إبراهيم حسن يُرجع نتائج الزمالك السيئة إلي عمل سحري

يعتقد إبراهيم حسن مدير الكرة بالزمالك أن تراجع نتائج الفريق مع بداية الموسم الجديد سببه عمل موجود داخل غرف تغيير الملابس في ملعب حلمي زامورا.

وقال حسن في تصريحات لإذاعة الشباب والرياضة إنهم اكتشفوا أن حوائط غرفة تغيير الملابس مشققة ومكتوب عليها عبارات مما فسره بأنه عمل سحري ضد الفريق.

وحقق الزمالك فوزاً وحيداً منذ بداية الموسم الكروي الجديد على حساب بتروجيت فيما تعادل مرتين أمام حرس الحدود والجونة وخسر من انبي.

وتغيب البطولات عن النادي الأبيض منذ عام 2008 حين توج الفريق بكأس مصر على حساب انبي.

وتابع مدير الكرة: "الفريق يتعرض للمحاربة من الجميع خاصة داخل النادي وكل شئ مذكور في القرآن".

فى ايه يا بروف انت بتجيب سيرة الزمالك ليه دا احنا كويسين مع بعض يعنى وعلشان نفضل كويسين ملكش دعوة بالزمالك خااااااالص واعتبر دا تهديد
بس بامانه انت مش شايف تحسن للزمالك بعد ما حسام حسن مسكه بس بامانه رد بصرف النظر انك اهلاوى.

بص يا معلم انت تغلط فيا تغلط فيك تغلط فى اى حد الا الزمالك
ابعد عن السكه دى وخليك متابع فريقك بسكون وهدوء وملكش دعوه بينا

هههههه
هو انا عملت حاجة
ده خبر ولقيته
الزمالك نادى محترم وحسام حسن بيحاول يرجع الزمالك الى الافضل وده مش هيكون فى يوم وليلة
الزمالك نادى محترم وانا اهلاوى بقول كده
شكرا ليكم

انت من امتى بتشجع الزمالك يا سكوربيون

لا ده اسكوربيون
معانا من زمان بس كنا عاملينه جاسوس
سلمت يمينك يا حلبى قصدى يا سكوربيون

بجد انت قلبت وانا معرفش
اخص اخص
انت بقي فرحان يا هلك ان سكوربيون زمالكاوى
افرح يا عم مين قدك

طبعا حبيب قلبى سكوربيون ولازم افرحله

طبعا طبعا
بس اشك ان سكوربيون زمالكاوى
هو اهلاوى يا هلك وهو بيقولك كده علشان متزعلش

هههههههههههههههههه
عمل وسحر وعين رزيه كمان
ده اللعيبه بيعملو كل حاجه الا الجون

بس العمل ده طول قوى اكتر من اربع سنين
ع الله يكون الى جاى احسن حد يكره

شكرا يا ارت
نورت الموضوع