اغانى الجامعيين !!

طبعا كلنا عارفين ان شباب الجامعات كل واحد فيهم له نظام فى حياته واكتر الشباب وهما طالعين رحلات بيحبوا أنهم يغنوا ويرفهوا عن نفسهم

بس نتفق كده من الاول مفيناااااااااااش من الزعل




مثال
الترمات الحلوه.......الترمات الحلوة .........بتعدى فى ثوانى

الترمات الحلوة......الترمات الحلوة..........ما بترجعش تانى

طعم الحزن اتغير..........وقت نجاحنا قصير.......ترم بننجح ترم بنسقط ......والله دي حاجه تحير

ناس بتعيد وسعيده.........وناس اخرتها معيده.......وناس كل ما بتعدى في ماده بتشيل ماده جديده

وفى عز سقوطنا وفى دمعنا تيجى دكاترة وتزلنا ...............الدكاترة بيسّقطوا .........وأهالينا بيسّوطوا

وادي حكايتنا وادىقصتنا...........وادى نتيجتنا اخر السنه اخر السنه

ربنا يسترررررررررررر






وادى اغنيه كمان

دخلت زراعة برجليا .........دخلت ولا سموا عليا
وطلعت منها بعد سنين ........ساحب جاموسه فى ايدايا


دخلت تجارة برجليا .........دخلت ولا سموا عليا
وطلعت منها بعد سنين ........معرفش اعد على ايدايا


دخلت تربية رياضية.........دخلت ولا سموا عليا
وطلعت منها بعد سنين ........كورة شراب اد الدنيا

دخلت تربية برجليا .........دخلت ولا سموا عليا
وطلعت منها بعد سنين ........صابع طباشير اد الدنيا

دخلت علوم برجليا .........دخلت ولا سموا عليا
وطلعت منها بعد سنين ........لا افهم فى فيزيا ولا كيميا

دخلت اداب برجليا .........دخلت ولا سموا عليا
وطلعت منها بعد سنين ........ساحب مووووزه فى ايدايا

دخلت طب برجليا .........دخلت ولا سموا عليا
وطلعت منها بعد سنين ........اول عيان مات فى ايدايا

دخلت هندسة برجليا .........دخلت ولا سموا عليا
وطلعت منها بعد سنين ........ابنى العمارة تقع بيا

دخلت حقوق برجليا .........دخلت ولا سموا عليا
وطلعت منها بعد سنين ........مطلوب فى جنحة عاطفية

دخلت خدمة اجتماعية.........دخلت ولا سموا عليا
وطلعت منها بعد سنين ........سرفيس كبير اد الدنيا




بس من غير زعل
يارب تعجبكم