(عريسك عروسك عندنآ)
*
الجمله دى لفتت نظرى على النت ومش على النت بس دا فيه اعلانات ف كل شارع وف كل مكان
رايح جاى شايفها دا حتا اول مبشوف الأعلان
بقعد اهزر انا واصحابى على الأعلان ونضحك وف نفس الوقت نبكي على الحال الى وصلنا ليه للدرجه دي
هوه حالنا وصل لحد كد ليها ؟؟؟, أتعسر الزواج والعفاف للدرجه دي , علشان يتم الزواج بالصوره المقززه دي ؟
هيه دي الطريقة الي يتم بيها إقامة أغلظ ميثاق شرعه الله وأوثقه ؟؟؟؟
واقع ......ويا للأسف
ولا ايه كل مافتح التلفزيون كدا واقلب ف القنوات الافى اعلانات عن الزواج بالطريه دي
لحد مكرهت اتفرج على التليفزيون ولا ايه كمان فيه مواقع كتير بتلفت نظرى الجمله ديه
وفيهم بقا يقول : أريد زوجة ذات حسن وجمال , أو قول الآخر أريد مطلقة وهذا يريد زواج ميسر, وواحد تانى يقول اريد واحده تملك عربية كذا و شقة كذا و ممكن تكون بتشتغل في مكان مرتبها كذا, و في نهاية المواصفات هايقول جميلة, ولو فيه وقت بقى "احتمال" يضيف أنه لا ضير لو كانت من عائلة ثم أخيرا لو افتكر يقول متدينةومش الرجاله والشباب بس الى بيطلبوا لا دا البنات كمان واحده تيجي تقول اريد رجل وسيم لديه سيارة وشقة ميسور متدين من اسرة طيبة!
......
انا لما شوفت الكلام دا والله خلانى ارجع لورد كدا ايام الجهل وابو جهل والمزاد ايام زمان
أريد جارية ذات حسن وجمال أو عبد حبشي متين البنيان !!!!!!!
ويا حسرتي .....علي مافرطنا في جنب الله
للأسف الشديد تحول الزواج إلى سلعه زى كل شئ
لكن للدرجة دي ؟..!
هو دا السؤال !
يا عيني على الشباب الى مش بيتجوزوا علشان الشقه من غرفتين والبنت طالبه اربع غرف ؟
الشاب ييجي يتقدم كدا يحطوا قداموا صفحه طلبات وشروط!
:
عندي ليك عروسة ذي الفل 4 أوض وصالة هواها بحري علي النيل عدل في الرحاب وتري البحر وبنصف العمولة))وأسال نفسي كام من زيجة تمت بالطريقة دي وان تمت فما نسبة نجاحها
على قول العنتيل: مطلوب عروسة تملك جرار, برجاء ارفاق صورة الجرار
كلها عمليات نصب فى نصب بيستغلوا تاخر الجواز عند الشباب و البنات و بينصبوا عليهم بطريقة مستفزة
ليه ؟ من قلة البنات حاجة غريبة لكن السؤال الاهم
ليه يلجأ الناس للطريقة دي فى الزواج؟
اية دة للدرجة دى وصل الحال بالبنات وشبابنا ؟
علشان الأزمات الماديه ولا علشان ان الواحد يشوف البنات وبتسلى ولا ايه بالظبط ؟
وعلى فكرة الناس الى بتحلم بعروسة عندها شقة او عريس بعربية موجودين كتير مش فى المكاتب دى بس لا فى كل حتة وممكن تلاقى بنت كل همها انها تنشن على الى عنده عربية او رجل ينشن على سيدات ارامل عندهم شقق او او او .... موجودين فى كل حتة مش فى المكاتب بس
ولفت انتباهى برضوا ف فلم من الأفلام واحده بتقول لصحبتها( احنا لازم نتواجد فى التجمعات عشان نتشاف)اللغة دى كنت بسمعها فعلا ولو فى فرح البنت تلبس بقى
الحتة اللى على الحبل ههههههههه وتحط اللى ميتحطش فى وشها عشان تجيب عريس من الفرح
اية دة واية الهدف اللى حطاه فى دماغها دة من الفرح
كنت بسأل نفسى لما بشوف الشريط اللى فية المواصفات دى هى المواصفات اللى مكتوبة دى صح
كان عندى شك فى صدقها بصراحة ههههههههه.
عادى مش من الصعب الكذب ف الحجات دي
وبسال نفسي كتير هل (حلوه هل دي) هل الناس الى هيه بتعمل الاعلانات دي بتزوج اقاربها بالطريقه دي ؟؟؟؟ اعتقد لا بكل تاكيد
والزواج في الإسلام هو وسيلة..
وليس غاية..!
*
*
كتير بقا من البنات والشباب بيحلموا بالمواصفات شريك حياتهم وبيرضوا الى بيتقدم مش فيه المواصفات دي
وكدا همه بيعطلوا نفسهم كتيررررررر
*
*
فيه حاجه كدا افتكرتها
زمان كان فيه الخاطبة
كانت من لحم ودم وتدخل كل البيوت وتخالط كل الناس فى منطقتها
واليوم بقا فيه خاطبة لكن مش لحم ودم
خاطبه عبارة عن مكاتب تزويج وإعلانات مكتوبة ومسموعة ومرئية
ويمكن تدخل كل بيت
زمان كان أسلوب المجتمع المصرى يفرض وجود الخاطبة
لأن الفتيات المحتشمات المهذبات الصالحات للزواج ماكنوش بيظهروا على الملأ
ومكنتش ظاهره كدا زى العرض المقززالى بنشوفوا الايام دي
فكانت الخاطبة هى الوسيله الى بتقدم البنات الى الشباب الي يرغب فى زوجة صالحة
وكانت تتدخل بكل احترام وتقديرللأسره
أما ف الايام دى فبقا الزواج زى السوق مش لقلة البنات ولا قلة الشباب الراغب فى الزواج
دا العكس
دا بقا المعروض فى سوق الزواج أكثر من الطلب
ومش نتعجب لما نشوف اليوم فتاة على قدر كبير من الأخلاق والجمال والثقافة
وقد تخطت الثلاثين دون زواج
يمكن علشان كدا بيحصل كدا ؟
الناس الى بتسعى على كدا الى همه المتاجرين فى السلعه دي مش نلومهم او نلومهم ف المقام التاني
لأن المقام الأول محجوز لمن أثبت لهم أن التجارة رابحة..!
خلق لكم من أنفسكم أزواجا لتسكنوا إليها وجعل بينكم مودة ورحمة
ومافيش وسيله نخرج من النفق دا الا لما نتمسك بكل ما جاء به الشرع الحنيف لمصلحة الأنسان وسعادته في الدارين وسلامة المجتمع من الأمراض والأوبئة التي تكاد تفتك بما تبقي من قيمه
وفى النهاية
فى جملة قديمة بسمعها (نصيبك يصيبك)
وعجبنى جملة (محدش بيتجوز مرات حد)
يا ترا ايه رايكم ف الى بيحصل دا ؟؟
ويارب البنات كلها تتجوز
قولوا امين .!
بس بالطريقه الصحيحه الى رسولنا صلى الله عليه وسلم علمناها لينا
ولا حول ولا قوه الا بالله
.*
الجمعة 16 يوليو 2010 - 22:45
