الموضوع هام للغاية وتحذير للبنات
والموضوع هو
انا هقول تحذير صغير لكل بنت
يمكن تكونى سمعتى التحذير دة الف مرة قبل كدة
بس معلش التكرار يعلم الشطار
انا كنت قاعدة انا واختى بندور على حاجة عاليوتيوب
اغنية بتاعت عمرو دياب مش فاكرة بالظبط
الله يخرب بيت اليوتيوب على بيت اللى عملوه
انتو طبعا عارفين ان الموقع دة تبقى بتدورى على حاجة يدخلك على مليييييون حاجة
وسكك كتير ربنا وحده اللى اعلم بيها
المهم
لاقينا بنات متصورة وهى برقص فى بيتها على اغانى عادية بس بقمصان نوم او بدل رقص من اللى بتتباع فى محلات قمصان النوم
انا عايزة اكرر تانى انهم بنات عادية
يعنى مش فتيات ليل او بنات وحشة لا سمح الله
بس كل اللى فى الامر ان ممكن اللى تكون صورتها دى تكون واحدة صاحبتها
ونشرت الفيديو دة عالنت
او اختها مثلا
واختها دى واحدة صاحبتها خدت منها الفيديو دة ونشرته عالنت بردو
طب لو ابوها او اى راجل من عيلتها شاف الفيديو دة وهى ممكن تكون محترمة او محجبة
هيكون موقفه واحساسه اييييية
طب لو انتى فى حنة بنات بس ورقصتى مش ممكن اى واحدة تصورك وانتى بترقصى وقالعة حجابك وممكن تكونى لابسة اى لبس مفتوح او قصير
والبنت دى تنزل بردو الفيديو عالنت
ابوس ايديكو اوعى ترقصى ادام حد غريب
اوعى تتصورى وانتى بترقصى حتى من اقرب الناس ليكى
حزارى يابنات
اللهم بلغت اللهم فاشهد
خلي بالكم يا بنات
منقول
الأربعاء 25 أغسطس 2010 - 15:57
