أجيال وأجيال واتغيرت المواضيع اللي فيه تماماً ...أيميلات صحباتي وحسابتهم لسا معايا على الفيس , لكن منهم اللي معدتش بتدخل على النت أصلاً ..زيي ..بحكم السن ومشاغل الحياة ..ومنهم اللي توفاها الله , وكان خبر وفاتها كرباج علينا كلنا ..ومنهم اللي سافرت ومنهم ومنهم ... الكلية بتجيلي في الحلم من ساعة ما سبتها خصوصاً الفترة دي , وبشوف ناسها كأنهم لسا شباب زي أخر مرة شفتهم فيها الذكريات هتقتلني ....أعمل أيه؟
"ماما...ماما..دا انت كنت سرحانة على الآخر" تبص عليه وكأنها بتشوفه لأول مرة ..تبتسم في صمت وتركب معه في استسلام والسؤال يتردد عليها ...أعمل أيه ؟!

انت شكلك متاثر بانتهاء الكلية وانك مش هتشوف زمايلك اللى كنت بتشوفهم الا قليل اوى
عاوز اقولك ان ده حاجة تزعل بس لا نمتلك الا ان احنا نسئل على البعض عن طريق زيارة كل فترة وعن طريق التليفون
فقصة كويسة
شكرا ليك

حرام عليك يا عمر بجد كل الكلام اللى انت قولته واكتر كمان بيدور جوايا ومش مخلينى قادرة حتى افكر ان خلال اسبوع مش هنشوف ناس كتير كنا نعرفهم ودوامة الحياة هتاخد ناس كتير من بعضها بجد موقف صعب انا لحد دلوقتى مش قادرة اتحمله

ايه يا عمر انت هتخلينى اعيط تانى بجد انا متضايقه اوى ان الكليه هتخلص ومعتش هشوف حد. بجد اتعرفت على ناس فى الكليه عمرى فى حياتى ماهلاقى زيهم فى الدنيا كلها. طبعا واكيد هما عارفين هما غالين عندى اد ايه وبعزهم جدا سواء كانوا بنات او شباب واجمد تحيه ليكم من اختكم كوين يا رب بس تفتكرونى زى ما عمرى ما هنساكم لحد يوم وفاتى

زارت الكلية - زارت الكلية بعد 40 سنة ..بكاء على الأطلال ! 232641

زارت الكلية - زارت الكلية بعد 40 سنة ..بكاء على الأطلال ! 376922

زارت الكلية - زارت الكلية بعد 40 سنة ..بكاء على الأطلال ! 500270

queen elizabeth كتب:: ايه يا عمر انت هتخلينى اعيط تانى بجد انا متضايقه اوى ان الكليه هتخلص ومعتش هشوف حد. بجد اتعرفت على ناس فى الكليه عمرى فى حياتى ماهلاقى زيهم فى الدنيا كلها. طبعا واكيد هما عارفين هما غالين عندى اد ايه وبعزهم جدا سواء كانوا بنات او شباب واجمد تحيه ليكم من اختكم كوين يا رب بس تفتكرونى زى ما عمرى ما هنساكم لحد يوم وفاتى

عندك حق
اتعرفت على اصدقاء كويسين جدا بنات وشباب
ربنا يصلح حالنا جميعا يارب
وانتى اخت محترمة يا كوين بجد
ربنا يكرمك

كده يا عمر تخلي الاعضاء يعيطوا من موضوعك ده
يهون عليك دموع الاعضاء دى
يهون عليك زارت الكلية - زارت الكلية بعد 40 سنة ..بكاء على الأطلال ! 721390

هى دى سنه الحياه ,ويارب نفتكر بعض بكل خير ,

زارت الكلية - زارت الكلية بعد 40 سنة ..بكاء على الأطلال ! 464586

موضوع جميل جدا ومؤئر يا عمر
كلامك البسيط واقعى مليون المية
ويا رب تكون كل ذكرياتنا و كل ذكراناعند الناس بالخير

الكلية دى زى الوالدة مقدرش اسيبها ابدا
شكلى كدة مشرفها شوية
ههههههههههههههههههه

لا أملك الا انى اتنهد واقول

خاطرة جميلة طالعة باحساس عالى والصور كمان واصلة اوى

انت بتعرف تكتب حاجات فيها شجن اهو

بصراحة فوجئت بأسلوبك المعبر النافذ ده

ودعتنا .. وده دليل ان قلوبنا اتهزت

وفى النهاية

لا يسعنى الا ان اقتبس جزء من اغنية خالدة لسميرة سعيد واللى بتقول فيها

حبيبى بنودع ربيع ونفارق ربيع

ونصبح ذكريات .. مجرد ذكريات ..

مجرد غنوة حلوة .. من ضمن الاغنيات

... انا اكتر واحد هيزعل انه فارق الكلية

تسلم الايادي يا عمر بجد الواحد اتاثر جامد بكلامك والصور كمان فعلا الصحبه عمرها ما تتعوض ابدا

واحنا هنمر بنفس تجربة الفراق دي يلا ربنا معانا ونخلص علي خير ونتلاقي علي خير يااااارب

فعلا هي دي سنة الحياة زارت الكلية - زارت الكلية بعد 40 سنة ..بكاء على الأطلال ! 484978

زارت الكلية - زارت الكلية بعد 40 سنة ..بكاء على الأطلال ! 484978

دموعنا هي ردودك على الكلام العالي الاحساس ده
انت احساسك وصل يا عمر ل 40 سنة قدام
فعلاً الكلية تركت أثر فينا كبير جداً

جميلة اوى خاطرتك يا عمر
بس هى دى سنة الحياة ودايما احلى ايام بتعدى بسرعة
واعز الناس لازم نفارقهم

أبو خالد كتب:: دموعنا هي ردودك على الكلام العالي الاحساس ده
انت احساسك وصل يا عمر ل 40 سنة قدام
فعلاً الكلية تركت أثر فينا كبير جداً

مش لاقيه كلام
دا ابلغ رد

بجد فعلا كلام جميل جدا جدا يا عمر وفعلا حقيقي وواقعي وكل كلمه بتعبر علي احساس كل واحد فينا
دا احنا الي لسه في الكليه زعلانين انكوا ماشيين
بجد هنفتقدكم جدا الكليه بجد هتبقي وحشه جدا
بس هنعمل ايه انتوا اتخرجتوا واحنا هيجلنا يوم وهنتخرج وهنسيب الكليه
والي بعدنا هكذا لازم كده عشان تمشي الحياه
وفعلا مايفضلش غير الذكريات الجميله
شكرا ليك يا عمر وعلي الكلام الجميل

رغم انى لسه فى الكليه ورغم انى لسه شويه لما اتخرج
لكن فعلا كلامك فعلا حقيقى والكليه احنا قضينا فيها وقت جميل وذكريات اجمل
كنا فى الاول مش حابين الكليه ومش بالمكان نقدر نحبه او نرتاح ليه بالذكرى الجميله
والصداقه والمواقف الى فيها تخلينا نحبها ونتعلق بيها

موضوع جميل جدا جدا
زارت الكلية - زارت الكلية بعد 40 سنة ..بكاء على الأطلال ! 484978

زارت الكلية - زارت الكلية بعد 40 سنة ..بكاء على الأطلال ! 166815

ماذا تعنى الذكريات؟؟

الذكريات صوت الأمس وصدى اليوم..

الذكريات موطن الألم لايسكنه سوى الأطياف والأشجان والدموع..

عندما نشد الرحال الى ذلك الوطن تتلهب عواطفنا وتتأجج مشاعرنا فنبتسم ثم نبكي تمتزج الدمعة بالبسمة قد تكون دمعة ألم وقد تكون دمعة شوق وقد تكون دمعة حنين

مع الذكريات وفي الذكريات

نضعف

نحزن

نضطرب

نغترب

نهاجر

نبحث عن شي ما.. نصرخ نهتف نتألم نلامس الأطلال نقلب الصورنقابل الأطياف..

وكل شخص منا بداخله كتاب من الذكريات..أوقات جميلة..لحظات حزينة..

ولكن موقفنا تجاه هذه الذكريات يختلف فالبعض منا ..يتهرب منها ..لايحب أن يقلب صفحاتها فهي تؤلمه..تجده يتخلص منها بأي طريقة..

فمثلاً

لايحب أن يحتفظ بشيء يذكره بأمر ما سوى كانت هذه الذكرى سعيدة أم حزينة..

كذلك قد يرحل من مكان ما لأنه إن مكث فيه فسوف تفيق هذه الذكريات وتبقي متواجدة معه دوماً..

والبعض منا يعيش على هذه الذكريات ينثرها بين الفئة والأخرى ..ويسنشق عبيرها ويستمد قوته منها
هي تؤلمه.. ولكن مع ذلك تجده يستمتع بذلك الألم فهو لايستطيع البقاء بدونها فهذه الذكريات هي كل ماتبقى له..
أن الذكريات رغم مرارتها تعلمنا الكثير
أو تذكرنا بالكثيرين ممن كانوا بحياتنا
بفرحها وحزنها هي جزء من حياتنا السابقة والحالية والحاضرة
لكن ان كانت سيئة فنتعلم منها حتى لا نعاودها..

فعلا هذه هى الذكريات ..

عجبنى تجسيدك للذكريات اووى وحالة الشجن والاسلوب المسترسل والمترجم عن معنى وشعور قوى
خاطرة جمالها فى انها لمست القلوب
بجد تسلم ايدك ياعمر

جميلة اوى زيك يا عمر

للرفع والتذكـــير ... ونديها هيلا هوبايه حلوه ومعتبره كده

ربنا يديم الخير اللي ف اهل الخير لبعضهم يااااااااااااااااااااااااارب ولا يفرق اهل الخير عن بعض مهما يمر بينا الزمن ياااااااااااااااااااارب

رائعه ...... وصفت كل ذكرياتي بالميللي

احساس مش عارفه اعبر عنه ... بجد الف شابوووووه

انا ازاي اول مره اشوف الموضوع ده زارت الكلية - زارت الكلية بعد 40 سنة ..بكاء على الأطلال ! 205251

بجد يا عمر وصفك جااااااااااامد جداااااااااااً و إحساسك وصف إحساس كل واحد فينا بالظبط و يمكن زياده كمان

ربنا يجمعنا دايماً ع خير يارب زارت الكلية - زارت الكلية بعد 40 سنة ..بكاء على الأطلال ! 632484

زارت الكلية - زارت الكلية بعد 40 سنة ..بكاء على الأطلال ! 632484

» بكاء الروح
» زهقان من الكلية ؟؟ طب خلى الكلية هى اللى تزهق منك !!
» بكاء القلب كيف يكون؟؟
» بكاء على الاطلال..؟؟
» بكاء السطور