انا محتاج مساعدتكم ... ياتري ممكن ؟!...

انا تعبان اوي وبصراحه مش عارف اتكلم مع اي حد لاني ببساطه مش لاقي اللي يفهمني , وغير كده عندي احاسيس كتير جوايا خنقاني اوي , يمكن اصعبهم احساسي الدايم بالموت حواليا
ديما حاسس وباتكلم واقول اني هاموت قريب اوي , انا عارف ان الموت بيجي لاي حد فجاه ومابيتاثرش لا بسن ولا بشخص ولا باي حاجه , بس انتظاره شئ صعب اوي خصوصا لو مش عارف احساسك ده ناتج عن ايه او سببه ايه
ديما باحب الضحك وفي الهزار انا استاذ , بس في لبحظه بلاقيني قلبت من غير اسباب او مقدمات , علي الرغم من الحزن اللي عايش فيا بس باضحك وكنت لحد وقت قريب اوي متفائل لابعد الحدود
ديما باقول ان الندم مايعرفش طريقي , ديما اقول عمري ما هاندم علي حاجه , بس حقيقي اكتشفت اني كنت غلطان ... لان ببساطه جدا الندم دخل جوايا وندمان اني تفائلت في لحظه
حبيت كتير اوي ,,, او يمكن يكون المعني الاصح اني عشت الوهم كتير وكتير عشش جوايا

اول مره حسيت بالوهم ده كنت في 5 ابتدائي وعاش جوايا لحد اولي تجاره ... سنتين ابتدائي و3 اعدادي وزيهم ثانوي وسنه كليه يبقي الناتج ....... موهوم لمدة 9 سنين (حب من طرف واحد لاني مكنتش عارف اصرح) بس انا سعيد اني ما صارحتهاش لاني اكتشفت اني ماحبتهاش اصلا ههههههههههههه حقيقي فعلا 9 سنين فاكر اني باحبها وانا مش باحبها (انا كنت باحب حد تاني خالص) والله العظيم دي الحقيقه
في البدايه حلمت بريم دي (بتاعت قصة ال9 سنين) بس في الحلم شوفت واحده تانيه وحصل موقف في الحلم ده فسرته انا وقتها غلط (واستمر الحلم معايا لحد يوم 30/1/2010 واتغير الحلم بس البنت ماتغيرتش والغريب ان في اليوم ده اتعرفت عليها (الحب الحقيقي واللي انا باعترف انهخ بيجي مره واحده بس)

بصي يا حبيبتي انا باعشقك لاني بصراحه حاسس ان بحبك قليله اوي
انا كنت وعدتك وعد وخذلتك وانا اسف اني خذلتك (خذلتك لما قلت اني هاتحدي نفسي وهاتحدي الدنيا كلها عشانك وقلتلك انك الوحيده اللي مش هاقدر اتحداها) انا حاولت اني اتحداكي وخسرت التحدي لانك انتي حاولتي تخليني اوفي بوعدي ده

والوقتي انا محتاج اعرف حاجه واحده بس (معني ان الرفض منك قبل والدك ايييييييييييييه) حقك ومش هاقدر الومك
يمكن تكوني ............................................. حقك بردك وبردك مش هالومك

بس انا الوقتي تايه ومخنوق اوي , كل ليله افتح صورتك واحاول المسك , كل ليله اشم ريحة الورد في ايدي ,,, عارفه ليه ؟ اكيد عارفه !...

انا مش عارف ايه اللي باقوله بس اللي خلاني الوقتي كتبت الكلام ده اني كنت علي وشك الموت من ساعه واحده وبدون اسباب كنت هارمي حالي من السطوح لولا عمتي واختي
واللي مخليني مش قادر اكمل اني مش فاهم حاجه اصلا (انا حاسس اني مشوش التفكير) او يمكن معقد نفسيا علي راي رجل المستحيل (ربنا يمسيك بالخير وبادعيلك من قلبي يسعد قلبك ويبعد عنك العقد والمعقدين) ولاول مره من يومها يا رجل المستحيل انا هاسمحك ع الكلمه دي عشان انام مرتاح وليس في صدري ضيق علي احد

باقولكم ايه ....... حد فيكم يعرف يفهمني حاجه ؟ حد فيكم يقدر يريحني ؟ ولا انتم كمان مش فاهمين مني حاجه ؟


ياااااااااااااااااااااارب اشرح صدري والمسلمين , ياااااااااااااااارب محتاجلك اوي

نصحتك مره ف رساله خاصه

انت مش عارف تسيطر ع نفسك ومفيش بنت ع ما اعتقد تحب الراجل وهو كده

بص كلمه قولتها لناس واتصدق عليها البنت لما تحب بتنسي كل حاجه حتي احيانا كرمتها وتتحدي كل الناس عشانك ولو انت غلطت ومسالتش هي اللي هتجيلك وهي اللي هتجري وراك

غير كده يبقي هي لا بتحب ولا حاجه ومجرد انها بترضي غرورها قدام نفسها وقدام الناس وسهل اوي تسيبك حتي لو كانت فهمتك انها بتحبك


ومتستهلكش مشاعرك ع الفاضي والبنت تحب الراجل اللي بيسيطر ع نفسه وع مشاعره وتقيل ومترتبطش الا بواحده بتحبك اكتر من نفسها واكتر من حبك ليها اضعاف اضعاف

ومن خلال اللي انت حكيته انت لسه موصلتش لحب انت كنت بترضي غرور بنت

ضف عليهم كلام الاعضاء المحترمين لان كلامهم صح جدا

شوف يا احمد اولا فكرة الانتحار دى شيلها من دماغك ولو لقيت نفسك لثانيه بتفكر فيها استغفر ربنا على طول وحاول تكون قريب منه اكتر من دلوقتى كمان على قد ما تقدر ...

ثانيا الحب جميل قوى قوى بس لما الحب يضيع مننا لازم نكون اقوى من الاول مش اضعف عارف ليه ؟؟ علشان نقدر نعيش ونواصل المسيره ونحقق الهدف اللى ربنا سبحانه وتعالى خلقنا علشان نحققه لان ربنا خلقنا علشان نعبده ونعمر الارض ممكن يكون تعمير الارض دا بهدايه حد لطريق سليم او بتكوين اسره او بنجاح فى عمل او انك تنمى موهبه ربنا انعم عليك بيهااو ترضى اهلك وتطيعهم بعد طاعتك لربنا او او او حاجات كتير قوى

خلاصه كلامى يا احمد حاول تشغل نفسك فى حاجه انت بتحبها وبتلاقى نفسك فيها وحاول تكون اكتر انسان ناجح فى الدنيا فى الحاجه دى ووقتها الحب هو اللى هيجيلك وهتلاقى نفسك بالك مرتاح ومفيش اى تشائم او احساس بالموت القريب ....

آسفه على الاطاله وربنا يصلح حالنا جميعا ويهدينا للخير والصواب وربنا يرزقك الخير والصحه والسعاده آمين ...

اولا باشكر كل حد رد عليا وحاول يساعدني اني اخرج من الحاله الغبيه دي

ثانيا انا اسف اني شغلتكم بمشاكلي

بجد انا مش عارف انا كتبت الموضوع ده ازاي , بس اعتقد احساسي بقربكم مني يمكن هو اللي خلاني كتبت الموضوع ده واستنجدت بيكم

بس المشكله اني خانني التعبير في بعض الكلام (الموضوع مش موضوع اني مستني الحب وكده , انا مشكلتي كانت اكبر من كده , لاني في الحقيقه جربته وتعبت منه اوي لدرجة اني كتير باحس اني كاره الحب نفسه)

وموضوع الانتحار ده بقي اللي خايف منه اوي بجد ,,, لما قلت اني دايما حاسس بالموت قريب مني دي حقيقه وده احساسي الدائم فعلا
وعشان كده وغصب عني كنت بافكر اني اروحله احسن من اني استناه لان بجد الانتظار شئ صعب اوي

اكيد كلامكم ده يمكن خفف عني نوعا ما , لكن ظروفي الحياتيه الايام دي هي اللي بتقتلني فعلا

اخيرا هطلب منكم طلب (والدي في المستشفي الوقتي وحالته سائت عن الاول كتير وانا محتاج منكم دعواتكم ليه وللمسلمين بالشفا او بالرحمه) ياتري ممكن

وهي دي مشكلتي الحقيقيه (اب مريض علي وشك الموت , والابن اعد ع النت !!! وربنا يستر)

طولت عليكم اوي , ِSALAM ALLAH ALEKOM

متزعلش نفسك يا ميدو من اي حاجة حصلت ولا تندم عليها ومتفكرش تاني ف الانتحار ده متخلنيش اجي اتشاكل معاك تنتحر كمان ال ليه مفيش حاجة مستاهله ابداااااااااا
يا رب يشفي والدك قريب اووووووووووووووي يا رب
وان شاء الله كلنا هندعيله وندعيلك دايما والله لو في ايدي اي حاجة غير الدعاء كنت عملتها ومتاخرتش قوللي بجد ايه اللي ممكن اقدر اعمله المهم بس حالك يتغير للاحسن ومتفضلش زعلان كده ومش مبسوط علطول

اللهم اشفه شفاء ليس بعده سقما ابدا..اللهم خذ بيده اللهم احرسه بعينيك التى لا تنام .
و اكفه بركنك الذى لا يرام و احفظه بعزك الذى لا يُضام .و اكلأه فى الليل و فى النهار .
و ارحمه بقدرتك عليه ّ.أنت ثقته و رجائه يا كاشف الهم . يا مُفرج الكرب يا مُجيب دعوة
المُضطرين .اللهم البسه ثوب الصحة والعافية عاجلا غير اجلا ياأرحم الراحمين..
اللهم اشفه اللهم اشفه اللهم اشفه..اللهم امين.

إلهي ..
أذهب البأس رب الناس ، اشف و أنت الشافي ، لا شفاء إلا شفاؤك ، شفاءً لا يغادر سقماً ..
إلهي ..
أذهب البأس رب الناس ، بيدك الشفاء ، لا كاشف له إلا أنت .. يارب العالمين آمين ..
إلهي ..
إني أسألك من عظيم لطفك وكرمك و سترك الجميل أن تشفيه و تمده بالصحة و العافية ..
إلهي ..
لا ملجأ و لا منجا منك إلا إليك .. إنك على كل شيء قدير .

اللهم اشفه شفاء ليس بعده سقما ابدا..اللهم خذ بيده اللهم احرسه بعينيك التى لا تنام .
و اكفه بركنك الذى لا يرام و احفظه بعزك الذى لا يُضام .و اكلأه فى الليل و فى النهار .
و ارحمه بقدرتك عليه ّ.أنت ثقته و رجائه يا كاشف الهم . يا مُفرج الكرب يا مُجيب دعوة
المُضطرين .اللهم البسه ثوب الصحة والعافية عاجلا غير اجلا ياأرحم الراحمين..
اللهم اشفه اللهم اشفه اللهم اشفه..اللهم امين.

اللهم يا مجيب المضطر اذا دعاه , تقبل دعائي

الهي يا كاشف السوء , اكشفه عنه يا الله

الهي يا رافع الباس , ارفع باسه عنه يا الله


اللهم تقبل واستجب فلا مجيب سواك ولا اله الاك

ربنا يشفى عن والدك يا رب يا احمد ويجعله فى افضل حال وبصحه جيده دائما يا رب وربنا يشفى عن كل مرضى المسلمين آمين