اوعى تشترى ملابس مكتوب عليها .......؟؟؟

السلام عليكم
لحظت ملحوظه ممكن يطلق عليها
هم يبكى وهم يضحك

اللى هو ايه
ازى تشترى ملابس مكتوب عليها كلام
متعرفيش معناه
ودى تجربه سمعت عنها واحده بتقول أنها


من حوالى كام سنه
اشتريت بجامه لابنى سنه سنتين
وكان مكتوب عليها كلام كتير
وبينى وبنكم ان فى الانجليزى مش اد كده
بس ايه مسكتش لازم اعرف اللى مكتوب ده معناه ايه
من باب الفضول مش اكتر


المهم يا ستى مسكت القاموس وهات يترجمه
وخصوصا ان اغلب الكلمات كانت جديده عليا
وتفاجأت

وعرفت ساعتها ليه هى جديده عليا


تخيلو انه كان كلام معناه بشع جدا
كلام يدعو الى الزنى وحرية الحياه الجنسيه
وكلام تانى فظيع
لدرجة ان القاموس بعض الكلمات كتبلى انها
كلمات غير معروفه
ولما سألت اصحابى قالو ان فى كلمات تعتبر من العاميه
فى اللغه الانجليزيه ولا يستطيع القاموس معرفة معناها
بس انا مسكتش رحت للمحل اللى اشتريت منه ولأنى عرفه
ان ده مصنعهم والحمد لله صاحبة المحل تفهمت الموضوع
وذهلت من معنى الكلام
وقالت انها حتأكد عليهم فى المصنع انهم يخدو بلهم


ومن يومها وكل ما اشوف كلام على اى تى شيرت
اقرأها وخدى عندك



بنوته اموره لبسه تيشرت مكتوب عليه
Play here
يعنى العب هنا

وبنوته اخرى مكتوب كلمه وسهم يشير للاسف
Follow Me


وانا متاكده ان اغلب البنات دول ميعرفوش معنى الكلام ده او بصو ليه اصلا وكان اختيارها للتيشرت من حيث اللون والرسومات فقط
واكيد لو كانو عرفين مكنوش اشتروه ده مع احسان الظن بيهم طبعا


وفى وحده بتحكيلى عن واحد كان مسافر فى
دوله اجنبيه وكان لابس تيشرت مكتوب عليه
For sell
للبيع
استوقفه رجل فى الشارع وسأله بكام
طبعا صاحبنا تنح

وقال مش فاهم
فقال له الرجل مش انت بتقول للبيع
يعيب الشوم
فضحين نفسينا فى بلاد الالفرنكه




طبعا فى حكاوى كتير عندى وعندكم خلاصتها
اوعى تشترى ملابس مكتوب عليها كلام ما تعرفيش
معناه

منقوووووووووووووووووووووووووووووووووووول