قرر مجلس الوزراء وقف العمل بنظام التوقيت الصيفى خلال شهر رمضان المقبل، واستئنافه عقب نهاية الشهر الكريم.
وأوضح المجلس فى بيان له، أمس، أنه سيتم وقف العمل بالتوقيت الصيفى خلال شهر رمضان، بحيث يتم تأخير الساعة لمدة ساعة بنهاية يوم الثلاثاء الموافق ١٠ أغسطس ٢٠١٠، ليبدأ العمل بالتوقيت الشتوى مع بداية يوم الأربعاء الموافق ١١ اغسطس ٢٠١٠.
ويُستأنف العمل بالتوقيت الصيفى مرة أخرى بعد انتهاء شهر رمضان بنهاية يوم الخميس الموافق ٩ سبتمبر ٢٠١٠، وذلك بتقديم الساعة لمدة ساعة مع بداية يوم الجمعة الموافق ١٠ سبتمبر ٢٠١٠. والذى يتزامن مع بداية أول أيام عيد الفطر المبارك.
وأضاف المجلس أن العمل بالتوقيت الصيفى بعد نهاية شهر رمضان سيستمر حتى نهاية يوم الخميس الأخير من شهر سبتمبر – طبقا لنص القانون، وهو الموافق ٣٠ سبتمبر ٢٠١٠، يعود العمل بعدها بالتوقيت الشتوى يوم الجمعة أول أكتوبر ٢٠١٠.
فى السياق نفسه، أكد الدكتور مسلم شلتوت، أستاذ بحوث الشمس والفضاء، نائب رئيس الاتحاد العربى لعلوم الفضاء والفلك، أن غرة شهر رمضان فلكياً لعام ١٤٣١هـ توافق يوم الأربعاء ١١ أغسطس المقبل،
موضحاً أن هلال الشهر يولد مباشرة بعد حدوث الاقتران بين الشمس والأرض والقمر فى مستوى واحد، فى تمام الساعة السادسة صباحاً و٨ دقائق يوم الثلاثاء ٢٩ شعبان ١٤٣١هـ الموافق ١٠ أغسطس المقبل (يوم الرؤية)، وبذلك يكون أول أيام شهر رمضان المبارك هو الأربعاء ١١ أغسطس.
------------------------------------------
تعليق الاراء على هذا الموضوع
اعتذر عن اتهامي للقرار بالتخلف فقد تبين لي أن جميع دول أوروبا ما عدا ايسلندا تستخدم التوقيت الصيفي وكذلك معظم دول أمريكا الشمالية وأمريكا الجنوبية وفقط مصر وتونس وناميبيا من أفريقيا وبعض دول آسيا ومنها اليابان وماليزيا وكوريا والصين والهند وباكستان وبنجلاديش والفلبين وتايوان وايران والعراق ولبنان والأردن واسرائيل .. فأعتذر مرة أخرى لاتهامي القرار بالتخلف دون الرجوع لسبب القرار ومن يطبق هذا التوقيت في العالم والمقصود منه الاستفادة من ضوء النهار
-----------------------------------------------------------
مشكورة الحكومة يخونا انتم فكرين موضوع الساعة دة بسيط دة موضوع مرتبط بالامن القومى و الاقتصاد و التجارة الخارجية و الزراعة و حركة الملاحة فى قناة السويس و بة و علية سيتم حل مشكلة الشرق الاوسط و القضية الفلسطينية و هو القرار الوحيد المودى الى ردع دول حوض النيل و كمان هو امل الشباب فى وظيفة و هو الحل لمشكلة الاسكان مشكورين مشكورين مشكورين بالثلاثة و الاجتماع القادم يارب يكون على جدول الاعمال فوازير رمضان
----------------------------------------------------------
زيادة ساعة في التوقيت الصيفي هي حاجة اضطرت البلدان الاوروبية اتخاذها للاقتصاد في الكهرباء وهذا طبيعي نظرا لكون ساعات النهار تكون طويلة جدا مقارنة بساعات الليل بأروبا وكلما توجهت شمالا كلما زادت ساهات النهار والعكس شتاء حيث تكون ساعات الليل طويلة جدا وساعات النهار قصيرة جدا. أما بالنسبة لمنطقة الشرق الوطن العربي فهذا التباين ليس بالحدة التي نشاهدها في الغرب ولذلك في الواقع نحن لسنا في حاجة لزيادة هذه الساعة وعلى فكرة فقد اعتمدنا هنا في تونس العديد من المرات هذه الساعة الاضافية في الصيف وكانت كل مرة تفشل لا لشيءالا لأن طبيعة الانسان في هذه المنطقة لم يستوعبها فمثلا عندما ينظر الفرد الى الساعة يقول مثلا الآن الساعة الحادية عشر ليلا أي العاشرة ليلا يالنسبة للتوقيت القديم، إذن ما زال الوقت مبكرا. ويستمر في السهر ولا ينام الا في التوقيت الذي اعتاد عليه
-------------------------------------------------------
عندى أقتراح و أنا متأكد أن الحكومة حتفكر فيه و هو تقديم الساعة ساعة فى الصيف و تقديم الساعة ساعتين فى الشتاء !!! تخيلوا مدى التوفير اللى حيحصل فى الكهرباء صيف شتاء، مش حتعرف الحكومة توديها فين و يمكن تصدرها، ياجماعة كفايةالخسارة اللى حتخسرها الحكومة فى رمضان المقبل بقرارها بعاليه، الان عرفت لماذا يهتم العالم بأخبارنا ليس لأننا بلد محورى و لا صاحب حضارة بل لان أفكارنا عجيبة و قراراتنا أعجب !
-----------------------------------------------------------
حسب موقعنا الجغرافي من العالم فإن فارق التوقيت بيننا وبين توقيت جرينتش هو ساعتين والعالم كله يعرف ذلك بداهة .. ولكن من سلبيات هذا القانون المتخلف أنك ستضطر إلى تغيير جميع ساعات ومنبهات وموبيلات وكمبيوترات وسيارات وأجهزة صرف آلي وساعات في الشوارع والميادين والأسواق التجارية وأي أجهزة تستخدم اظهار الوقت بها فلو حسبت ذلك ستجد أن هناك أكثر من 300 مليون جهاز سيتم تقديمها أو تأخيرها وكذلك لخبطة دول العالم التي تتعامل مع التوقيت المصري العجيب وأثناء معايرة الوقت الجديد سيحدث لخبطة فلن تستطيع ضبط الساعات التي تستخدمها كلها بدقة فيمكن أن تكون ساعة غرفة المعيشة تختلف عن ساعة اليد عن الموبايل عن غرفة نوم الأولاد وغرفة نوم البنات وساعة المطبخ .. ثم بعد ذلك نعيد نفس المعايرة السابقة لأكثر من 300 مليون جهاز أو ساعة .. ويسأل من يقيم خارج مصر "كم الساعة الآن في مصر ؟؟ " ويحتاج إلى مرجع يدله على التوقيت العجيب .. بصراحة لقد عرفت قوانين خايبة كثيرة ولكن لم أجد أخيب من هذا القانون وبصراحة اتكسفت جدا عندما شاهدت ضمن هذا الخبر صورة رئيس مجلس الوزراء الدكتور أحمد نظيف .. حتى الآن لا أصدق أن يصدر هذا القانون بموافقة الدكتور أحمد نظيف .. ألهذه الدرجة وصل حالنا من التخلف .. حاجة تكسف .. أليس من الأفضل أن نغير مواعيد بدء العمل والدراسة ودخول السينما من أن نعاير أكثر من 300 مليون أداة لمعرفة الوقت .. وكان من الأجدى عدم نشر الخبر عملا بالموقولة التي تقول "متقولش لحد على خيبتك " . بصراحة أنا مكسوف لهذا القرار المتخلف ..
-------------------------------------------------------------
من زماااااااااان اوى من يجى 7تلاف سنه كانت مصر دى اللى كان فيها الفراعنه اللى احنا اصلا مش منهم ولا نمد ليهم بأى صله لا من بعيد ولا من قريب والناس هم اللى اخترعوا التوقيت والساعات والايام والشهور وهمه اللى عملوا الحضاره اللى محيرين العالم كله عموما ده مش موضوعنا احنا دلوقتى بنخبط فى الحلل وبنكسر فى القلل ولا احنا عارفين نمشى مع الغرب ولا احنا عارفين نساير الشرق العالم كله بيطور من حولينا واحنا بنتهور احنا فاضل عندنا حاجة واحده تنعمل نرجع زمن العبيد تانى الكل يشتغل واخر النهار ياخد رغيف عيش وطمطمايه وفى العيد يديله عضمايه وكده يكون بيدى الاجير حقه قبل ان يجف عرقه . يا اخونا الدنيا ابسط من كده بكتييير بس للاسف الشديد هتجيب من يقرا ومين يسمع الكلام. عموما تقدموا الساعة تأخروا الساعة احنا لنا شهر هنصومه والاجر والثواب عند الله وهنيالك يافاعل الخير وحسنة قليلة تمنع بلاوى كتيرة. خلص الكلام....
-------------------------------------------------------------
السؤال اللى محيرنى ومش لاقى له جواب هو يا ترى هنلبس ملابس شتوية ولا صيفية فى شهر رمضان ؟ آه ميكونش الحكومة عندها ملابس شتوية عايز تبيعها للشعب !!!!!! ممكن
------------------------------------------------
أنا رأيي نخليها يوم صيفي ويوم شتوي
-------------------------------------------
دلم تجد الحكومة شىء خارج عن سيطرتها الا وقت شروق الشمس و غروبها فراحت تعدل فيه بحجة شهر رمضان و ده طبعا لتخفيف العبء عن كاهل المواطن محدود الدخل الذى لا يستطيع الصوم ساعة إضافية فهو فى الصيف ينام مبكرا و يستيقظ مبكرا و كل مايشاع عن السهر بالصيف حتى السادسة صباحا هو كذب و افتراء ، والله تقدمو ساعة ولا تأخرو ساعة مافيش فايدة بس هى (إفتكاسات حكومية) لابد منها حتى يشعر الشعب بانه فى قلب و عقل الحكومة
------------------------------------------------------
يا حكومة حرام عليكى حتى الساعة كمان مش سايبنها فى حالها والله الساعة تعبت منكم بجد
-------------------------------------------------
ربنا مايحرمناش من الحكومة الذكيه ولا من ام ذكيه .ياعالم احنا فى القرن الواحد والعشرين ايه اللى انتم بتهببوه ده. لا ، وحقانيين وبتوع قانون ، وبعد رمضان نكمل الخيبة عشرين يوم كمان.
0000000000000000000000000000000000000000000000000000000000
التوقيت هيرجع صيفى 10 سبتمبر ويرجع شتوى فى الخميس الاخير منة يعنى هيتغير التوقيت كل اسبوعين اية العظمة دى هنلحق نوفر ولا نخلى الناس تتأقلم من جديد
---------------------------------------------------------
ساعه تروح وساعه تيجى ها ساعه تروح وساعه تيجى ها ساعه تروح وساعه تيجى والنبى يا جماعه تقولو معايا علشان يعرفوا ان احنا اتجننا خلاص اه هو ده رجع الساعه ادم الساعه يا ريت الدكتره يردوا على شغل الجنان ده وتاثيره على الصحه النفسيه دا لو يعرفوا يعنى اه صحه نفسيه
==================================
تصحيح المعلومةللناس اللي فاكرة انك لما تصوم بالتوقيت الشتوي هتصوم عدد ساعات اقل - دي مش حقيقي مطلقا - التوقيت صيفي او شتوي مالوش دعوة بعدد ساعات الصيام ولا مواعيد الاذان والصلاة - عدد ساعات الصيام ثابت والفرق بس لما بتعمل التوقيت الشتوي انك بتحرك ساعة من ساعات الصيام من النهار الي الليل بمعني ان مواعيد الامساك والافطار ثابتة ومواعيد الصلاة ثابتة لانها مرتبطة بظاهر كونية وهي طلوع الفجر وشروق الشمس وتعامد الشمس وغروب الشمس الخ - والظواهر دي احنا مش بنتحكم فيها يا ناس - حاولو تفكرو شوية هتلاقوا كلامي علمي تماما وصحيح مائة في المائة وعليه فإن تقديم او تاخر الساعة ليس له علاقة بالحلال والحرام مطلقا ومعلومة اخري للناس كلها ان التوقيت الشتوي هو التوقيت الاصلي لمصر هو التوقيت الصحيح لموقعها الجغرافي علي الكرة الارضيه وموقها من خط جرينتش يضاف ساعتين علي توقيت جرينتش احسبوها تلاقو ان التوقيت الشتوي هو الصحيح والتوقيت الصيفي اختراع بشري لتوفير ساعة من الكهرباء يوميا علي مستوي الدولة بالكامل - ومن المفروض ان ساعة من استخدام الكهرباء علي مستوي مصر بالكامل تساوي ملايين كتير عشان كده حكومتنا الرشيد الذكية بتحاول توفرها علينا - ولكن غاب عن الحكومة الذكيةان في الايام دي التوقيت الصيفي اصبح غير صالح مطلقا يمكن زمان فعلا كان بيوفر بس في هذه الايام اصبح غير مجدي مطلقا كل الناس تقريبا بتعتمد علي استخدام الاضاءة الصناعية بالنهار البيوت والمصالح الحكومية والمحلات لان نور الشمس مش بيوصل لكل مكان داخلي - التكييفات شغالة 24 ساعة ومش بتفرق - اشواء الشوراع العمومية مضاءة 24 ساعة وساعات تلقاها منورة بالنهار بس وبالليل مطفأة- طبعا دي من العجايب في مصر - المحلات مش بتفرق معاها ولا هتقفل بدري ولا حاجة اغلب المحلات بتفتح 24 ساعة او بتقفل قرب الفجر - من كل اللي فات ده نتأكد ان التوقيت الصيفي اصبح بدون اي جدوي الا قلب حال الناس ولخبطة الساعة البيولوجية للجسم البشري - فنتمني من حكومتنا الذكية ادراك ما ادركتة انا بعقلي المتواضع والغاء بند التوقيت الصيفي للابد ونشوف حاجة اهم مجلس الوزراء يجتمع عشانها زي اصلاح حال المواطن المصري الغلبان بدل ما يبقي قرارات مجلس الوزراء المهمة هي نشتغل بالتوقيت الصيفي والا لأ - ويجعله عامر .
----------------------------------------------------------
للاسف اغلب الناس تعتقد ان التوقيت الصيفى هو التوقيت الطبيعى ولا تعلم انه توقيت استحدثته الحكومه الانجليزيه لكى تجعل العمال فى المعسكرات الانجليزيه فى الشرق يعملوا ساعة مبكره عن الحقيقه لأن الجنود الانجليز كانوا لايستحملون حر الشرق والعمل فى أوقات الظهيره . وقد وجد الانجليز ان هذا التوقيت يوفر لهم فى الكهرباء فى بلادهم حيث ان المحلات و ايضا الناس ملتزمون هناك بمواعيد فتح المحلات و اغلاقها وايضا فى نومهم و استيقاظهم مبكرا. ولكن التجربه اثبتت فشلها فى مصر بدليل ان الحكومه الذكيه تقطع عن الناس الكهرباء لكى توفر الكهرباء ؟؟؟؟ واذا كان الكهرباء بالفعل لا تكفى استهلاكنا فلماذا نصدرها الى الاردن وبعض البلاد العربيه ؟؟؟؟؟؟؟ ولماذا لا نقوم بتنفيذ مشروع منخفض القطاره ؟؟؟؟؟؟؟ ولماذا يا ترى ابتلانا الله بهذه الحكومه الذكيه ؟؟؟؟؟؟؟؟
------------------------------------------------------
والله العظيم دى حاجة تضحك اللى احنا فيه ده ناس رايقة وفايقة ومش وراها حاجة
---------------------------------------------
الثلاثاء 20 يوليو 2010 - 21:55
