الحريف ما له و ما عليه

آذان الفجر دلوقت بيأذن .. قبل 5 دقايق من دلوقت كنت عمال أفتكر البداية ...بداية المنتدى دا أول مرة قلت فيها للجنايني أنا عملت منتدى كان واقف ساعتها هو وواحد أسمه نوارج وتالتهم لؤي (الحريف) وبسرعة لقيت لؤي بيسأل أسمه أيه المنتدى دا أكتبهولي هنا على ضهر الكتاب ..ولما كان المنتدى بيفتح عينه لسا وبيتبني طوبة طوبة كان لؤي (الحريف) بيشارك بكل حماس وبروح عالية وبتعاون كان عاجبني أوي لأن المنتدى كان لسا وليد وكان محتاج طاقته دي ..قعدت أفكر لو دي كانت البداية هل يصح أن دي تبقى النهاية ؟...الكلام اللي كتبته عنه والي كتبه عنك ..الكلام اللي قلته في غيابه واللي قاله في غيابك ..مش عايز حد عقله يخده ويستبق الموضوع والغرض منه , الغرض من الموضوع مش عودة الحريف لأن زي ما كلنا اتفقنا مينفعش يرجع بالرغم من أن هولو سامحته لأنه مش منسجم معانا لكن الغرض من الموضوع هو إن كان لؤي (الحريف) مشي فمش هفتكره واتمنى انكوا متفتكروهوش إلا بكل خير ...مش هفتكرله مواقف جميلة ومواقف واحد راجل بالفعل خدوم جداً كنت ذكرتها في موضوع قبل كدا وهكررها مش للحشو وخلاص ولا لأن مفيش كلام يتقال بس هذكر المواقف دي من تاني علشان كلنا من قلوبنا نفتكره فعلاً بكل خير ونسامحه فعلاً ونحس بأول نفس بارد نقي دخل قلوبنا بعد ما طهرناها من الغضب والغل تجاه الناس ...هو هو اللي بيكتب الكلام دا هو هو اللي كتب من يومين كلام صعب جداً كلكوا قريتوه جايز يكون في لحظة انفعال علشان يرد على كلام استفزه بس مبقاش راجل ولا ابقى إنسان محترم أو كويس لو نهيت الموضوع بالشكل دا مهما كان حجم الغضب اللي جوايا أو جواه أو حجم التجريح اللي قلناه على بعض أو حجم المشاكل اللي حصلت بينا ...بالفعل الموضوع مش الحريف وعمر ولا المشكلة الحريف وعمر وخروج الحريف مكانش بسبب مشكلة بينا لكن زي ما كلنا اتفقنا انه مش منسجم بينا وبالتالي معدش ينفع نبقى في مكان واحد ..لكن دا ميمنعش إننا منفتكروش دايماً إلا بكل ود وحب واحترام . هل لما واحد يطلع من حر ماله 200 جنيه وهو مش غني حاله زينا بالظبط من أسرة متوسطة محترمة ويجيبهملي وهو محرج علشان الجنايني (agent-13) كان تعبان وطلبهم منه هل دا ميبقاش من جوا نقي ...هل لما يكلف نفسه في عز الأمتحانات ويجيبلي ورق قديم بتاع دروس في وقت أنا كنت محتاج الورق دا جداً هل ميستحقش أننا نفتكره بكل أحترام ..هل لما شيمو تعمل موضوع رمضان اللي فات علشان شنطة رمضان ويكون هو أكبر مبلغ مالي هل ميستحقش أننا نفتكره بكل ود ..الموضوع دا عبارة عن شهادة ليا قدام ربنا يوم القيامة أنا فعلاً تعبت منك كتير يا لؤي بس ربنا يعلم أنك إنسان كويس ومحترم وأسفين لو الأمور أنتهت بالشكل دا لكن أنت مقدرتش تنسجم بينا وربنا يوفقك في حياتك ويرزقك الزوجة الصالحة والذرية الصالحة .

بـــــــــجـــــــــــد هعــــيــــــــــــط , عجبك كدة الحريف ما له و ما عليه 164139

كـــــــــلام دافــــــــى بنبـــــــرة شخص عــــــــــاقــــــــل بيعــــــــامل ربنــــــــــا قبل ما يعــــــامل الناس ..

انا معرفش الحريف معرفة شخصية بس حسيته انسان طيب كتييييييير انما أفكاره عدوانية شوية ومتسرع واحنا يمكن واخدين الحياة ببساطة بدون تعقيد عنه عشان كدة مش عارفين نتفق فبعاده أفضل حل فعلا ..

وشـــــــــــــــــــــكــــــــــــــــــــــــــراااااااااااااااا لــــــــــــيــــــــــه على كل مساهمة وعمل نمـــــــى بيه المنتدى ..

وشــــــــــــــــــكـــــــــــــــــــــــــــــراااااااااااااا لــــــــــــيــــــــــك يا عــــــــــــــمـــــــــر على اللفتة الطيبة اللى بينت قد ايه انك انســــــــــان نبيـــــــــــــــــــل ...( نبيل دة جارنا على فكرة الحريف ما له و ما عليه 977193

)

و أنا كان بعد كل إمتحان يتصل بيا و يسأل عليا عملت إيه و كان بيزعل لزعلي و بيفرح لفرحي
و كان بيتصل بيا و أنا بشتغل أي نعم كان بيعطلني و مكنتش بعرف أشتغل بس كتر خيره إنه بيسأل
و بيتكلم معايا أكتر من أقرب صاحب ليا وربنا .. و ياما طلب مني الخروج بس مكنتش ببقي فاضي
و مكنتش عارف أديله حقه زي ما كان بيعمل معايا .

ربنا يوفقك بقا يا برينجي و يكرمك إن شاء الله .. بيـــــــس

مش هقول اي حاجه ولا احكي حتي البدايه ..
بدعيلك يا لؤي ربنا يهديلك نفسك وتعيش تمام للنهايه

لؤي كتب:: متشكر جداً على الكلام الجميل في حقي وأنا شفت الموضوع ربنا يوفقك في حياتك ومتدخلش الجيش ابداً ونفرح بيك

دي رسالة من لؤي على الموبايل ...ربنا يكرمك يا لؤي ويعزك ودايماً هنفضل نفتكرك بكل ود واحترام وخير .

فعلا البروف من الشخصيات االلي ليها دور كبير اووي ف المنتدي ومن اطيب الناس اللي اتعاملت معاها ومشفتش منه غير كل خير وبعتبره زي اخويا الكبير زيكم بالظبط وعمري ما كرهته ولا كرهت وجوده بينا بس انا معرفش تفاصيل الموضوع ايه بس اللي يريحكم كلكم وربنا يوفقك يا بروف في حياتك وصدقنا مش هننساك وهنفتكرك دايما بكل خير زي ما قال عمر

وبجد موضوع جميل يا عمر تستاهل عليه كل الشكر والتقدير

والله هو انسان محترم جدا
وطيب جدا...بس زياده عن الزوم
برغم انه عمل حاجات كتير ضايقتنى (مينفعش اقولها)
بس ربنا يوفقه فى حياته؟

طبعاً هي دي أخلاقك يا عمر
امبارح لؤي اتصل بيا وكلمني نص ساعة .... طبعاً انا كنت زعلان منه وهو كان زعلان مني عشان بيتين الشعر اللي انا وصفته فيهم بالسفيه وقالي انا زعلان منك بس انا بعاتبك عشان بحبك يا صابر طبعاً اتكسفت من نفسي وقلتله ان ده من دافع غضبنا .... وقلتله يا لؤي ابعد عن المنتدى مش عشان حاجة عشان الناس ترجع تحبك تاني .... انت صاحبنا ومش بنكرهك بس انت اللي عملت كدة في نفسك
طبعاً مش هانسى فضل لؤي انه دايماً بيتصل بيا عشان يسأل ع الجيش .... ربنا يكرمه

سبحان الله ... حكمة ربنا ان المشاكل دي تحصل عشان حاجات كتير تتصلح او نتصافى مع بعض ونعرف يعني ايه تسامح ....
تحياتي لعمر وهوللو ولؤي على كرم أخلاقهم

بجد الموضوع دا بالذات فرحنى رغم البكاء اللى بكيته يا عمر

وانا بقرأ واحييك عليه بجد

أحب اقولك على حاجه كان دايما لؤى يقولهالى

كان دايما لؤى يقولى رغم اى حاجه بتحصل فى المنتدى بس انا

عمرى ما يهون عليا ازعل عمر مهما حصل بينا من مشاكل ولا ازعل

اى حد من الاعضاء ولما بقابلهم كلهم بكون فرحان واسلم عليهم

وانسى اى حاجه بتحصل فى المنتدى لاننا اصحاب وياما اتكلمنا

مع بعض وشفنا بعض وعرفنا بعض ...وكمان اكتر حاجه مزعلاه ان

لؤى قارب على السنتين فى وسط الاسره الجميله دى واكيد سنتين

بذكرياتهم والعشره اللى بينكوا دى اكتر حاجه زعلته ..

يا ريت بعد اللى انا كتبته دا تعرفوا قد ايه لؤى بيحبكوا

وبيحب يكون معاكوا دائما ويشوفكوا جميعا بخير ويسمع عنكوا كل

خير

الحريف ما له و ما عليه 302692

ربنا يوفقك يا لؤي وتكون حياتك اسعد بكتير .....

الحريف بيشكرك يا عمر على الكلام ده .... وطبعاً عمره ما كان هيزعل منك لأنك غالي أوي عنده وما تزعلش منه
هو كلمني على التليفون وحب يوصلكم الرسالة دي ... وبيشكركم كلكم وياريت ماحدش يزعل منه
الحريف ما له و ما عليه 376922

مش عارف ليه انت افتكرتم الكلام ده دلوقت ومفتكرتوش لما كنتم عايزينه يمشى
ولما هو حد كويس ومحترم يبقى ازاى مالوش مكان هنا
انا فاكر من مده لما كان عمر ومعظم الاعضاء مش بيدخلو كان هو اللى شايل المنتدى بجد بمواضيعه
وبترحيبه بالاعضاء الجدد
انا فاكر اول يوم هو اللى شجعنى اكمل ف المنتدى ومش انا لوحدى ده معظم الاعضاء الجدد
انا حسيته اخويا بجد كان يهمه مصلحتى قبل مايهمه انى ابقه صاحبه او حبيبه وخلاص لدرجة انى اتكلمت معاه ف حاجات شخصيه كتير والوحيد اللى مكنش بيكدب عليا

انا مش عارف ايه اللى حصل بس كل اللى عرفته انه غلط ف حق حد تمام هو لازم يتحمل مسئولية الغلط ده بس مش لدرجة انه يمشى واكيد اكيد زى مافى اعضاء مش منسجم معاهم فى برده اعضاء منسجم معاهم واانا اولهم زى ماقلت بعتبره اخويا

ياريت محدش يزعل ده رأيي واكيد كل واحد حر ف رأيه

احلى سلام

DREAM كتب:: مش عارف ليه انت افتكرتم الكلام ده دلوقت ومفتكرتوش لما كنتم عايزينه يمشى
ولما هو حد كويس ومحترم يبقى ازاى مالوش مكان هنا
انا فاكر من مده لما كان عمر ومعظم الاعضاء مش بيدخلو كان هو اللى شايل المنتدى بجد بمواضيعه
وبترحيبه بالاعضاء الجدد
انا فاكر اول يوم هو اللى شجعنى اكمل ف المنتدى ومش انا لوحدى ده معظم الاعضاء الجدد
انا حسيته اخويا بجد كان يهمه مصلحتى قبل مايهمه انى ابقه صاحبه او حبيبه وخلاص لدرجة انى اتكلمت معاه ف حاجات شخصيه كتير والوحيد اللى مكنش بيكدب عليا

انا مش عارف ايه اللى حصل بس كل اللى عرفته انه غلط ف حق حد تمام هو لازم يتحمل مسئولية الغلط ده بس مش لدرجة انه يمشى واكيد اكيد زى مافى اعضاء مش منسجم معاهم فى برده اعضاء منسجم معاهم واانا اولهم زى ماقلت بعتبره اخويا

ياريت محدش يزعل ده رأيي واكيد كل واحد حر ف رأيه

احلى سلام

ما كنا ساكتين و قلنا مش هنقلب تاني في الموضوع

بص يا دريم إنتا مكنتش حاضر الأيام اللي فاتت بصفه مستمره و متعرفش إيه اللي حصل

اللي حصل كل الناس شافته و في حاجات كتير عملها أكتر من مره أدت لكدا

و إبقا إقرا رسالته في قسم ساسه و سياسه موضوه سياسات المنتدي و اللي قاله فيها و عمر ردعليه بإيه

الموضوع بإختصار ليه أبعاد كتير متعرفهاش .. بيـــــس يا بومبو

بسم الله الرحمن الرحيم
"يا ايها الذين ءامنوا اتقوا الله وقولوا قولا سديدا . يصلح لكم اعمالكم ويغفر لكم ذنوبكم ..."
صدق الله العظيم

ابدا كلامي بالسلام فهو تحية الاسلام "السلام عليكم ورحمة الله وبركاته"

اولا يا عمر انا باقدم ليك خالص الشكر لشعورك النيل ده ولكل الاعضاء اللي فكروا ولو للحظه في اي حاجه طيبه عملها الحريف

بس عندي سؤال ... يا تري حد فيكم فكر ولو للحظه ليه الحريف بيعمل ده كله او ليه بيحارب عشان يرجع المنتدي ؟
انا فكرت ولقيت عندي اجابتين ...
- اولا الحريف شايف انكم اسرته التانيه اللي حبها وعاش معاهم لحظات حب وود واخوه نابعه من قلبه الطيب
- والجواب التاني اللي وصلتله وماعرفش ان اصبت او اخطات "الحريف زي ما كلنا عارفين عنده شغله اللي هو فيه طول اليوم , وف اخر اليوم بعد تعب وعناء ومشقه طول اليوم بيدخل هنا المنتدي دنيته الصغيره يطمن علي اصحابه واخواته ويتكلم معاهم ويخرج بره نفسه ويعيش معاهم لحظاته الجميله"

تفتكروا ان لؤي محتاج حاجه من المنتدي ؟ لا والله هو مش محتاج من المنتدي حاجه هو محتاج شعور الاخوه والاسريه , محتاج المشاعر النبيله اللي بتخرج من قلب كل عضو هنا في المنتدي من غير زيف او خداع

ويا عمر لو كان لؤي في لحظه اتكلم وغلط فيك او ف اي حد من الاعضاء في رسالته اللي انت عرضتها ...
فكر كده هو عمل كده ليه ؟ لؤي الكل كان عمال يغلط فيه ويشتم فيه وهو لا حول له ولا قوه ... موقوف من قبل مدير المنتدي وكل عضويه جديده يعملها تتوقف ... حاول يكلمك انت مابتردش عليه , طيب عايزه يعمل ايه ؟ لو انت مكانه ولا لو اي عضو تاني مكانه كان هايعمل ايه ؟
هاتقولوا نعرف اننا خلاص مالناش مكان هنا فنسكت .... بس هايفضل يا صاحبي الغضب وجمرة الغضب تحرق فيك لحد ما تقتلك

وبالنسبه للكلام اللي قاله عن هوللو " انا باوجه رساله لهوللو ... لؤي شايفك اخته اللي بيعزها زي بقيت الاعضاء" شاف حاجه من وجهة نظره وقال عليها لعل يكون في حد تاني شايف كده فهو بينبهك ... اي نعم دا كان غلط منه انه لما فكر ينبهك معملش كده بينك وبينه في رساله مثلا ... ورجع اعتذر وشاف انه باعتذاره يبقي يرجع بيته تاني , بس اللي حصل انه حتي لما اعتذر دخلت الناس وعلقت علي ان هوللو سامحت الحريف عشان قلبها طيب ... وطيب ولؤي اللي اعتذر كان فين من الشكر ...

انا قلت ابل كده وباقول تاني ... انا مش جايلي حاجه من الحريف ولا من اي حد ولكن ... كلمة حق ولازم تتقال "الحريف هو اطيب شخص عرفته في حياتي كلها ... ويا لؤي لو حصل وقرات كلامي ده ولو بالصدفه فانا باعتذر اني اسات الظن بيك في لحظة غضب وباعتذر اني لما انت قدرتني واتصلت بيا ماردتش عليك وباقولك من كل قلبي "اقسملك بربي انك اطيب شخص عرفته في حياتي كلها ... بس عايز انصحك نصيحه انت طيب زياده عن اللزوم في زمن الطيبه فيه بقيت عيب وعيب كبير اوي وباقولك الكلام ده عن تجارب"

وفي مثل بيقول "اتقي شر الحليم اذا غضب" وهو ده يا عمر اللي حصل من لؤي معاك ومع الاعضاء ...
وادخلوا موضوع "لو بطلنا نحلم نبيض" وشوفوا حلم الزملكاوي ان الزمالك كسب ورد ديفل عليه "بالصوره نفسها اللي الحريف كان حاطها في موضوع علاج لكل زملكاوي" هاتشوفوا الناس هاجت علي لؤي ازاي , في حين ان مافيش اي تعليق علي ديفل ...

دخلت وقولت كلمة حق بس يا ريت اللي يشوف كلامي ده مايعلقش عليه اي تعليق ايا كان وخلاص ...يا ريت اللي يشوفوا يفكر فيه كويس ويسال نفسه الاسئله اللي المفروض تتسال وخلونا نكون صرحه مع نفسنا

اعتذر ع الاطاله

وسلامي لكم مسك ختام

شكرا على الموضوع يا عمر و اسمحلي أرد عليه في الموضوع التالي :
https://stop.1talk.net/montada-f1/topic-t16713.htm

الحريف ما له و ما عليه 166815

» ردا على موضوع ( الحريف ما له و ما عليه )
» يوميييييييييييييييييييييييييييييييييييييييات الحريف
» ما بعد ----- بقلم الحريف
» ليه الادمن عمل كده مع الحريف
» عيش الكورة مع الحريف