مصر الفرعونية
بابا انا عايز اتجوز اختى حت حور
خلاص يا ابنى خليها تنقل حاجتها فى أوضتك , وابقى هاتلها حجرين صوان هدية .. مبروك يا تاح
مصر فى عصر الرومان
تتجوزينى يا افروديت
اتجوزك يا بانسيلوس
يللا بينا نبنى كوخ ع البحر ونعيش هناك
يللا
مصر بعد الفتح الاسلامى
ولدى خالد يا شيخ احمد بيريد يتجوز ابنتك البكر الكريمة.. وبيبنى خيمة.. ويقدم مهر بعير
والله خالد ولدك زين الرجال .. وايش اتمنى غير رجل صالح يكون زوج لبنتى .. وكما قال رسول الله صلى الله عليه وسلم ' ان جاءكم من ترضون دينه وخلقه فزوجوه ' ....
قيموا الافراح
مصر 1919
انت ح تتجوز بنت الحاج عبد الجليل .. انا كلمته خلاص ووافق .. وضب أوضتك وهات خلخال .. فرحك يوم الخميس اللى جاى
طب مش اشوفها الاول يابا
انت اتجننت يا ولد ؟ .. تشوفها ده ايه ؟ .. انت ح تتجوز والا تخبص
أمرك يا والدى
مصر 1960
بقى يا ستى بنتك آمال جالها عريس
ياألف نهار ابيض يا ألف نهار مبروك
جدع طيب وابن حلال موظف فى الحقانية .. وماهيته مش بطالة .. اهو يبنوا حياتهم سوا بعد الجواز.. والا ايه رأيك يا أم العروسة؟
الرأى رأيك يا أبو العروسة .. والله العيال ح يعجزونا يا ابو محمد
فشر .. تدبل الوردة وريحتها فيها يا نرجوستى
يوه يابو محمد .. هئ هئ هئ هئ
مصر فى عصر الانفتاح
اخرسى يا بنت... انا اللى يتجوز بنتى لازم يكون عنده شقة تمليك وعربية وسوبر ماركو
بس يا ماما
ما فيش بس.. انا وابوكى قبل ما يموت فى الحرب كانت بتعدى علينا ايام ما بنلاقيش ناكل.. انا يا بنتى مش عايزاكى تتعذبى زى ما احنا اتعذبنا .. انتى ح تتجوزى فتحى ابن خالتك
بس انا مش بحبه يا ماما
الحب ما بيأكلش تونة يا حبيبتى
اللى تشوفيه يا ماما
مصر 2008
بابا .. ريكو حييجى يقابلك بكره وهو راجع من المول هو و ديدى .. متتكلمش معاه فى اى ماديات من فضلك .. انا بشترى راجل .. و بعديم ما احنا معانا كتير .. و ما تبقاش تتكلم معاه فى المهر والعفش والقايمه والفرح و الحاجات دى .. انا اتفقت معاه على كل حاجه أصلا ... و بالمناسبة الفرح هيبقى فى كافيه ماريانو فى المعادى , على الضيق كده , و طبعا انت معزوم انت و مامى , اوعوا تنسوا .. لما تشوف مامى ابقى قولها .. باى
ألف مبروك يا حبيبتى .. باى
يا ترى .. امتى بقى هنتجوز صح ؟
!!!
السبت 17 يوليو 2010 - 15:46
تسلم الايادى يا كبيرنا ودائمااا متألق