أنتخابات ع الصبح

خبر من قلب قريه الشعراء اللجان هادئه جدا والامن مستتب والناس بتنتخب وكله تمام التمام والحمد لله .....

خبر آخر ان المدرسه ما بينها وبين بيتى حوالى 7 امتار ومعايا بطاقه انتخابيه ومكسله انزل انتخب !!!!!

كان معكم حب للابد من قلب الحدث

هههههههههههههه انتخابات مسخرة والله تحس ان الشارع بتاعنا كله نايم

ماتعرفش لية زى مايكون يوم البيات الشتوى

وطبعا صحيت ع مكالمة عضوة نشطة ف الاخوان احم احم وعرفت اللجنة والمكان والرقم الانتخابى

وقررت انى اكون ايجابيه وهنزل انتخب بس بعد المغرب ف التراوة

كانت معكم بوينت اوف فيو من قلب الحدث
---------- قطاع منتدى شباب بجد

ونسيت اقول انى صايعى بقى لونه احمر ..المفروض يجيبوا لون ابيض

أنا بقا محدثكم نادر سيف الدين من أهدي مكان فالعالم (رأس البر الحبيبة )

اللي ملهاش علاقة بالبسلة

بس سيبكم من دا كله انا بقا بحب اتفرج علي أخبار ستة وتسعة بجد أخبار تحفففففففففففة

وبغض النظر عن البنت اللي كانت لابسة بادي غريب جدا ورايحة تنتخب بس اكتر حاجة لفتت انتباهي

فالآخبار ان المواطنين اللي ظهروا فالأخبار واتكلمو تقريبا كلهم خريجين اكسفورد يونيفيرستي

فجأة كل المواطنين بقوا بيتكلمو عن الشفافية وعن مدي مصداقية الانتخابات واد ايه اللجان الانتخابية منظمة جدا

اكتر حاجة بقا بجد عجبتني ان مواطنة فاضلة طلعت تقول :

( المرأة مش نص المجتمع لااااااااا المرأة تلات تربع المجتمع كمان وربنا يخليلنا سيادة الرئيس)
بصراحة دي جديدة لانج عمري ما سمعتها قبل كدا

صباح اللي بتغني ههههههههههههه الامن مستتب فعلا هدوء والنا سقاعدة في بيوتها اجازة مفيش دوشة نهائي نهائي بس الخبر اللي زعلني ان في ابن مرشح مستقل بالمطرية توفي للاسف وكمان في واحد في دلتا مصر اللهم اعلم فين سمعته علي راديو سوا انه اثناء التصويت اصيب باطلاق النار

ربنا يستر ويعدي الايام علي خير ومتحصلش خساير زي دورة الانتخابات اللي فاتت وتوفي 2 من قرية الخياطة

كانت معكم نرمين من اخر شارع المستشفي التخصصي مرشحة فئلا رمز القطة

بعد محاولات منى لاقناع اهلى بضرورة الانتخاب و ان لازم اقوم بتادية الواجب الوطنى بتاعى و بتشجيعات من الناس اللى اعرفها قررت اروح انتخب لاول مرة فى حياتى

و دخلت اللجنة عادى و قابلتنى ست لطيفة و قلتلى انتخبى فلان رمز .... و ما فيش دقايق بعدها ست ما تفرقش عنها فضلت واقفة جنبى عشان اعرف لجنتى و مصممة انى انتخب المرشح.....رمز ...... و على فكرة الظابط كان موجود و هى بتقولى و لم بيدى اى اعتراض

انتهت بقى بان حصل لخبطة فى اللجان و سمعت ان الصناديق بتتقفل لصالح.....و ان هما مصممين يخرجوا مرشح الاخوان

بس اللى كان مختلف النهاردة ان الشوارع كانت اهدى من الدورة اللى فاتت و ده صراحة اللى شجعنى انى انا انتخب

شكرا لجميع الاعضاء الى وضعونا فى قلب الحدث
وننتظر منهم ومن باقى الاعضاء اخبار الفائزين بمقاعد المجلس

كان معكم ART من امام الاب توب فى احدى غرف الشقه