خطــــيب بـــارد بــارد جـــداًًًًًًً !

خطيب
بارد جدا جدا

هو و هى مشيين على الكورنيش .. الجو حار .. الشمس محرقة

هي : عطشانة .

هو : وأنا كمان.

هي : يعنى ... عايزة اشرب!

هو : أكيد مادام عطشانة يبقى عايزة تشربي .

هي : المفروض – بما أن عندك إحساس يعنى – إني لما أقولك عطشانة تجيب ليا
حاجة ساقعة .

هو : ومين اللي هيحاسب ؟؟

هي : أنت طبعاً .

هو : منين ياحسرة .. ماانتى عارفة الكانز وغطاه .

هي : ماقلتش عايزة كانز .. كفاية إزازة مية ساقعة .

هو : طب لو هاتجيبى اعزمينى معاكى .

هي : يابنى أنت مابتحسش ، وبعدين بقالنا 3 ساعات ماشيين ، أنت مش ناوي
تقعدنا ولا إيه؟

هو : عندك الكورنيش كله .. اختاري الرصيف اللي يعجبك .

هي : قصدي تعزمنى في مكان شاعري .
هو : في الحر ده .. ماينفعش .

هي : بلاش دى .. نأخد مركب عالكورنيش .

هو : المراكب بتغرق اليومين دول .. خلينا ع البر أحسن .

هي : بلاش المركب تعالى نأكل ترمس .. أظن ده رخيص .

هو : إنتى تضمني منين إن الراجل غاسل إيده وغاسل الترمس
هي : أعوذ بالله .. إنت مقفلها كده ليه ؟؟

هو : بصراحة معييش فلوس .

هي :يا سلام!! .. ماأنت كان معاك إمبارح .

هو : إمبارح دخلت السينما مع بنت حلوة كده فالفلوس خلصت

هي : بنت حلوه ؟؟!! وبتقولها في وشى .

هو : أكذب عليكى يعنى .

هي : لأ .. تحرق دمى أحسن .

هو : أنا مش شامم ريحه شياط يعني .

هي : يخرب بيت البرود .

هو : برود إيه ؟؟ ماهو الجو مولع أهو .

هي : إنت اللي بارد .

هو : بارد إزاى ؟؟ دا أنا بشُر عرق .

هي : بقولك إيه .. روحنى .

هو : أروحك ؟! هو إنتى ماتعرفيش تروحي لوحدك .

هي : آآآآه .. طب أنا ماشية .

هو : ليه يا حبيبتي؟؟

هي : حبك برص .

هو : والله البرص بيفهم عشان حبني.

هي : بجد كده كتير .

هو : كتير إيه ؟؟

هي : إرحمنى .. واضح إن الحر بيجى معاك بالعكس .. يا بارد

هو : يعنى مصممة تمشي؟؟

هي : أيوة وحالاً كمان .

هو : طب استني لما نوصل آخر الشارع .

هي : اشمعنى ؟؟

هو : أصل أنا ساكن هناك .. و مايرضكيش أروح لوحدى .

هي : لااااااااااااااااااااااا

هو : ينفع كده ترمي نفسك في الميه مين هايوصلني بقى

ههههههههههههههههههههههههههه
ههههههههههههههههههههههههههههههههه
عقبال ما توقعى فى واحد زى دة

ههههههههههههههههههههههه
هما البنات مش بييجو الا بكده
شكرا ع الموضوع ياسام

يارب اشوفهالك كدا يا سام بس مش الواد ده

لما ترمي نفسك في الميه

حلوة اوىىىىىىىىىىىىىىىىىى

يسلمووووووووووووووووووو جميعا علي المرور
بقي كدا يا عم مون ربنا يبعد عنا الشر ده اصلا
وانت كمان يا فانتوم عايز تخلص مني اه يا زمن

خطــــيب بـــارد بــارد جـــداًًًًًًً ! 62621

حلوه جدا ميرسي سام

هههههههههههههههه حلو أوي الموضوع ياسام بجد ضحكني جدا

بيفكرني بعبدالعال في مسرحية ريا وسكينة

شكرا سام عالموضوع اللذيذ

أحلي سلاااااااااااااااااااااااااااام

هههههههههههههههههههه عبدالعال ربنا يكون في عونه بس هنا كان بالعكس ف عونها هي
شكرااااااااااااااااااااااا للمرور بنت دمياط وشمس وميستري نورتوا يا قمرات