ما رأيك فى _الجنينة_الموجودة بكلية الاداب بدمياط

الصراحه يجماعه هو قلت وجدها احسن انا فى رائى متقولوش عليها جنينه خلاص متستحقيش اللقب ده

طب ايه رأيكم لو نغيرها احنا .
مستني مقترحاتكم وان شاء الله هعمل علي تحقيقها بكل ما أقدر

والله يا ميدو شئ كويس خالينا نشوف بقه التغير ده من بقى الاعضاء

ممكن يجماعه تخدو جزء منها او كلها وتعمله جامع فى الكليه زى اداب المنصوره فيها جامع

وغيرهم من الكليات

ممكن اعرف مين اللى مخلى الجنينه دى شكلها وحش ! مش احنا.
احنا اللى بنرمى الورق والكتب و(الزبالة ) اللى موجودة ورا دى صح!
احنا برضه اللى سمحنا للناس تعمل فيها الحاجات الكتير اللى المفروض انها غلط
وعلى فكرة اللى كاتب الموضوع واحد منهم ومن ضمنهم برضه الغالبيه العظمى من اعضاء المنتدى
ثانيا ان الجوالة والناس كلها عارفه بدات حملة احب اقول عليها تطهير بالنسبه للجنينه اللى موجودة ورا دى وكان بدايتها بملعب الطايره اللى الناس كلها الوقت بتلعب فيه
حاجة تانيه مهمه كمان ان الطلبة كانت بتتريق على مستر ايييييييييييزت وزمايله وهما بيعملوا الملعب ده ومحمد الهجام كان واحد من الناس اللى بتتريق عليهم وهما بيعملوا الملعب وميقدرش ينكر ده لان كان قدامى
ازاى بقى ممكن مستر ايييييييييييييزت يعمل حاجة تانيه بعد التريقة اللى حصلتله وهو بيعمل علشان خاطرنا بنات قبل الصبيان
المفروض احنا نحترمه علشان النقطة دى لكن احنا للاسف يا هجام بنعامل الناس وحش ومستنيين يعاملونا كويس
من رايي المتواضع ان احنا اللى لازم نبدأ نعمل حاجات تخلى منظر الجنينة اللى ورا كويس بعيدا عن المنظرة والكلام الفارغ اللى لايقدم ولا يأخر حاجة
وبدل يا محمد ما تقول مارايك ومش عارفه ليه انا برضه حاسه انك عاوز ترمى بالجمله دى هجوم على الاتحاد
قول ازاى نغير شكلها واللى المفروض كنت تغيره السنة اللى فاتت بدل ما تقعد تتمنظر قدامنا بالباروكه اللى فى صدرك وانك رئيس الاتحاد وبس ....

الموضوع فعلا مهم انا من رايى ان كل الشجر الى فيها او الى هو مشروع شجر بمعنى اصح يتشال خالص الا لو حاجة فعلا مثمرة فحرام شيلها وبعدين الارض كلها تتساوى بشكل متناسق زى حوش المدارس مثلا وبعدين تتبلط باى نوع من انواع البلاط الكبير بابسط التكاليف لو ينفع يعنى وبعدين الباقى ييجى تباعا سواء كان كافيتيريا او مقاعد ثابتة مثلا متوزعة فيها بشكل منظم او حتى يسيبواها فاضية ويبقوا كتر خيرهم لو عملوا اى حاجة من دى وربنا معانا

الكلية كلها مفيهاش إلا الجنينة اللي ورا دي بمارس فيها نشاطي

بجد الجنينة منظر مش كويس موجود فلكليه
اصلا شكلها يخوف لازم نعمل حاجه بجد
ده لو كل وا حد دفع جنيه واحد هنوصل بجد
احنا شباب من واجبنا نعمل حاجه00000000

اصلا هي دي جنينه دي اصلا مكان مالوش لزمه دول كانوا يشالوها و يوسعو بيها المكان احسن و يبقي فيها كراسي عشان الناس تقعد فيها بدل مبنقعد علي الارض و حتي كانت تبقي واسعه زي باقي الكليات مش اللي احنا فيهازي الكجي دي اصلا مكان مش لذيذ كل العيال اللي كده قعدين تحت الشجر هناك اه الهبل ده و دي اصلا تشبه اللي يقعد فيه

والله أنا شايفه ان الجنينه الي ورا دي لازم يبقلها حل لان بجد مخليه شكل الكليه مش حلو وبعدين هو ليه ما يبقاش في اجتمعات كل شويه مع عميد الكليه يسمع فيها اقتراحات الطلاب وايه الي عجبهم فيها وايه الي مش عجبهم وهو يبقي بنحسن من شكل الكليه وبنشجع علي حريه أخذ أراء الطلاب لان احنا لو أعدنا نتكلم علي حل المشكلة دي بنا وبين بعضينا بس كده يبقي مش هنحل حاجه

انتي فعلا عندك حق يا ايه لازام كل و احد يقول رايه

شكرا يا يوووووووووووووووووووووووووودي علي ردك

اي خدمه يا جميل لازام برضه انصفك

والله أنا شايفه ان في أولويات لازم تتعمل قبل ملعب الكره،وهي ان لازم يبقي في الكليه جامع قبل أي حاجه وكمان لازم يبقي في كافيتريا علشان نعرف نعد في الكليه لان احنا ما بنلاقيش مكان نعد فيه،وأكيد في اراء أخري احتمال تكون أفضل فلازم نأخذ أراء بعض.

يا جامد

موضوع جميل مهتم بالكليه دي
من رائي ان اي حاجه هتتعمل فيها مش هيمنع الي مشمحترمين نفسهم من انهم يكونوا فيها
غير كده الكليه حكوميه و مشهيتعمل فيها حاجه غير لما تتخصخص
او لما حد كده يمشي من مصر
يلا خلوها العميد بتاع الكليه هو الي يمشي من مصر او اي حد زيه كده
و رائي تاني ان يتبنى فيها مسجد وشبه كافيتيريا و العربيات الي ملهاش اي لازمه الي بتتركن جوا الكليه دي تركن في اي مكان تانى مش من كتر ما الكليه واسعه يركنوا فيها العربيات
و حكايه ملعب دي فمظنش ان في الكليه روحوا الاستاد و خلاص
لان لو عملوا ملعب فيها فهتكون مركز للشباب فقط و اساسا البنات اكترمن الصبيان في الكليه دي

الجنينه دى رخمه و ملهاش لزمه
المفروض اهم حاجه يبقى فيها مسجد
وممكن يتعمل كافتيريا

محمدسميرهجام كتب:

فى مكان ما فى ظهر الكلية الملاصق لسور جمعية الشبان المسلمين العالمية
يوجد مساحة واسعة شاسعة من المنطقة الخضراء
وهى المساحة الكبيرة المجاورة لملعب الكرة الطائرة
التى تضم وتأوى العديد والعديد من الشباب والفتيات من طلاب الكلية ومن خارجها
هناك منهم المحترمون الذين يجلسون مستمتعين بالاشجار الوارفة واللون الاخضر المريح للنظر
وهناك منهم الغير ........ الذين يفعلون اشياء اخرى غير الاحترام
ما رايك فى هذه المنطقة
كيف نجعلها تأوى فقط المحترمين
وكيف نطهرها من بقايا البنى ادمين
ادلو بدلوك وشارك برأيك فى هذا الموضوع
فالذى يحدث فى هذه المنطقة لا يخفى على احد
خصوصا طلبة الفرق الكبيرة بالكلية
بيس

ممكن تقول انت ممكن نعمل بيها اية ولا انت معندكش حل ؟
عموما انا مستنى اعرف انت ممكن تعمل فيها ايه

احنا لو عملناها ملعب الصبيان بس هيلعبوا والبنات تولع
احنا بعد اذنكم نقسم اللد نصين جنب للعلب وجنب نعمله كافتيريا او كانتين لانها كليه مفيهاش حاجه مبنيه غلط او نعمل المنطقة كلها جامع اولاد وبنات بدل ما بيروح علينا الصلاة والمحاضرات ورا بعضها وياريت كلنا نشارك براينا والكليه تتحرك بينا ونعمل حاجه قبل ما نطلع منها وشكرا يا موضوعك

طب انا ممكن اقترح حل ان اعضاء المنتدى كلهم يشتركو مع بعض وهما اللى يصلحوها ويطوروها بايديهم وتكون حاجه من صنع ايدين ابناء الكليه ونعتمد على نفسنا فيها ياريت ياجماعه تفكروا فيها ونتفق كل الاعضاء اللى موافقين ونجتمع ونحاول احنا نعملها بايدينا احنا ونزرع فيها كل ورده ونحولهاااا الى جنه انا عارفه ان ده تفكير خيالى بس ممكن يتحقق