كل حاجة الايام دى مبأش ليها طعم
لا أكل ليه طعم
ولا تعليم ليه طعم
ولا شغل ليه طعم
ولا بنات ليهم طعم
وتحديدا موضوع البنات الممسوخة ده هو اللى يغيظ
لما تيجى تدور على بنات تحمل معاني الانوثة متلقاش
كأنك مثلا بتطلب المستحيل أو طالب واحدة من كوكب تاني
انا مش بتكلم عن واحدة حلوة شكلا
لالا فيه منهم كتير
بتكلم عن واحدة تحس انها انثى
واحدة مش بتلبس بنطلون جينز زيها زيك
واحدة مش بتشرب وبشد شيشه زيها زيك
واحدة لما تمشى متحسش انها عم عطية عمدة كفر البطيخ
واحدة بمعنى اصح ((بسكـــــــــــــوتة ))
البنت الرقيقة ،البنت اللى ليها روح شفافة ، البنت اللى تسحرك بكلامها وتسحرك بسكوتها ، البنت اللى عينيها تدوخك ،بنت بسكوتة بصحيح ،دى متلقيهاش الايام دي
وده سؤال محيرني ليه البنت فقدت الانوثة بتاعتها الأيام دي !!
سؤال محير فعلا ..!
والسؤال ده كان موضوع مناقشة بينى وبين مجموعة من الجهابذة أصحابي من خريجى كليات الطب والهندسة والتجاره حيث كالعادة نلتقى كل يوم خميس فى المقهى الثقافي بتاعنا ((قهوة جملات)) .. ومع دخان الشيشة والتفاحة والدماغ العالية لم نصل إلى جواب شافي ..
فقررت أن انقل السؤال مباشرة إلى من يعيطنى الجواب الشافي
إلى الحريم نفسهم
وفى قعدة حلوة ومع موزة حلوة شكلا ..بنت بلد موضوعا وفى كافية سيد سيـــكا فى محطة الرمل حسيت انى عاوز اسألها السؤال الملح ده ، وقولتلها على طول ، نفسى اسالك سؤال يا روحي ..قالتلى قول ياض(ماعلينا) ، فسألتها علطول (إنتى ليه مش بسكوتة ) ..وطبعا مافهمتش يعنى ايه بسكوتة .. وطبعا اعدت اشرح وجهة نظرى وسؤالى المحير اللى إستعصى على أرشيمدش نفسه
وأجابت البنية
إجابة شافية
أفضل الاحتفاظ بها لنفسي (( معلش يا رجاله دى خبرات بأه بنتعب عقبال ما نحصل عليها))
ومع اجابتها النوذجية اللى تستحق عليها تقدير إمتياز
حسيت انى عاوز
أعمل حاجة
((الشيشة يا جااااااااااااااااااااااااااااااااااااااااااااااااا اااااااااااااااااااابر))
الله يحرقك انت والشيشه والموزه ويوم التلات
منقول من شاب فى منتدى تانى للامانه
السبت 10 يوليو 2010 - 16:21
