حركة لا للتجنيد الإحباري - فكرة عامة

أيها السادة أرجو فقط من الصادقين الرد في هذا الموضوع
أيها السادة أرجو من المنافقين وأصحاب المزايدة في حب الوطن عدم الرد في هذا الموضوع

كتير مننا كشباب بيفرح جدا لما بياخد تأجيل أو إعفى من الجيش وكتير مننا عارفين إن الجيش وأسلوب الحياة فيه جحيم بالنسبة لينا مش لأننا (فرافير) لكن لأن كتير مننا ميستحملش إن كرامته تهان أو تهدر أو يقع ظلم عليه من داخل هذا المؤسسة لهذا كان هذا الموضوع مني لكم

مايكل شريف

حركة " لا للتجنيد الإجبارى "

هى حركة مصرية تم تأسيسها على موقع الفيسبوك فى 9 أبريل 2009 ، لمناهضة قوانين الخدمة العسكرية المصرية ، بهدف إلغاء نظام التجنيد الإجبارى ، و استبدالة بنظام تجنيد إختيارى- الحركة مهتمة أيضا بأعادة صياغة العلاقة بين المواطن و المؤسسة العسكرية ، لتعميق مدنية الدولة ، و رفض أى سلطات للعسكريين على المدنيين ، و الأرتقاء بالحرفية و التنظيم و المعايير الحقوقية داخل الجيش المصرى- الحركة غير منحازة سياسيا ، و أعضائها ينتمون لمعظم التيارات السياسية ، ولا توجد أى أعتبارات سياسية للحركة ألا تحقيق أهدافها فى القضاء على الخدمة العسكرية الإلزامية- جميع أعضاء الحركة مصريين ، و إن كان للحركة أصدقاء و شركاء فى دول أخرى ، جميعهم يطالبون بإلغاء الخدمة العسكرية فى دولهم
الأطار العام فى مصر- فى عام 1952 ، خضعت مصر لأنقلاب عسكرى من بعض وحدات الجيش ، حيث قام العسكر بمحاصرة القصر الملكى ، و إجبار الملك على الرحيل ، ثم قاموا بإلغاء الدستور المصرى ( دستور 1923 ) و إعلان الجمهورية و مصادرة الصحف و إلغاء الأحزاب السياسية ... منذ ذلك التاريخ و مصر تحت الحكم العسكرى ، يتبادل حكمها العسكر واحد تلو الآخر ، و حتى يومنا هذا يتحكم العسكريين فى كل شئ فى الحياة المدنية ، و كل من يرفض سيطرة العسكر على الحياة المدنية يلاقى أشد الضرر- قانون الخدمة العسكرية فى مصر يلزم جميع الذكور المصريين بالخدمة فى الجيش المصرى فترة تتراوح من سنة إلى 3 سنوات ، بدون مقابل مادى ، و هذة الفترة قابلة للزيادة إلى ما لا نهاية فى حالة محاكمة المجند محاكمة عسكرية داخل الجيش المصرى .

لماذا نرفض التجنيد الإجبارى؟


1) لأنة أستمرار لنظام العبودية ، فالتجنيد الإجبارى هو نظام يستعبد المواطنين ، و يسلب حريتهم ، و يجبرهم على العمل فى اعمال لم يختاروها
2) لأنة نظام سخرة ، يجبر المواطنين على العمل دون رغبتهم و دون مقابل
3) لأنة أنتهاك للحريات الفردية ، فكل مواطن يجب أن يكون حر فى كل أختياراتة بما فيها أنضمامة للقوات المسلحة
4) لأنة تعدى على مدنية الدولة ، فهو يمثل سلطة للعسكريين على المدنين ، مما يتعارض مع فكرة الدولة المدنية
5) لأن مفهوم الجيوش تطور مع الزمن ، و أفضل الجيوش حاليا هى الجيوش المحترفة ، و ليست الجيوش المجندة إجباريا

أهداف الحركة

1) إلغاء الخدمة العسكرية الإلزامية ، و أستبدالها بنظام تجنيدى أختيارى
2) إنهاء كل أنواع سلطات العسكريين على المدنيين ( المحاكمات العسكرية - تصريحات السفر - تعيين العسكريين فى مواقع مدنية )
3) السماح للصحافة بمراقبة أداء الجيش ، و فضح أى فساد داخلة ( إلغاء قانون حظر نشر اى معلومات عن القوات المسلحة )
4) ضمان حقوق المجندين داخل الجيش المصرى ، بكل الوسائل و الطرق ، لضمان سلامتهم و كرامتهم و حريتهم
5) إلغاء كل أنواع التمييز العنصرى داخل المؤسسة العسكرية ( على أساس الجنس أو الدين أو العرق أو الحالة الأسرية او أى سبب آخر )

الآلياتالحركة تسعى لتحقيق أهدافها بجميع الطرق السلمية الممكنة ، و اهمها

1) الحملات الإلكترونية ، و خصوصا على المواقع الإجتماعية ، بهدف توصيل الفكرة لأكبر قدر ممكن من الشباب المصري
2) طباعة كتيبات و بوسترات و ملصقات ، لنشر اهداف الحركة
3) الندوات و المحاضرات و ورش العمل ، فى الأحزاب السياسية و المنظمات الحقوقية ، فى المحافظات المختلفة ، بهدف نشر الفكرة ، و تدريب الناشطين
4) التقاضى أمام القضاء المصرى و الدولى ، بهدف إسقاط الشرعية عن قوانين الخدمة العسكرية الحالية ، و دفع البرلمان لصياغة قانون جديد يحترم الحريات الفردية
5) التحالفات السياسية ، و الحوار السياسى مع المهتمين و أصحاب المصالح من سائر التيارات السياسية
6) توفير غطاء دولى للحركة ، يضمن التواصل بين مناهضى التجنيد الإجبارى فى مصر بنظرائهم فى الدول الأخرى ، لتحقيق الدعم المتبادل ، و لحماية الناشطين المصريين من أرهاب النظام المصرى
7) المظاهرات و الأضرابات و الأعتصامات فى الأماكن العامة ، و أمام البرلمان و المؤسسات الدولية ، و مؤسسات الجيش
8) الضغط البرلمانى و التشريعى ، من خلال أقناع نواب البرلمان بأفكار الحركة ، و أقناعهم بتقديم مشروع قانون بديل للبرلمان لمناقشته

الجانب القانونىيرى أعضاء الحركة أن الخدمة العسكرية الإلزامية فى مصر ، منزوعة الشرعية و معدومة الدستورية ، و لذلك للأسباب التالية

1) التمييز على أساس الجنس : فالخدمة العسكرية إلزامية للذكور ، بينمى تعفى منها الإناث
2) التمييز على أساس الدين : حيث أن القانون يخفف مدة الخدمة لحفظة القرآن الكريم
3) قانون الخدمة العسكرية يصادر حق المواطنين فى السفر ، مما يخل بحرية التنقل و حق الهجرة الذين أقرهما الدستور و المواثيق الدولية
4) قانون الخدمة العسكرية يحرم المجندين و من لم يؤدوا الخدمة العسكرية من ممارسة الحقوق السياسية ، و هذا ينتقص من المساواة بين المواطنين
5) الدستور يؤكد على أن الجيش هو المؤسسة الوحيدة التى من حقها القيام بتنظيم تشكيلات عسكرية و شبة عسكرية ، بينما الشرطة تقوم بعمل تنظيم شبة عسكرى ( الامن المركزى ) و تجبر المجندين على الأشتراك فية
6) المواثيق الدولية تفرض على الدول وضع منظومة قانونية للرفض الواعى ، بينما النظام المصرى لا يحترم هذة القوانين
الحركة عضو فى- الأئتلاف العام لشباب الأحزاب و الحركات السياسية ( منذ 1 أبريل 2010 )
مستقبل الحركة فى حالة تحقيق أهداف الحركة ، تتحول تلقائيا لمنظمة متخصصة فى الدفاع عن حقوق المجندين و العاملين بالجيش المصرى

لمزيد من التفاصيل يرجى زيارة مواقع الحركة- Site : www.n4fr.com
Facebook: www.facebook.com/group.php?gid=88554461720

كلامك كويس ومشكلة الجيش انه بهدلة فظيعة
بس انا مش معاك فى عدم التجنيد لان معنى ذالك ان مفيش جيش لان مفيش حد هيتجند وبالتالى مفيش حد هيدافع عن البلد خاصة اننا مقبلون ع حرب قادمة
فلابد من الجيش مع انى اتمنى ان زمايلي ميدخلوش الجيش
بس الجيش مهم
شكرا ليك
موضوع كويس

الحريف كتب:

كلامك كويس ومشكلة الجيش انه بهدلة فظيعة
بس انا مش معاك فى عدم التجنيد لان معنى ذالك ان مفيش جيش لان مفيش حد هيتجند وبالتالى مفيش حد هيدافع عن البلد خاصة اننا مقبلون ع حرب قادمة
فلابد من الجيش مع انى اتمنى ان زمايلي ميدخلوش الجيش
بس الجيش مهم
شكرا ليك
موضوع كويس

منين عايز زمايلك ميدخلوش الجيش ومنين عايز ناس تدافع عن الجيش
يعني اللي مترضاهوش لنفسك ولزمايلك مترضاهوش لولاد الناس
ولا هو الناس يدافعوا عنك يا حريف بس أنت وزمايلك وأنتوا بس اللي ليكوا شغلكوا وليكوا مستقبلكوا ومش عايزيين تضيعوا وقت في الجيش
وبعدين أنت ناسي موضوعك مبرررررررررررروووووووووووووووووووك لحامد بربر على التأجيل
ومبروووووووك للخضر على الأعفى
لو سمحت بلاش نكيل بمكيالين

يعنى نسيب امن البلد اى حد يعبث بيه لان مفيش جيش
هل انت ترضي بكده؟

لو عملوا اختيارى يبقي مفيش حد هيكون فى الجيش
وكده مهما كان الجيش بهدلة فلازم جيش يدافع عن البلد

يا مايكل مينفعش التجنيد يبقى اختيارى و بالذات فى مصر لانه لو بقى كده ولا واحد هيدخل الجيش .فرضا انه بقى اختيارى وعدت علينا مثلا 5 سنين ومحدش رضى يدخل ووحصلت حرب ايه ياترى اللى هيحصل ساعتها؟؟؟؟؟؟؟؟؟؟؟؟؟؟؟؟؟؟؟

نفس كلامى بالضبط

واعلم ان مؤسسة الجيش من افضل مؤسسة
عمرى ما سمعت عن فساد كتير زى اى مؤسسة تانية
عارف ليه
لان وزير الدفاع راجل نضيف مش ايده ملطخة بالفساد
واللى عنده واقعة فساد غير اللى بيدفعوا علشان يخرجوا من الجيش
يتفضل ويقولها ؟
شكرا للعضوين سنيبر وعمر على ردهم الجميل