شايف الدنيا أزاي ؟

الموضوع بجد جميل .... فكرت فيه كتير

ولو هنتكلم بجد .....الحياه مش كلها حزن ومش كلها فرحه وده شيئ طبيعي

المهم احنا رد فعلنا هيكون ايه ....الدنيا لا تساوي جناح بعوضه ..

لما نجحت في ثانوي ...وشفت نظره الفرحه في عيون باباك ومامتك ...كانت الدنيا حلوه ولا لاءه ؟؟؟
لما اجبرتك الظروف انك تكون مسؤل عن شيئ معين ...وانجزته بكفائه عاليه ..كانت النيا ايه .؟؟؟؟
لما قابلت اصدقاء عمرك اللي تتمني انهم يكملوا حياتهم معاك ...كانت الدنيا ايه ؟؟؟

اللي عايزه اقوله ان الدنيا مش دايما ضدنا ...ساعات بتكون معانا بس احنا مش بنتاثر غير بسلبياتها

وبتهيالي افضل طريقه نواجه بيها مصاعب الدنيا ...اولا التوكل والاستعانه بالله واليقين بالقدر خيره وشره

ثانيا : التخطيط الجيد لحياتنا ....احنا عايزين منها ايه ؟؟وازاي نحققه ؟؟؟ ونسبه نجاحنا قد ايه ؟؟؟
ولو في فشل هستسلم ولا هحاول تاني واقاوم الدنيا الضعيفه ؟؟؟

بشكرك تاني لطرحك الموضوع ده للمناقشه .....

موضوع جااااااااااااااااااااااااااااااااااااامد يا عمر

انا حيانا بشوف الحياة وحشة اووووووووووي وبتمني اني امشي منها من كتر الخنقة بس لما بهدي بحس ان الحياة جميلة اوووووووووووووي كلها سعادة وهزار ولعب وفرح وجد برده احيانا وكله بيعدي حلو وحش بيعدي واهم حاجة اني اكتشفت ان الحياة دي مش هتمشي لو علقنا علي كل حاجة وصممنا عليها لازم نطنش شوية لحاجات لو اهتمينا بيها هنتعب مش هنرتاح لازم لو حصلي موقف وحش انساه اطنشه مفكرش فيه لان الحياة متشتاهلش زعل ولو للحظة علي اي حاجة فيها .في حاجات كتير اوي متستاهلش كده والحياة دي يدوبك معبر للاخرة لازم نستغلها صح وربنا يقدرنا علي فعل الخير ويحبب كل الناس فينا وميزرعش في قلوب الناس كره لينا وكفاية كده

يسلموووووو يا عمر

الدنيــــــــــا ..

هههههههههههههههههههههههههههههههههههههه فكرتني بيوم كنت ف محاضره مقال تقريبا لدكتور انور و هوووووب فجاه خدت ورقه من اللي جنبي ع الارجح يا شيمو يا شوشو ( احم احم ايون مكنتش بحب احط حاجه ف الشنطه غير الشيبسي و اللبان ... يدوب كفايه اوي )

كتبت ف الورقه دي شعر اسمه الدنيا ايه ... و مع كل سطر بيتكتب كنت انا و اللي جنبي نازلين ضحك م اللي باكتبه ...
و لحسن الحظ ان الورقه دي حاليا و من موقعي هذا ...جوه شنطتي

الدنيا ايه غير ضحكه و ألم
الدنيا ايه غير دمعه ..ندم
الدنيا ايه غير حب و حنين
الدنيا ايه غير حرح و انين
الدنيا ايه غير حكمة حلوه
الدنيا ايه غير لحن غنوه
الدنيا ايه غير طير صغيور
الدنيا ايه غير طاقة نور
الدنيا ايه غير سؤال مالوش جواب
الدنيا ايه غير مفتاح مالوش ابواب
الدنيا ايه غير حياة او موت
الدنيا ايه غير كلام ف سكوت
الدنيا ايه غير روح جوايا
الدنيا ايه غير سحر حكايه
الدنيا ايه غير شلة عمري
الدنيا ايه غير فرحة صبري
الدنيا ايه غير كلمه كبيره
الدنيا ايه غير رحلة طويله
الدنيا ايه؟ ايه؟ و ايييييييييييييييه؟

طبعا مش دي الاجابه اللي ف بالي ..... الاجابه ليها وقتها باذن الله ... لسه مجاش ...

ههههههههههههههههههههههههههههههههه ايام يا شومتي ..
جت حالا على بالي ..مروه يا مسطاااااار .. الله يمسيها بالخير ان كانت عايشه وربنا يسعدها ان كانت عايشه برده هههههههههههههههههههههههه

هههههههههههههههههههههههههههههههه و لسه في جوعبتشي كتشير يا أوووختشي