من تجارة لحضارة ... يا دوك لا تحزن

قالولي خش كلية تجارة
قلت وماله التجارة شطارة
وفجاة لقيتني جوه عمارة
ساكن فيها وعندي مهارة
اني ازوغ فيها م الحارة
والكلية انا ليها ما باروحش
والامتحان كان زي الوحش
هجم عليا والواد ما فالحش
اه والله الواد ما نجحش
قلت احول تاريخ وحضارة
طالما ما فالحتش في التجارة
ما انا قولتلكم اصلها شطارة
المهم نرجع لحضارة
لما لقيت دكتور كوبارة
بس طلع كلامه بطيء
ما قالش كلمه تبل الريق
قولت امشي واكون جريء
زمايلي قالولي عيب يا رفيق
قولت خلاص هاستني معاه
لقيت محمد ادام المدرج
بيقولي قوم والله بيهرج
هامشي ازاي وازاي هاتخرّج
طيب هاقعد خلاص في صمت
يمكن يقول كلمه مفيده
يمكن افهم حاجه جديده
يمكن يمكن جايز جايز
الراجل بيشرح للي عايز
ممكن شرحه يجيب جوايز
اه والله والجايزه اتخرج
بس محمد ادام المدرج
عايزني امشي والله بيهرج
بس خلاص انا هامشي معاه
والدكتور ؟ ياخي سيبك منه
قالوا الواد ده ماحدش همه
ولا بيخاف من ابوه ولا امه
ولا حتي عامل حساب لعمه