عيد ميلاد الصديق العزيز Agient-13

صديقي العزيز agient-13 في فترة من الفترات كان أحد أعمدة المنتدى ..منساش يوم ما قلتله في يوم أنا عملت منتدى قالي منتدى أيه يا ابني أنت أهبل فاستغربت من ردة فعله ..بعدين لقيته قام شاددني من أيدي كدا وقعد لف بيا على ناس مكنتش اعرفهم ساعتها ..كان بلا مبالغة أول واحد يعمل دعاية للمنتدى ..منساش أول مرة اتعرفت عليه ولما طلب من حامد أني أروح معاه دورة الشطرنج كان أول واحد يفتحلي باب المسابقات والمعسكرات وخلافه..منساش أول مرة قابلتو فيها بعد ما رجعنا من أول سفرية للمنصورة وضحكنا لبعض ضحكة من القلب عرفت بعدها إن دا هيكون صديق من اللي بيبقعوا في الهدوم ميطلعووووش ..الأنسان دا فعلاً على قد ما جيت في فترة زعلت منه جداً على قد ما ابقى ظلمته لو موزنتوش بحسناته وسيئاته

أفتح كرسي الاعتراف هتلاقي في اوله مين كان آيجنت وازاي كان بيتفاعل مع الناس ولا بلاش تفتح كرسي الاعتراف أجيبهولك لحد عندك...كان سألني في مرة احلل شخصيته منها لله كريزي مسكتني بعدها وقالتلي لو فرويد طلع من تربته هيجري وراك بعصاية ..

agient13 كتب:

عمر كتب:

يادي تحليل شخصيتك يا جنايني : في الفترة اللي عرفتك فيها واللي تعتبر مش كبيرة قدرت أحدد بعض النقاط نبدأ بالأيجابية منها : الذكاء والهدوء , تعبيرات وشك مبتخونكش بتحاول (على قد ما تقدر) متشتمش . عندك جاذبية من نوع خاص نقدر نحددها في كلمة واحدة (التلقائية) يعني مبتصطنعش ردود فعلك وكلامك خصوصا مع البنات . السلبيات مفيش عندك مشكلة إنك تكذب (لكي تتجمل) لو لقيت نفسك هتتهزم سواء في مناشة مواجهة لعبة ممكن تلجأ لأسلوب خسيس :D أذكر مثلا قبل حرب 73 :roll: , قصدي....زي مثلا إنك تفكر اللي قدامك أنك أكبر منه حتى ولو بسنة واحدة أو إنك تقول اللي قدامي أخد وقته ي التفكير أكثر مني ولو رجع بيا الزمن كنت منعته لأن دا اللي خلاه يغلبني , أو إنك تبادر اللي قدامك بالهجوم لما يكون الغلط عليك (منساش لما أتأخرت عليا أنا وعمرو ثاني يوم سفر للمنصورة) في الأول أعتذرت وبعدين لما عمرو سلامة حطك في خانة اليك بادرت بالهجوم , برضه لما تكون ماشي مع واحد عيب أنك تسيبه وتقف ربع ساعة تتكلم مع واحدة , دي صفة أكرهها أوي في البني أدم , نقول أيه كمان دايما حاطط نفسك في مقارنة مع أقرانك , ودي إلى حد ما ميزة أكثر منها عيب , ميزة لو كنت بتقارن وتصلح العيوب اللي عندك وتحسن من مستواك في شيء معين وعيب , لو كنت بتحبط من نفسك بالمقارنة دي لأنها بتحول الشخص لحسود :cyclops: ودي صفة الحمد لله مش فيك . أختم وأقول أن أنا مر عليا أشكال وأصناف من البشر قدرت أنك ترقي نفسك من وسطهم بسرعة عجيبة علشان أطلق عليك لقب صديق عزيز .الدور عليك أنك تحلل شخصيتي ...لكن مش هتعرف ;)

ممتاز جدا
تحليلك ممتاز جدا
اشكرك عليه
انا عاوز اققلك حاجه واحده بس انى بحاول اعرف الناس شيفانى ازاى
مش قلة ثقه فى النفس لكن مراجعه للنفس
انت نسيت تقول ان انا ثقتى زايده جدا وفيه بيعتبرها غرور لكن الى يعرفنى كويس زيك كدا عرفين انى مش مغرور
اما بخصوص تحليل شخصيتك فانت لسه قايل انى ممكن اتعامل بخسه ودنائه
سورى يا مان الحياه صعبه مووووت
وقتك من دهب
انا مش هعرف احلل شخصيتك
:twisted: :twisted: :twisted:
;) ;) ;) ;) ;) ;)
:lol!: :lol!: :lol!: :lol!:

لأ بجد الواحد شاف مع الواد دا أيام جميلة برة وجوا المنتدى فكل سنة وأنت طيب يا ابن الشششششعب

وربنا عالم اللي في ضميري

كل سنه و أنت طيب يا عميل 13 ويــــــــــــــــــــــــــــــــــــــــــــــــــــــــــــــــــــــــــــــــــــارب تحقق كل أحلامك الى بتتمناها

والله كنت هعمله بس انت سبقتنى
لو انت بشوفه قوله الحريف بيسلم ويقولك كل سنة وانت طيب وعقبال مئة سنة
وقوله محمد منصور بيسلم اوى عليك ويقولك كل سنة وانت طيب

ويارب تكون فى افضل حال

كل سنة وانت طيب .. عقبال 100 سنة

كل سنه و إنتا طيب يا ماااااان و عقبال 1.000.000 سنه كدا صحه و شباب و بجد واحشني جدااااااااً يا بومبو ..بــيــــس

كل سنه وانت طيبه وعقبال 100 سنه

كل سنه و انت طيب ..... عقبال مليووووووون سنه

والله الجن واحشنى

ابقي سلملى عليه

Happy birthday ((:

عيد ميلاد الصديق العزيز Agient-13 484978

وانتوا طيبين كلكوا ربنا يكرمكوا جميها

كل سنة وانت طيب يا جنايني
ربنا يوفقك في حياتك وتكون كلها سعادة وخير

» عيد ميلاد الزميل العزيز الجميل moon lover
» كلنا ندخل نقول ل agient 13 كل سنه و أنت طيب
» مسجات اعياد ميلاد-رسائل عيد ميلاد
» عيد ميلاد الليلة مين عيد ميلاد magic
» الصديق الحقيقي