النهارده بقي هحكلكم علي واحد صحبي راح يخطب وحده
وكان خايف ان ابوها يرفضه..هههههههههههههه
يلا نشوف الحوار
المعلم راح لاهل البنت وطلب ايد بنتهم
المهم قالوا اهل البنت نشاور البنت الاول بعدين نديلك خبر
مرت الايام ودقوا عليه وقالوا تعال
ابوها قالة هى عاوزة تقعد معاك الاول
فرح الشاب وقالوة فين
ابوها قالوة زى متحب المهم اتفقوا على الحديقة
وكان معاهم اخوها راحو الحديقة اتكلمو وانبسطو
رجعت البنت البيت ابوها سألها اية عجبك؟ ولا اية النظام؟
البت قالت هو عجبنى بس فية حاجة مش عجبانى فية
ابوها: اية دى
البنت: طول ماهو قاعد معايا فى الحديقة قاعد يأكل لبان طول الوقت
ابوها :خلاص خلاص انا هكلمة
جاء الشاب الى ابوها فقالة ابوها هى فى حاجة وحدة مش عجباها فيك
الشاب :اية هى
ابوها :انك بتأكل لبان 24 ساعة فى اليوم
الشاب رد بصراحة: ( انا مكلتش لبان الا لما دخنت ) ياعينى على الصراحة
ابوها :انت بتدخن؟
الشاب :ماهو انا معرفش ادخن الا لما اكون شارب
ابوها :انت بتشرب ؟
الشاب :ماهو انا معرفش اشرب الا لما اكون محشش
ابوها :وبتحشش؟
الشاب: ماهو انا محشششتش الا لما اتعرفت على
(حمادة طريها )
ابوها: حمادة طريها دى شوفتة فين؟
الشاب: شوفتة فى السجن
ابوها: ودخلت السجن لية؟
الشاب: قتلت واحد
ابوها :قتلت مين؟
الشاب :ابدا اصلي خطبت بنتة وقلى ان انا معجبتهوش
ابوها رجع للبنت وقلها ( فكرى تانى انا شايف ان اكل اللبان مفهوش حاجة)
وانا من رائى تفكرى تانى علشان ميزعلش
الثلاثاء 6 يوليو 2010 - 22:00