رأيــــك يهمنا

الموضوع سهل جداً .. هنعرض مشكله قوميه سواء في السياسه أو في الإقتصاد أو .. أو .... في شئون الدوله بشكل عام و تكون بتدور ع الساحه و شاغله بال الناس و المطلوب نشغل الجمجمه و نفكر نناقش الحل للمشاكل دي من وجهه نظرنا كمواطنين و إزاي نتغلب عليها..

:: و هنبدأ بالموضوع دا ::

إيه رأيكو في المشكله اللي بتدور دلوقتي الخاصه بالكهربا و المايه ؟؟ كل شويه المايه تقطع و بتطول و الكهربا تقطه بالساعات قال ايه بيوفروا لان الحمل زاد

..

ياتري إنتو شايفين الحمل زاد من ايه ؟؟ ولا مفيش حمل زياده أساساً ودا تقصير من الحكومه ؟؟؟ و إزاي نحل المشكله دي لاننا منقدرش نستغني عن المايه و الكهربا أكيد ..

عايزين نناقش المشكله بشكل موضوعي و أتمني التفاعل ...،

بـــيـــس

مسؤلين تعبانين بيعملوا قوانين بدون فهم
تخفيف الحمل ده بيؤدى الى موت المرضي فى المستشفيات زى المرضي فى العناية المركزة اللى محتاجة اجهزة فلما تطفى الكهربا لمدة ساعة عاوز المريض يكون زى الحصان ههههههههههههههههه
اهمال وغباء من المسؤلين
بس للامانة الكهرباء معدتش بتطفىء من نص رمضان لانهم اهتموا بالكهرباء
اما المياه لان فى حرب بين دول افريقية وبين مصر والحرب القادمة هى حرب المياه

والمصيبة الغاز بيتصدر بملاليم الى اسرائيل وبعد ازمة الكهرباء بنستورد الكهرباء من اسرائيل باضعاف تمنها
يبقي ده ايه
غبااااااااااااااااااااااااااااااء

اولا موضوع رائع يا سكوربيون بحييك عليه جداااااااااااااااااااااااا يا عبقري رأيــــك يهمنا 166815

ثانيا... بالنسبه للمشكله دي فتقريبا كده انت تقصد دمياط القديمه .. لان ف دمياط الجديده مكانش في كده الي حد كبير وان كان ده بيحصل فنادرا

بس ارجع واقول ان ده خلل كبير جدا ف نظام ترشيد الطاقه ف البلد سواء ميه او كهربا ... لان لو في توزيع عادل هيكون في استهلاك عادل ومعقول وبالتالي مش هيحصل اي ضغط ف الموارد الرئيسيه دي

رأيــــك يهمنا 632484

جميل الموضوع يا سكوربيون
بصى يا معلم انا كنت متابع عمرو اديب فى المشكله دى بس مكانتش ظاهره اوى فى دمياط
كانت ظاهره فى القاهره فى بعض الاحياء وكان النور بيقطع
على طول لمده 2 او 3 ساعات فى مناطق ومتواصل كل يوم كلموا المسئوليين قالوا ده بسبب كثره المكيفات(مش الشاى والقهوه)
هههههه
وقالوا ان الحكايه دى هتستمر لحد ما موجه الحر تخلص
قالولهم ايه المشكله قالو ان وزاره البترول بتقلل الحصه اللى بتوصل لمحطات توليد الكهربا اللى بتشتغل بالمازوت
بسبب ايه بسبب الغاز اللى بيتصدر الى اسرائيل
طن طن طا
شكرا يا معلم على المواضيع الجامده دى

موضووووووووووع جاااااااااامد يا سكوربيون ...
يلا بالتوفيق ان شاء الله .. واحــــــــــــنــــــــــــا مـــــــعـــــــــــــاك... رأيــــك يهمنا 166815

واضح كدة ان مصر حابة تتصدى للاحتباس الحرارى فبتقطع الكهربا. رأيــــك يهمنا 62621

لا بجد شىء مؤسف ان مصر أم الدنيا تقع فى هذه المشكله مصر تعتبر من اكبر الدوله فى العالم لتوليد الطاقه الكهربائيه بها محطات توليد كهرباء كثيره ومن بينهم بعض المحطات التى لم تدخل الخدمه حتى الان ولا نعرف سبب قطع الكهرباء واسباب تافهة يختروعها وفى الاخر يقولوا لترشيد استهلاك الكهرباء..

وبعدين يجى حسن يونس فى التليفزيون يقولك انا هعاقب المسؤولون اللى بيقطعوا الكهرباء لاكتر من ساعة ,, ايه السخف دة وهما يعنى المسؤولين دول هيتحركوا بدون علمك يا كبييييييير رأيــــك يهمنا 205251

ودلوقتى شغالين فى مشروع اقامة المفاعل النووى بمنطقة الضبعة اللى اصلا الفكرة دى كانت من عام 1962وعجبى رأيــــك يهمنا 62621

اقتباس :: ياتري إنتو شايفين الحمل زاد من ايه ؟؟ ولا مفيش حمل زياده أساساً ودا تقصير من الحكومه ؟؟؟ و إزاي نحل المشكله دي لاننا منقدرش نستغني عن المايه و الكهربا أكيد ..

مش بقولك يا واد لو كتبت زي بلال فضل وعمر طاهر هتنجح

بص يا سيدي أنا معاهم إن فيه ضغط جامد على الشبكات وإن البنية التحتية مش هتكفي كل الناس ..لكن فيه سؤال واحد عندي ...فين المحطة النووية اللي الرئيس وعد بالبدأ فيها من 3 سنين ؟!

دي هتوفر على الدولة ميجاواطات تكفي الضغط اللي موجود على الشبكات والمحطات الحالية بل وتوفر كمية كهربا تكفي قرى ونجوع جديدة عمرها ما شافت الكهربا وعايشين برة التاريخ ...شكراً ليك يا سكوربيون على الطرح وموضوع هيبقى جاااامد لو فضلت ماسكه صح رأيــــك يهمنا 661769

موضوع المايه و الكهربا دا ليه أبعاد كتير جداً .. أولاً الكهربا ::

تعرفو ان عندنا الكهربا المفروض متتقطعش ولو حتي ثانيه واحده الكهربا عندنا لإن عندنا فائض يكفينا و زياده .. لإن عندنا

1- توربينات و مولدات موجوده في السد العالي و في كل السدود في كل حته مصر ..

2- و غير كدا كمان عندنا توليد الكهربا بطاقه الرياح (اللي هي المراوح و الطواحين) الموجوده في الغردقه و شرم الشيخ و الواحات ..

3- و دا كمان غير طاقه الوقود

..

و معلومه مهمه جداً لازم تعرفوها إن مصر لو إشتغلت بطاقه الكهربا المولده من السد العالي بس هتشتغل فل و إشطه و 10/10

..

بس اللي حصل كالتالي الحكومه الحاليه عملت تصدير للموارد اللي تكفي البلد من غاز و كهربا و مايه .. و المفروض ان الموارد الأساسيه اللي بيعتمد عليها البلد بشكل هائل متتصدرش ولا يتاجر فيها بأي شكل و دا شكل من أشكال الفساد طبعاً.

ثانياً المايه .. مصر حتي لو دول حوض النيل عملت اللي عاوزه تعمله دا المايه هتوصل و كل حاجه و مش هنحس بأي فرق لكن تعمل ايه في الطمع اللي وصل لدرجه مد مواسير مايه بره دولتنا و كمان الإسراف في إستخدام المايه الغير مبرر ..

أما مشكله تصدير الغاز لـ اسرائيل ..( يا راجل متدقش دول اخواتنا و عاملين معاهم تطبيع )

و سوري لو طولت عليكو رأيــــك يهمنا 632484

ههههههههههههههههههه

جميل

طب خد عندك

تعرف ان الغاز بيتصدر لاسرائيل باقل 3 اضعاف من سعره العالمى

وقال ايه بيحاولوا يزيدوا السعر واسرائيل مش راضيه عشان التفاق كان على سعر ثابت

بالله عليكم ده كلام

هى اسرائيل ماسكه على مصر ذله ولا ايه

وبعدين السد العالى زمان ممكن يا سكوربيون كان يكفى انما الوقت النمو المتزايد فى احتياجات الطاقه بنسبه 3%

يعنى كل 1% نمو بيقابله 3%

يعنى فى نقص فى الطاقه

وبعدين مصر بتصدر طاقه للاردن وكمان بتفكر فى تصديرها لدول جنوب اوربا

بعدين لو حسبتها هتلاقى ان فى ناس بتلاقى دعم ما تستحقهوش

اللى مركب تكييفين وتلاته والمحلات اللى بتسرق من عواميد الكهرباء كل ده حمل زياده من غير ما يحسوا

وبعدين ازمه الشعب المصرى

غياب الصيانه

اى حاجه بدون صيانه لازم تتهلك وتبوظ

انما فى الدول التانيه فى اوقات للصيانه الدوريه

انما احنا شغالين بالبركه ودعاء الوالدين

إنتا دماااااااااااغ يا مان بجد كومنت أجمد و أجمد والله .. يعني المشكله تقريباً تتلخص إن مصر بتتاجر في السلع الأساسيه اللي تقضينا إحنا و بس من طاقه و أكل. مصادر الطاقه اللي عندنا لو خلصت هنعيش في ظلام أبدي و هنتشرد و هتبقي كحرطه .. دي عيشه ايه يا ربي .. !!!

رأي بيس بيس بيس يا مان رأيــــك يهمنا 219975

الحق شوف اول طياره على اى بلد عندها صيانه يلا

شكراً لكل اللي قالوا رأيهم و شاركوا في الموضوع بكل موضوعيه و بجد كلها آراء كوووووول و لازم كلنا نشارك و يبقي لينا صوت و منبقاش عايشين و خلاص رأيــــك يهمنا 632484

..

الموضوع الجديد :: إقرا المسا أهرام مسائي .. أخبار أهرام جمهوريه و مسا "الجنيه وقع يا رجاااااااااله " إقرا يا باشا الجنيه وقع !!!!

..

يا تري إيه أسباب الإنتكاسه اللي حصلت للجنيه و كل شويه بيقع ع بوزه كدا و محدش بيتصرف و كله بياخدها عادي ولا كإن حاجه حصلت .. و إيه الحلول المقترحه عشان نعلي قيمه الجنيه تاني ؟!!

قيمة أي عملة في أي بلد مرتبطة بإنتاج البلد المحلي ..قولي أحنا بقى بننتج أيه ..طيب بلاش كدا قولي إحنا كنا بننتج أيه وخربوه ..مصانع الغزل والنسيج والأسمنت والألومنيوموعمر أفندي وغيرهم وغيرهم ..كل حاجة محطوط عليها يافطة قطاع عام اتحولت لتورتة وكله بيحاول ياخد أكبر قدر منها ..تسريح العمال بدعوى إن الشركة خسرانة ...بيعها لأي مستثمر ومش عارف ليه دايماً بيكون مش مصري , وبعد كدا نقعد نقول ليه الجنيه كدا ..!

طب اوكي كلام عمر صح في اننا مش بننتج شيء عشان قيمة العملة ترتفع

بس فيه عندنا قناة السويس وفيه ناس كتير بتقترح جعل رسوم قناة السويس بالجنيه المصري

واعتقد ان النواة الاولي في الاقترح دا كانت من السيد/عمرو موسي ايام ما كان وزير الخارجية

اعتقد دي فكرا كويسة جدا برغم صعوبة تطبيقها او استحالة تطبيقها بس لا انكر انها فكرة جيدة

وممكن ترجع للجنيه قيمته كعملة ولمصر قيمتها كدولة لها كرامة تحترم

المشكله هي الخصخصه اللي جعلت كل فرد في الدوله يفقد احساسه بالامان فيها

الخوف بقا لو صحينا في يوم لقينا الدوله كلها اتباعت ومالناش مكان فيها

والاكيد ان اللي هيشتريها مستثمر اجنبي ...العالم كله عارف موارد الدوله دي اد ايه الا احنا

او بالاصح عارفين وبنطنش .....ومستنين حد يجي يشتريها ويقدر قيميتها

بعد كدا بقا هنسال ليه الجنيه المصري بقا كده ...انا شايفه ان الجنيه المصري وقع زي ما بتقول يا سكوربيون

لان مفيش مشاريع محليه تستثمره ومفيش تسهيلات بتقام للشباب علشان يحاولوا يثتسمروا شبابهم هنا

مش في اي بلد تاني عن طريق هجره غير شرعيه .....الموضوع كبير وعلشان يتحل لازم نوقف نظام الخصخصه ونرجع ثقه شباب مصر تاني في نفسهم وفي ابداعاتهم اللي ممكن تغير كتير

واللي هتحسسهم بالانتماء وبكده هنقضي علي الهجره غير الشرعيه .....

يعني المشكله في الحكومه اللي وللاسف اهدرت حق المصري في بلده ....والجنيه المصري يعتبر من اوائل اللي وقعوا .... رأيــــك يهمنا 205251

اسفه علي الاطاله ...وشكرا لان فكره الموضوع اكثر من رائعه رأيــــك يهمنا 166815

أنا شايف إن أسباب وقوع الجنيه زي ما مستري قالت و هي الخصخصه و كمان عده أسباب :::

..

إقتصاد أي بلد و نموها بيعتمد إعتماد أساسي علي الإنتاج و التصدير .. و الإنتاج محتاج لعماله .. العماله دي بتاخد أجور و بيطلبوا زيادات من خزينه الدوله

..

بس مفيش فائض ولا ربح من الإنتاج اللي بيتصدر يقبض منه العماله .. عشان كدا الحكومه بتضطر تلبي طلب العماله (الشعب) دي و تزود مرتباتهم عن طريق طبع مزيد من النقد

..

طبعاً النقد لو ملوش مساوي في خزينه الدوله من دهب و فضه و نقد أجنبي هيأدي لحاجه إسمها (تضخم) .. معناه كميه كبيره من النقد مقابل كميه قليله من السلع

..

لما النقد يزيد المرتبات هتزيد و كله هيبقي عنده قدره ع الشراء بعد ما كان كميه قليله من الشعب بس اللي بتشتري .. و نفس الوقت الكميه قليله مش هتكفي كل اللي بيشتري .. فهيضطروا يوقفوا التصدير بعد ما كانوا بيصدروا عشان يكفوا إحتياجات المواطنين .. و بالتالي (قيمه الجنيه العالميه بتقل)

..

عشان يعلو قيمته هيفرضوا ضرائب و يخترعولنا حاجات ومسميات كتير و آخر حاجه كانت الضرائب العقاريه (زي ميكون ساكن عند الحكومه بإلإيجار كدا) و طبعاً القانون دا ابتدع لإن كان في توقع مسبق للأزمه بتاعه وقوع الجنيه عشان كدا فرضوها .. بإختصار إحنا بنتوقع المشاكل كويس بس طرق معامله المشاكل و حلها طرق عقيمه و مش بتجيب أثر .. عشان كدا الأزمه هتفضل مده مستمره لحد ما الدولار يقع أو تحصل أزمه إقتصاديه تانيه

..

بالنسبه للوسائل المقترحه كحل سريع لإحياء الجنيه اللي مات إكلينيكياً و بيلعب في الوقت الضايع .. الرسوم الجمركيه في الموانئ و المطارات تعتبر حل بس مش بالنقد الأجنبي (بالنقد المحلي) لإننا هنجبر الدول الأجنبيه تشتري عملتنا و دا هيأدي لإنتعاشه بسيطه ..

..

سوري ع الإطاله بس موضوع مهم نعمل ايه بقا .. ربنا يصلح الحال

نسهلهل شويه يا ميسو

يعنى هتروح تجيب مثلا كيس عيش ب 20 جنيه

هتلاقى العيش هو هو

لكن قيمه العمله اللى فى ايدك هى اللى قلت جدا

بس بدل ما هتقبض 1000 جنيه

هتقبض 10000

بس برضه هتبقي هى هى

جود مثال يا بومبو .. يا خطر إنتا يا خطر تنفع مدرس يا مان رأيــــك يهمنا 928775

اقتباس :: بالنسبه للوسائل المقترحه كحل سريع لإحياء الجنيه اللي مات إكلينيكياً و بيلعب في الوقت الضايع .. الرسوم الجمركيه في الموانئ و المطارات تعتبر حل بس مش بالنقد الأجنبي (بالنقد المحلي) لإننا هنجبر الدول الأجنبيه تشتري عملتنا و دا هيأدي لإنتعاشه بسيطه ..

اقتباس :: بس فيه عندنا قناة السويس وفيه ناس كتير بتقترح جعل رسوم قناة السويس بالجنيه المصري

المشكلة يا جماعة إن دي تعتبر تقريباً مصادر العملة الصعبة الوحيدة اللي عندنا اللي نحتاجها علشان للأسف في دولة طول عمرها بتصدر قمح نستورد قمح وموارد تانية كتير ..ودا يرجعنا للمربع صفر من تاني ..الأنتاج أنتج = سيد قرارك= ارتفاع قيمة العملة الشرائية لبلدك .

اللى اتكلموا اتكلموا عن قناة السويس والكلام ده
نسيتوا ان الجنيه المصري ملهوش قيمة نتيجة ارتفاع الاسعار
اصبح 100 جنيه ملهاش قيمة
اللى عاوز يعيش صح فى الزمن ده لازم مرتبه 4000 جنيه وميكنش عنده عيال سعتها هتعرف تعيش
الجنيه بقي زى 100 جنيه ملهاش قيمة فى زمن ارتفاع الاسعار بشكل جنونى

شكراً لكل اللي قالوا رأيهم و شاركوا في الموضوع بكل موضوعيه و بجد كلها آراء كوووووول و لازم كلنا نشارك و يبقي لينا صوت و منبقاش عايشين و خلاص رأيــــك يهمنا 632484

..

الموضوع الجديد :: مبارك الرئيس الوحيد اللي إحتفظ بمنصبه أطول فتره في القرن العشرين (في تقرير لواشنطن بوست) !!!!

..

طبعاً طول المده بتاعه اي رئيس بتكون عشان عصره مليان خيرات و زهو و تنميه و رخاء و عدل .. عاوز الكل يدخل يقول إيه مميزات الفتره اللي حكمنا فيها؟؟ و إيه العيوب ؟؟ و ليه عاوزين نغير .. مهو أكيد في سبب لطلب التغيير .. يللا نناقش

..

بــــيــــــس رأيــــك يهمنا 219975

شكراً لردودكو

اولا يا ميسو باشا فى اللى بيقول ان الفتره اللى مرينا بيها دى مش فتره استقرار

بل تبلد سياسي بما معناه مفيش حركه مفيش تغيير لا فى السياسه الخارجيه او الداخليه

ما تقدرش تنكر ان فى انجازات لكنها لا تنسب لمبارك او للحكومه انما تنسب للهيئات باكملها

ولو جيت تبص للانجازات هتلاقيها لا شيء بجانب السلبيات سواء اقتصاديه سياسيه او حتى على الصعيد الدولى

( موقفنا من الجانب ااسرائيلى والامريكى وانشغالنا بمعارك اعلاميه وهميه مع قطر وايران واخيرا الجزائر)

للحديث بقيه رأيــــك يهمنا 977193

عمال ارفع اي مواضيع علشان تبقى وش القسم السياسي بدل الحريف اللي قاعدين نتكلم عنه ليل نهار

مميزاته وعيوبه في بعض خلطبيطة يعني الاستقرار اللي لما طول بقى ركود - السلام اللي حافظ عليه لكن في احيان كتيرة جه على كرامتنا السلام دا - المشاريع التنموية اللي ماشية ببطأ شديد جداً...لكن هنقول ماشية .

» وسع وسع يااااااااااا عمناااااااااااا عيد الميلاد ده لحد يهمنا