أهلا و سهلا بكم جميع أعضاء المنتدى الكرام ...
الجميع مشتغرب من العنوان : عيد قطع النور
و لكن الفكرة دى جاتلى
بسبب مواقف كثيرة حصلت لى
أولا : كثرة قطع النور فى مصر و فى أوقات غريبة جدا
( وقت الامتحانات وخصوصا بالليل .... عشان كل يصئت و محدش يراجع )
( بعد الفطار ... عشان محدش ياكل و يوفروا على الحكومة شوية )
و غير كده قطع النور فى المستشفيات و المصانع و ده بيسبب خسائر مادية كبيرة و
المفروض انه يكون فى مولدات فى الأماكن دى بس طبعا ده فى الاحلام بس
و على رأى محمد هنيدى فى فيلم ( بلية و دماغه العالية )
ليه كل ماالكهربا تقطع النور يقطع ؟
فعلا أول مالكهرباء تقطع
لا نور ولا مية ولا هوا .... يبقى ناقص ان الواحد يموت أحسن
ثانيا : وأنا بتمشى فى وسط البلد من كام يوم
لقيت محل كبير فى وسط البلد كات يافطة
( بمناسبة انقطاع التيار الكهربى .... كشاف دينامو ب ... )
وصل الحال الى استغلال البنى ادمين لقطع النور اهو كل واحد بيلقط رزقه
فانا بقترح اننا نعمل عيد نسميه قطع النور
مصر مليانة اعياد كتير ملهاش لزمة ... اوعى يكون فى حدهنا من الحكومة
بس على الاقل العيدده هيبقى ممتع
ازاى ؟
يعنى لما النور يقطع طبعا مش هيكون فى هوا
هتمسكلك ورقة او كراسة فى ايدك و تهوى اهو منها يجيلك هوا ومنها رياضة برده
و كمان تولعلك شمعتين كده و تعيش جو رومانسى وتكلم حبيبتك بدل ماتروح تعزمها على حاجة بره و تدفع دم قلبك ... اوعى حد يفهمنى غلط
و احلى حاجة ان العيد ده مش هيكون يوم زى اى عيد
لأ ده هيكون كل اسبوع طبعا عشان النور بيقطع كتير
واخيرا هختتم موضوعى بكلمة
هى دى مصر
الثلاثاء 7 سبتمبر 2010 - 3:51