أفهم أنا أيه دا ؟!

شمس كتب:

كلامك صح جدااا يا عمر..بس مننكرش ان المنتدى حاليا بقى فى نشاط عن الاول كتير
انا شخصيا غبت عن المنتدى 4 شهور تقريبا بسبب الركود والملل و الخلافات الكتير اللى كانت بتحصل
ونقطة الاحزاب اللى الحريف وانت اتكلمتوا عنها دى بتقتل الحماس فى العضو الجدبد قبل ما يبتدى , يعنى انا دخلت اقارب ليا فى المنتدى ولما عملوا مواضيع ومحدش رد عليهم سابوا المنتدى..
ببساطة شديدة لو جوانا عايز يتغير بجد يبقى لازم نبقى كلنا واحد فى المنتدى ونشجع العضو الجديد ونقربه لينا ونحاول على قد ما نقدر نهتم ببعض اكتر لان المنتدى مش منتدى ثقافى والسلام احنا تقريبا كلنا كلية واحدة وبلد واحدة وموضوعك دة ان شاء الله بداية للتغيير ..
شكراااااااا يا عمر على روح الحماس اللى بعثتها فى المنتدى من تانى

لا فى مجاملات واضحة وضوح الشمس من بعض الاعضاء لبعضهم البعض
وكلنا عارفين الكلام
والموضوع ده موجود فى بعض البنات الذى لا اذكر اسمهم حتى لا اسبب لمدير المنتدى اى احراج لانهم معروفين واعرفهم جيدا
تجد العضوة تجامل صديقاتها بشكرها الجليل على موضوعها وعلى شخصيتها كمان ليس لان الموضوع جميل انما مجاملة خاطئة لزميلتها (حبيبة قلبها زى ما انت بتقولوا يا بنات )
تلاقي بعض البنات تدخل لموضوع زميلتها جميل يا حبيبتى او جميل يا حبي او جميل يا قمر او يا عسل اسود
وتلاقيها بتمجد فى زميلتها كانها انسانة لا مثيل لها وليست بشر انما ملاك تطير فى السماء
هذا واقع ملموس فى مجاملة البنات
انما تجد البنات الاخرين يردون رد معقول ليس فيه مجاملة واضحة او كلام ليس معقول ان يقال
وهنا سؤال هل يستطيع اى بنت تتكلم بصوت عالي مع صديقاتها فى الشارع وتقول يا حبيتى ويا قمرى ويا عسل ويا بصل ويا ثوم
اكاد ان اجزم ان من يعمل سيترك عمله ويتفرج عليهم وسيكونوا اضحكوكة الشارع بسبب الكلام الذى لا يمكن ان يكون امام بشر
فهناك مجاملات من بعض الاعضاء وخاصة العضوات
المجاملات دى متكنش على المنتدى
ممكن تكون بينك وبينها على الايميل او فى التليفون او فى المقابلات انما فى المنتدى ميصحش ابدا ان تقال هذه الالفاظ امام شباب

انا بتكلم عن ظاهرة موجودة رايتها بعيني وظاهرة خاطئة جدا
لان فى موضوعات جميلة للاعضاء ومتلقيش رد منك لانك معتمدة على بعض الاعضاء اللى ترد ليهم والباقي وحشين مش قد مستواك مثلا
اتمنى اننا نراعى فى كلامنا قبل ان نكتبه

I like that spirit
I'm on it

طبعا يا عمر موضوع في غايه الاهميه وكان لازم الموضوع ده يتفتح من زمان
لان فعلا كلنا معناش بنرد علي المواضيع زي الاول ولا بننشر مواضيع جديده ولا في نشاط في المنتدي زي الاول
بل بالعكس احنا كنا ايام الكليه والدراسه في نشاط وتفاعل اكتر من كده بكتييييييييييييييير المفروض اننا في الاجازه نبقي متفاعلين ومبدعين اكتر من كده بس فعلا هو الوقت واليوم الي بيجري بسرعه وزي ما انت قولت الاعضاء الي انقطعوا عن المنتدي فتره بسبب النت والشباب الي بيشتغل وما عندوش وقت كل الاسباب دي
بس فعلا المفروض ان احنا الاعضاء الي بندخل علي طول علي المنتدي المفروض نعوض غياب باقي الاعضاء
الي ليهم اسبابهم عشان كلنا هنا لازم نكمل بعض واوعدك ان شاء الله اننا هنبدا ننفذ ده وحاضر هنفذ التوقيع طبعا

وشكرا علي التنبيه والتشجيع يا عمر لان فعلا زي ما قولت حاجه عملناها يبقي لازم ننجح فيها

عمر كتب:

شكراً ليكي يا sadcat وانتي بقيتي بالفعل من أسرة المنتدى ..وشكراً لشيمو وشمس (حلو توقيعك الجديد) على التعقيب وشكراً ليكي يا ديدي وحلو توقيعك أنت كمان ..أنا في الأول يا حريف فكرتك بتنتقد المجاملات علشان مبيردوش إلا على مواضيع معينة لكن اكتشفت إنك رحت بعيد خالص وبتنتقد حاجة ملهاش أي علاقة بالمشكلة اللي أحنا فيها ..وحاجة محمودة مش مذمومة كمان ...يعني المفروض الواحدة تدخل تقول جزاك الله خيراً يا أختاه على هذا الموضوع ومتقولش شكراً يا قمر شكراً يا جميلة شكراً يا أي حاجة علشان تبقى وقورة فالمنتدى يمشي ...كلامك غلط , ولو كان صح فبرة الموضوع نهائي.

شكراً ليكي يا آية على روحك الجميلة دي وإن شاء الله نقدر ننشط من تاني

يعنى يا عمر لما تقول جزاك الله كل خير هيحصل حاجة بدلا من شكرا يا عسل شكرا يا بصل والكلام ده
شوف بتاخد كام حسنة بسبب كلمة جزاك الله كل خير
وفى اه مجاملات وانت عارف الكلام ده جيدا وانت شايفه اكيد
ده حاجة نحاول نغيرها مش هيحصلنا حاجة لو غيرنها
والحمد لله شايف نشاط جميل بس اتمنى ان يكمل لان لللاسف احنا بنكون نشاط فى الاول وبعد كده بننام
اتمنى ان المنتدى يرجع زى الاول

شكرا عمر، شيمو، شمس لاهتمامكم واحترامكم ليا وردكم
وشرف ليا طبعا انى اتعرف عليكم
وشهاده اعتز بيها ان اكون اخت ليكم

ربنا يبارك فيكم يارب

غيابك عن المنتدى كان تارك أثر كبير يا عمر
ولازم يكون لنا قائد يرشدنا ويوجهنا
وعلى رأي المثل "اللي مالوش كبير يشتريله عمر قصدي كبير"
إن شاء الله المنتدى يرجع أحسن مما كان

أبو خالد كتب:

غيابك عن المنتدى كان تارك أثر كبير يا عمر
ولازم يكون لنا قائد يرشدنا ويوجهنا
وعلى رأي المثل "اللي مالوش كبير يشتريله عمر قصدي كبير"
إن شاء الله المنتدى يرجع أحسن مما كان

اولا كلنا كبار رمش بس عمر
والمثل اللى بتقوله حرام لان المسلم كبيره هو سيدنا محمد صلي الله عليه وسلم
الرسول هو قدوتنا وكبيرنا للمسلمين
عمر اه كبير وانسان محترم ودوره مهم
بس في اعضاء كبار فى المنتدى

[b]انا لاخظت فعلا الترتيب الغريب ده من زمان
بص هو التقصير مننا كلنا بلا استثناء .. في ناس وراها ارتباطات وده عذرها
بس الناس الفاضيه مش بيدخلوا عشان السبب الشائع(المنتدى فاضي ولا فيه موضوعات..)
ولو حد دخل بيدخل يبص كده ويخرج ومكسل يكتب موضوع .. يمكن عشانه فاضي ويمكن عشان عارفين ان مواضيعهم مش هيترد عليها عشان فيه مواضيع ملهاش اول ولا ا خر بتغطى على الاقسام كلها وبنقول هيشتغل ف الصيف وكده بس ولا حياة لمن تنادي
انا من الناس دي وحاسه اقسم بالله بالتقصير كعضوه وكمشرفه جدا . اللي يتعاب عليهم احنا كلنا باستثناء اصحاب الظروف

طب ايه رايك نعمل دعوه للمنتدى ع الفيس من خلال الجروب بتاعه؟ ونكتب موضوع شبيه ب ده كده فيها
مش عارفه يا عمر .... انا بقول اقتراح كده
بس مش عارفه هنرجع زي الاول ازاي

تنشيط المنتدى عن طريق المجموعة الخاص بيه على الفيس نقطة مهمة برافو يا نجى إنك فكرتيني بالمجموعة هروح أنشطها دلوقت ..

عندك حق يا عمر
اناعن نفسى كنت سمعت ان المنتدى اتقفل ومحاولتش افتحو تانى غير بالصدفه
وبكتفى بمتابعه الجديد وبس
بس ان شاء الله هشارك معاكو ويا رب اكون خفيفه دايما عليكووو