( فرعون )
شعب غريب ناقص وطنيـــــه
ولا يعرف معنى الحريــــــه
راسه كده متركبه عوجـــــه
مش زى رؤوس البشريــــه
شعب غريــب عمره ما يتحضر
مهما عملت معاه ما يقــــدر
التعليم عمره ما بيفيـــــده
علشان مالـــهوش عقل يفكر
كلمه توديـــــه وكلمه تجيبه
طيب قـــوى والطيبه دى عيبه
ولو اديته دهـــــب وياقوت
عمر ما تلقى القــرش ف جيبه
بيقولوا بيـــر وقراره غويط
وانا شايفه اهبــــل وعبيط
سايب غــــيره بياخد خيره
وده ع الفاضــى نازل تنطيط
عايــــش على ايام اجداده
ويورث خبتـــــه لاحفاده
وكل ما اقول بــكره ح يتغير
القى الجهل اللــى معاه زاده
احلامه جبه وجلابيـــــه
وحصيره وحلة ملوخيـــه
مفروشه تحت العنبايــــه
فى الضله ساعة العصريــه
بالذمه مــــش بس حرام
ايامــــه يعيشها ف اوهام
اتمدن بقـــى اصحى وفوق
الديب ف زريبـــة الاغنام
الديب ف زريبـــة الاغنام
*****
وعجبي
الجمعة 16 يوليو 2010 - 9:35