وانا بجري
شعرت بان فيه انسان بيجرى ورايا
بتلفت لقيته بوليس
لقيت دمى هرب منى
وفجاة خليت من الاحاسيس
دلقيتلك خطوتى اختلت
لقيتلك هدمتى اتبلت
بقيت وانا بجرى بطوح
ما انيش عارف دى حاجة بجد
ولا ده نوع من الكواليس
بتجري ورايا ليه يا بوليس؟
---
ده انا فحالي
مليش فى الدنيا صوت ولا جسم
ده انا ناقص اذا قربت لمراتى
اجيب تصريح يا ناس من القسم
واد لذل راسي واوطى
وفى الصيف بامشي متغطى
واقوم من وسط اى جماعة
بتعارض ولو ابليس
بتجري ورايا ليه يا بوليس؟
ولا افهم يعنى ايه سياسة ولا حسابات
ولا اعرف يعنى ايه احزاب ولا انتخابات
انا موافق فى كل مكان بكل رئيس
بتجري ورايا ليه يا بوليس؟
ده انا عبدك وعايش عمرى محتاجلك
ابوس ايديك ابوس رجلك
تقولى عملت ايه وانا اتوب
وحتى لو غلطت اغفر لي
اعمل ايه شيطانى خفيف
بتجري ورايا ليه يا بوليس؟
ده انا لكلاب شارعنا بدفع الفردة
واخاف انى اسخن اكلي باكل لقمتى باردة
ودايما باعتبر نفسي عروسة والحكومة عريس
بتجري ورايا ليه يا بوليس؟
وايه يعنى لما تبقي دى بلدكم واحنا فيها ضيوف
وايه يعنى لما يبقي الحى ميت والبصير مكفوف
اديكوا بتسمعوا بدلنا
وبتشوفوا بدل ما نشوف
شعر
صلاح عبد الله
الجمعة 16 يوليو 2010 - 12:19