ايام ابتدائى ... قصيدة عامية من مؤلفاتى

فاكر ايام زمان
ايام ابتدائى
وفرحى اللى كان
وفصل تالتة تانى
وابلة حنان
الاحلام والامانى
والاحساس بالأمان

فاكر دودى الحزينة
والقميص الجديد
ولما نلعب فى الجنينة
كان يبقى عيد
وحصة الألعاب
وأستاذ عمرو
وكلمته الشهيرة
اللى فات مات

مات استاذ عمرو
وحصة الألعاب الجميلة
معتش ليها طعم
زى حاجات كتيرة

وعيون أميرة
وأحلى ذكريات
وحب الطفولة
قال ايه ..معجبات
ونظراتنا البريئة
فى حصة اللغات
اتخطبت أميرة
وحضرت الفرح
وعرف من عنيها
ان حبنا مات

يا أيام زمان
يا عمرى اللى راح
مكنتش احس بألــم
ولا كنت دقت جراح

الجرس ضرب
بنجرى فى الطرقات
واياد هرب
فى لعبة التعلب فات
ومحمود ضرب
على السندوتشات
سيف ده رزل
ومجدى أنانى
بسرعة نزل
وقعد مكانى
رحت لأمانى
قلت أقعد مكانها
استغربت وقالت
يا محمد ..تانى؟
وزعلت نهاد
عشان ببص لأميرة
فى حصة اللغات

وبناكل الفطيرة
وقعنا كتير حاجات
مقلمة وكراسة
وبوزو ومصاصة
وشنطة تقيلة على ضهرى
جميلة الذكريات
وبقول لبابا هات
طباشير طبى
عشان استاذ عماد

كراسة التعبير الصفرا
والزقوا التكت بالورب
هتحفظوا السورة ياولاد ؟
ولا نقضى الحصة ضرب
وخناقة بينا وبين البنات
مين الاول فى شهادة الشهر
ايمان ولا محمد ولا نهاد
ولا عملتها فينا طنط
عشان وكيلة المدرسة
تامر الأول بالأمر....

تمر علينا الليالى
وتلف بينا الأيام
ونلاقى الوشوش البريئة
شاخت م الألام
لكن البسمة الجميلة
بتترسم زى زمان
لما تتقابل الشلة القديمة
تانى ...
فى نفس المكان

لا تعليق
يكفينى الاحساس الى حسيته وانا بقرا القصيدة
ربنا يكرمك ويوفقك ويكبرلك موهبتك كمان وكمان
شكرا ليك

لذيذة اوووووووووى يا محمد وبجد جميلة
بالتوفيق دايما يارب

يااااااااااااااااااااااااااه
رجعتنى تانى لمدرستى القديمة
الشنطة اللى قطمت ضهرى .. و الواجب .. وحصة الألعاب
كراسة العربى لونها أحمر و الحساب أخضر و الانجليزى أزرق
خناقاتى مع أسامة اللى كان دايما يغيظنى لإنه الأول عشان اسمه بحرف الألف
و أنا الأول مكرر... رغم اننا جايبين نفس المجموع
بجد يا محمد ... الله علي قلمك
و شكرا عشان فكرتنى بأيام جميلة مش هترجع تانى
كالعادة جميل .. ربنا يوفقك
ايام ابتدائى ... قصيدة عامية من مؤلفاتى 928775

ايام ابتدائى ... قصيدة عامية من مؤلفاتى 928775

ايام ابتدائى ... قصيدة عامية من مؤلفاتى 166815

ايام ابتدائى ... قصيدة عامية من مؤلفاتى 302692

بجد يا محمد انا مش عارفة اعلق ازززاي بجد جامدة اخر حاجة
فكرتني بأيام زمااان انا كمان ايام لاتنسي ابدا وحصص الالعاب والموسيقي وشكلاتنا الكتيرة مع الاولاد
والشنطة التقيلة علي قد ما كانت الايام دي متعبة بس يا ريتها ترجع تاني بجد كلامك بسيط وجميل وقادر يوصل لينا كلنا .

يسلم قلمك يا محمد فكرتنا بألذ وأجمل أيام ،أيام الضحك والبراءة والشقاوة والشطارة والشيطنة ايام ما كنا لسه صفحة بيضه زي ما الجميل علي سلامة بيقول عنها
و احنا لسه فى إبتدائي
الوشوش كانت بسيطة
طاهرة لكن مش عبيطة
نرسم الأحلام خريطة
فى قلبها نقطة تلاقي

تمنياتي ليك بالتوفيق دايما ان شاء الله.

جيرسى كتب:: لا تعليق
يكفينى الاحساس الى حسيته وانا بقرا القصيدة
ربنا يكرمك ويوفقك ويكبرلك موهبتك كمان وكمان
شكرا ليك

لا تعليق ازاى وانتى كاتبة التعليق الرائع ده
يارب اكون دايما عند حسن ظنك بيا

شمس كتب:: لذيذة اوووووووووى يا محمد وبجد جميلة
بالتوفيق دايما يارب

انتى اللى لذيذة يا شمس
شكرا على تعليقك اللذيذ

freekeko كتب:: يااااااااااااااااااااااااااه
رجعتنى تانى لمدرستى القديمة
الشنطة اللى قطمت ضهرى .. و الواجب .. وحصة الألعاب
كراسة العربى لونها أحمر و الحساب أخضر و الانجليزى أزرق
خناقاتى مع أسامة اللى كان دايما يغيظنى لإنه الأول عشان اسمه بحرف الألف
و أنا الأول مكرر... رغم اننا جايبين نفس المجموع
بجد يا محمد ... الله علي قلمك
و شكرا عشان فكرتنى بأيام جميلة مش هترجع تانى
كالعادة جميل .. ربنا يوفقك

للأسف الأيام دى مش هترجع تانى
لو عملنا ايه
انتى عارفة ان مشاركتك ورايك انا بستناه
وكلام زى ده بيخلينى اخد مقلب فى نفسى
هههههههههههههههههههه
شكرا على مرورك

semsema كتب:: بجد يا محمد انا مش عارفة اعلق ازززاي بجد جامدة اخر حاجة
فكرتني بأيام زمااان انا كمان ايام لاتنسي ابدا وحصص الالعاب والموسيقي وشكلاتنا الكتيرة مع الاولاد
والشنطة التقيلة علي قد ما كانت الايام دي متعبة بس يا ريتها ترجع تاني بجد كلامك بسيط وجميل وقادر يوصل لينا كلنا .

على قد ما انا فرحان بكلمك ده
على قد ما انا زعلان انك مش بتكتبى خواطر او شعر
يابنتى انتى احساسك عالى
اقرى شعر كتير واكتبى اول ما تحسى انك شفافة او عايزة تحطى حاجة فى دماغك ع الورق
منتظر جديدك يا سمسم
والف شكر

Beatrice كتب:: يسلم قلمك يا محمد فكرتنا بألذ وأجمل أيام ،أيام الضحك والبراءة والشقاوة والشطارة والشيطنة ايام ما كنا لسه صفحة بيضه زي ما الجميل علي سلامة بيقول عنها
و احنا لسه فى إبتدائي
الوشوش كانت بسيطة
طاهرة لكن مش عبيطة
نرسم الأحلام خريطة
فى قلبها نقطة تلاقي

تمنياتي ليك بالتوفيق دايما ان شاء الله.

اقول ايه وأعيد ايه على ....على سلامة
كلامى مش هيضيف كتير
الراجل ده انا بموت فيه ومتابعه من ساعة ما كان فى الدستور المصرى
ولحد الوقتى لسه بتابعه على صفحات المصرى اليوم
من احلى الشعراء العاميين اللى قريتلهم فى حياتى والله
بجد عبقرى
شكرا لمرورك الكريم
تقبلى احلى بيس

زائر

ايام الابتدائى واعدادى ايام لا تنسى
رجعتنا الى فترة مش بعيدة لكنها كانت حلوة
انا عارف اللى انا اكتبه لا يوفى حقك فى الكتابة
تسلمى ايديك
وربنا يوفقك
دمت بالخير والسلام

يارب يخليك يا لؤى
شهادتك وشهادة جميع اللى ردوا بتحملنى بجد مسئولية مضاعفة وبتخلينى افكر الف مرة قبل ما انشر حاجة جديدة
شكرا لمرورك يا حريف

هي حلوه

بس انا مش عايشه مع القصيده علشان ما درست ف يمصر

ولكن بالنهايه تحياتي

**أسمى**

شكرا اسمى
طبعا الطفولة فى مصر تختلف عن اى دولة تانية
عشان كده محستيش معانيها او مفهمتيش كلامها

تقبلى تحياتى لمرورك الكريم

القصيدة حلو اوى
عجبتنى جدا فكرتنى بجد بايام طفولتى
ان شاء الله فى المستقبل هتكون شاعر مشهور (نتمنى ذلك)
دمت متالقا يا محمد

شكرا لوست لمرورك الكريم
وانتى اللى دايما متألقة
تقبلى تحياتى

محمدسميرهجام كتب:

semsema كتب:: بجد يا محمد انا مش عارفة اعلق ازززاي بجد جامدة اخر حاجة
فكرتني بأيام زمااان انا كمان ايام لاتنسي ابدا وحصص الالعاب والموسيقي وشكلاتنا الكتيرة مع الاولاد
والشنطة التقيلة علي قد ما كانت الايام دي متعبة بس يا ريتها ترجع تاني بجد كلامك بسيط وجميل وقادر يوصل لينا كلنا .

على قد ما انا فرحان بكلمك ده
على قد ما انا زعلان انك مش بتكتبى خواطر او شعر
يابنتى انتى احساسك عالى
اقرى شعر كتير واكتبى اول ما تحسى انك شفافة او عايزة تحطى حاجة فى دماغك ع الورق
منتظر جديدك يا سمسم
والف شكر

والله يا محمد في دماغي حاجة كدا بقالي كام يوم بس خايفة من رد الفعل هي مش خاطرة بس كام جملة كدا صغيرين
وممكن ابقي احطهم في كلمة اليوم قريب .

وكالعادة يخطو بنا عبر صفحات الزمان والمكان متألقاً بقلمه (بلوحة مفاتيحه) الساحر محمد سمير هجام . أقول أيه وأعيد أيه يا صاحبي , وأزاي يا وغد متبعتليش رسالة خاصة علشان أقرأ الجمال دا كله , دمت متألقاً ويا رب مشاغل الحياة متخليش موهبتك تصدي أو تندفن , وركز أوي في موضوع الصحافة اللي أنت قلتلي أنك بدأته دا , لأن مهما الحياة والشغل خدوك هتلاقي أن الموضوع دا حافز , وأحسن تمرين لعضلة الكتابة بتاعتك . سلامي ليك يا أجمل كاتب

ايه الجمال ده

عمر كتب:: وكالعادة يخطو بنا عبر صفحات الزمان والمكان متألقاً بقلمه (بلوحة مفاتيحه) الساحر محمد سمير هجام . أقول أيه وأعيد أيه يا صاحبي , وأزاي يا وغد متبعتليش رسالة خاصة علشان أقرأ الجمال دا كله , دمت متألقاً ويا رب مشاغل الحياة متخليش موهبتك تصدي أو تندفن , وركز أوي في موضوع الصحافة اللي أنت قلتلي أنك بدأته دا , لأن مهما الحياة والشغل خدوك هتلاقي أن الموضوع دا حافز , وأحسن تمرين لعضلة الكتابة بتاعتك . سلامي ليك يا أجمل كاتب

والله بحبك يا عمر
ربنا يخليك ليا ياواد
ويبقى عهد الصداقة اللى بينا عهدا ابديا لا ينقطع او تضعف اوتاره مهما مر من الزمان

متفائلة كتب:: ايه الجمال ده

ايه الاحراج ده
ههههههههههههه
ميرسى كتير ربنا يحبك يا متفاءلة

إحساس غريب و انا بقرأ هذه القصيدة، إحساس ملئ بالوفاء، شكراٌ على أيام زمان اللي عشناها
مع القصيدة، ربنا يوفقك

شكراً ليك أنت رقيق خالص

الله عليك يا محمد ا
مش عرفه بس انا حسيت كلامك اوى
انا بقراء وحاسه انى بتفرج وبسمع مش بقراء بس
بتفرج على شريط ذكرياتى وبسمع صوت اااااهاتى
الله عليك بجد ربنا يباركلك يارب

» فى عشرين سنة .... قصيدة عامية جديدة
» قصيدة ألوان ... من اكتر الحاجات اللى حبيتها من مؤلفاتى
» الى اخى الشهيد .... الى غزة حماس .... من مؤلفاتى
» اخى الشهيد ... الى شعب غزة... من مؤلفاتى
» مات قبل ان يولد ... خاطرة من مؤلفاتى