اغرب عادات الزواج اكيد لو قرأتوها هتحمدوا ربنا انكوا فى مصر اسيبكوا معاها تعرفوها...

صبااااااااااااااااااح الخير على كل اسره شباب بجد

السلام عليكم ورحمة الله وبركاته

قرأت عن أغرب عادات الزواج وحبيت انقلها ليكوا تقرأوها معايااا


الزواج هو الهدف الاسمى فى العلاقات الانسانيه ومهما اختلفت الاعراف والتقاليد فى كل زمان ومكان ...
بس فى النهايه تلاقى اعترافهم بقيمه الزواج موجود ,, ولا يمكن ان ينكره احد مهما اختلفت الاجناس
وكان ليها طباع كلها غرابه وتخرج عن المألوف ... وعلشان تشوف قرب واقرأ السطور اللى جايه


وما تستغربوووووووووووووووووووووووش ...

1/ قبيله جوبيس الافريقية ..
تجبر العروس على ثقب لسانها ليله الزواج حتى لا تكون ثرثارة ويمل منها زوجها بعد ثقب اللسان يتم وضع خاتم الخطبة فيه ويتدلى منه خيط طويل يمسك الزوج بطرفه فإذا ما ثرثرت وأزعجت زوجها تكفيه شده واحده من الخيط ليضع حداااا لثرثرتها ...

2/ قبيله ماسكز الافريقيه ..
هى من آكلى لحوم البشر يشترط على العريس أن يأتى بأربع أذان بشريه وذلك لتناولها كوجبه شهيه ليله الخطوبه فيكون بهذا قد ظفر بعروسه

3/ مونكس ـ السويد ..
يضع اهل العروس شرطا على مقدم الزواج مفاده بأن يحمل الخطيب خطيبته على ظهره ويتسلق تلا مرتفعا تحيط به الصخور والارض الصلبه المتعرجه فإذا فشل فإنهم يطردونه ولايسمح له بالمحاوله مجددا ...

4/ مارتنيوسا ـ اسبانيا ..
يشترط على العريس ان يبقى على ظهر ثور هائج لمده تتراوح ما بين دقيقه وثلاث دقائق فإذا فشل ووقع من على ظهر الثور فإن اهل الفتاه يوبخونه بشده ويطردونه إلى غير رجعه ...

5/ التبت ..
يقوم اهل العروس بوضعها على شجرة ويجلسون جميعا تحت الشجرة مسلحين بالعصى ويأتون بالخطيب مسلحا بعصا غليظه ومهمته التغلب عليهم وابعادهم عن الشجرة ليتسنى له انزال العروس فيكون بذلك قد ظفر بها ......

6/ غينيا الجديده ..
يأتون بتمساح ضخم ويضعونه فى النهر ويتوجب على العريس ان يقطع النهر ويتفادى التمساح او يتشابك فى معركه غير متكافئه كى يصل الى الضفه المقابله ويأخذها كزوجه ولهذا السبب نرى ازدياد فى عدد الفتيات العازبات وقله فى عدد المتزوجات فى غينيا ....

7/ بورما ..
يتوجب على العريس ان ياتى بمهر يقدر بمائه افعى خلال فترة لا تتجاوز الشهر من طلبه يد عروسه فإذا فشل المسكين فى هذا المسعى فإنه لن يسمح له بتكرار المحاوله ابدا إلا بعد مرور عام كامل

وتقولولى الشباب فى مصر مش عارفين يتجوزوا ........ احمدوا ربــــــــــــــــــــــــــــنا


يا رب الموضوع يعجبكوا وفى انتظار ردودكوا اسره شباب بجد

منقووووووووووووووووووووووول

هههههههههههههه
الازواج غلابة يا هدير
تسلم ايدك على الموضوع

ايه الناس دى ؟!!؟سورى دى عادات هبله
تسلمى يا ديرو ع الموضوع الرائع

ميرسى ليك لؤى ليه البكاء بقى كدا ميرسى يا كبير على مرورك الكريم ومش كلهم غلابه ع فكرا شرفت الموضوع

القبيله المصريه

لازم يبقي معاك ع الاقل 100 الف جنيه وانت لسه شاب متخرج عشان تعرف تتجوز (شبكه _ شقه _ وفرش الشقه _ وحفلات ) وعشان نزود الصعوبه عندك 3 سنين جيش (عشان اداب انجليزي) وهتخرج مش هتلاقي فلوس ولا شقق اساس

بتهيقلي لو نزلت بحيره فيها تمساح او اجيب 100 تعبان او اشيلها واطلع تل او غيره وغيره احسن مش كده برضه ؟؟؟!!!

الف شكر يا هدير ع الموضوع ولاسف محدش حاسس بالشباب المصري

ميرسى ليكى جورى على مرورك هى فعلا عادات هبله بس ربنا ييسرها على كل شباب العالم

عندك حق يا احمد انتوا ظلمين الشباب

قضا اخف من قضا

شكرا ليكي ع الموضوع

ميرسى ليك يا احمد على مرورك ويا رب نفرح بكل الشباب المصرى والكل يعيش سعيد

فعلا نعمه عن غيرها كتير يا noha والله وميرسى لمرورك يا قمر

الى يعيش ياما يشوف والى يمشى يشوف اكتر
الدنيا ياما فيها
شكرا ليكى يا هدير

ميرسى ليك يا بروف احنا ظالمين الشباب برده ؟؟؟

/ قبيله جوبيس الافريقية ..
تجبر العروس على ثقب لسانها ليله الزواج حتى لا تكون ثرثارة ويمل منها زوجها بعد ثقب اللسان يتم وضع خاتم الخطبة فيه ويتدلى منه خيط طويل يمسك الزوج بطرفه فإذا ما ثرثرت وأزعجت زوجها تكفيه شده واحده من الخيط ليضع حداااا لثرثرتها ...

حلوه دى اوى انا هروح اتجوز من هناك
هههههههههههههههههههه

ميرسى ليكى noor على رأيك فعلا والحمد لله على كل شىء نورتى الموضوع

ميرسى لمرورك يا جيرسى وتسلمى يا رب الانسان طول حياته بيتعلم كل جديد وبيشوف اكتر واكتر من خلال اختلاطه بمن حوله
شرفتى الموضوع يا قمر

ميرسى ليك thesniper على المرور وشوف لو حد من الشباب ناوى ييجى معاك هههههههههههههههه

انا مع ياسمين فى رايها ده بس هنعمل ايه المفروض شىء والحقيقة شىء تانى ههههههه
حلو الموضوع اوى يا هدير

ميرسى ليكى ياسمين نورتى يا قمر ويا ريت الشباب كلهم يتجوزوا حتى يفرحونا والله

الحمد لله على نعمة العقل

نورت يا عمر والحمد لله على كل شىء