عشره ذى الحجه؟؟؟؟افضل ايام الله على الاطلاق

من يوم الاحد اللى جاى هيبدأ 10 ذى الحجه

صباح الخير يا مسلميين
حد مدرك خطوره الايام دى اللى بتعدى زيها زى اى ايام
تعالو الاول نعرف مدى الثواب اللى فى الايام دى وبعديين نتكلم عن مخططنا اللى هنعمله
فى الايام دى

قال رسول الله صلى الله عليه وسلم
(ما من ايام العمل الصالح احب الى الله من هذه الايام)
يعنى العشر الاوائل من ذى الحجه
قالوا يارسول الله ولا الجهاد فى سبيل الله؟
قال ولا الجهاد فى سبيل الله الا رجل خرج بنفسه وماله ثم لم يرجع من ذلك بشىء
----------------------------------------------------
خلى بالكوا ولا الجهاد فى سبيل الله
من فضائل عشر ذى الحجه
العمل فيها افضل من الجهاد فى سبيل الله
صيام يوم فيها يعادل صيام سنه
قيام ليله يعادل قيام ليله القدر
صيام يوم عرفه يكفر ذنوب سنتيين
-----------------------------------------
طب ياعم هلك انت قاعد تتكلم تتكلم
طب هنعمل ايه يعنى
ببساطه انا عندى مقترحات ننفذها مع بعض ونشد بعض فيها واللى عنده مقترحات تانيه يقول واحنا ننفذها مع بعض وهنخلى الصفحه دى زى حائط نتفاعل فيه مع بعض لمده ال10 ايام دى
وتعالوا بينا ندوق طعم الطاعه ونبدأ صفحه جديده مع ربنا
------------------------------------------------
الحديث بيقول العمل الصالح
طب ايه هى الاعمال الصالحه اللى مكن ننفذها
عندنا الصيام فيه ناس مش هتقدر تصوم الايام العشره دى كلها
طب نتفق على يوم نصومه مع بعض
بس كده كده هنصوم يوم عرفه إن شاء الله عاوزيين يوم غيره

عاوزيين نتفق على يوم تانى مع يوم عرفه
---------------------------------------------
طيب عاوزيين نحافظ على الفروض الخمسه كلها فى الايام دى
الصلاه اهم شىء مش عاوزيين نفوتها
طبعا ماينفعش نصلى مع بعض بس ينفع نشجع بعض على الصلاه
واللى ليه صاحب وعلى المنتدى ينبهه فى الايام بتاعت ال10 ذى الحجه ويقوموا يصلوا
-----------------------------------------------------
ممكن نتفق على يوم نقيم الليل
على فكره اول ما حد بيسمع نقيم الليل يقول ياخبر هقيم الليل ويفتكر الموضوع صعب الموضوع سهل جدا
ممكن بركعتيين ميخدوش 5 دقايق تقيم الليل
وثوابها عند ربنا كبير
-----------------------------------------------
صله الرحم
وبر الوالديين
يعنى تعالوا نريحهم ال10 ايام دى محنا مطلعيين عينهم بقالنا اكتر من 20 سنه
مطلعيين عينهم
كلمه طيبه كل يوم والله لو حته بوسه على الجبيين تاخد بيها ثواب كبير جدا
----------------------------------------------
فيه حجات كتير بس مش عاوزيين نتكلم وخلاص عاوز برضه مقتراحاتكم
ونحط جدول بسيط هنعمل ايه كل يوم
تعالو نسحب بعض للطاعه
مستنى اشوف مقتراحاتكم وازاى هنعين بعض على الطاعه

جزاك الله خيرا يا هلك .. دايما سباق فى الخير ربنا يجعله فى ميزان حسناتك ..

انا من رأيى عشان اللى مش هيقدر يصوم العشر ايام كلهم , اقل حاجة يصوم اتنين وخميس ..

والعمل الجماعى بيشجع اكتر على التنفيذ وربنا يعينا جميعا ..

شكرا شمس
وان شاء الله نصوم الايام كلها
وعاوزيين كمان منخليهاش على اد الصوم
عاوزيين باقى الاعمال الصالحات

مش كنت تزمر يا عم

يلا ربنا يجعله في ميزان حسناتنا جميعاً

هههههههههههههههههه
دى مكتوبالك
عموما عاوزيين
منخليهاش على اد الصوم وبس
عاوزيين نخليها كل الاعمال الصالحه
من صوم وصلاه وقران

اوك

جـــزاك الله كل خيير على موضوعك يا كبيــــــــــر ,وجعله الله فى ميزان حساناتك

يارب يا اشروف
يجعله فى ميزان حسنتنا كلنا

جزاك الله كل خير وجعله الله في ميزان حسناتك

انا عندي اقتراح ...بما اننا هنصوم العشر ايام ان شاء الله

نحاول نستعيد الجو الرمضاني الروحاني اللي كنا فيه

يعني لو قدرنا نختم القران في العشر ايام دول ...هيكون انجاز عظيم ....وربنا ان شاء الله هيقدرنا ويعينا

المهم ان النيه خير والهدف منها جمع اكبر عدد من الحسنات .

ثانيا : نحاول نبعد عن سماع الاغاني قدر المستطاع في الايام دي ....ونستبدله بسماع اي شيئ مفيد ( خطب او قران )
ثالثا : زي ما اتفقنا ...صله الرحم ...وبر الوالدين ...والصدقه ( قدر المستطاع حتي لو بمبلغ قليل
هيحسب لفاعله باذن الله ) ....

وقيام الليل ....ايه رايكم لو نحدد عدد من الركعات نصليه كل ليله في نفس الوقت

يعني مثلا : نتفق ان كل يوم الساعه 1 هنصلي وليكن 5 ركعات ( منهم ركعه الوتر )....

اسفه للاطاله .....بس لو الفكره حلوه .....هننفذها كلــــــــنـــــــا ....يلا سلام

فكرة رائعـــــــة .. جزاك الله كل خير يا هالك .. ربنا يجعله ف ميزان حسناتك ان شاء الله

» * مضت ايام الرحمه ........وبدات ايام المغفره *
» نصر الله: حملة النظام المصري على حزب الله لم تحقق ايا من اهدافها
» انظر لطف الله بك وانت نائم .. سبحان الله
» مــــــــــ( الله الله )ــــــــصر
» كرة قدم ايام ابو الهب